Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 108;1-13

Ikwọ David. 108  Esịt mi ọsọn̄ọ ada, O Abasi.+Ami nyọkwọ edinem ikwọ,+Ubọn̄ mi n̄ko ọyọkwọ.+   Demede, O ndido urụk; afo n̄ko, O harp.+Ami nyedemede usiere.+   Ami nyotoro fi ke otu mme owo, O Jehovah;+Nyọkwọ edinem ikwọ nnọ fi ke otu mme idụt.+   Koro ima-mfọnido fo okon̄de esịm mme heaven,+Akpanikọ fo onyụn̄ esịm ikpaenyọn̄.+   Kon̄ kan mme heaven, O Abasi;+Yak ubọn̄ fo onyụn̄ okon̄ akan ofụri isọn̄.+   Man mbon ima fo ẹkpebọhọ,+O da ubọk nnasia fo nyan̄a mi nyụn̄ yere mi.+   Abasi ọdọhọ ke edisana idaha esie ete:+“Ami nyadara, nyada Shechem+ nnọ nte udeme;+Nyonyụn̄ ndomo unaisọn̄ Succoth+ nnọ.   Gilead+ edi okịm; Manasseh+ edi okịm;Ndien Ephraim edi ebiet ubọhọ ọnọ etubom mi;+Judah edi esan̄ andikara mi.+   Moab+ edi eso uyet ukot*+ mi.Nyotop ikpaukot+ mi nduọk ke Edom.+Nyosio n̄kpo edikan+ mban̄a Philistia.”+ 10  Anie edida mi aka obio ibibene?+Anie edida mi usụn̄ ekesịm Edom?+ 11  Nte idịghe afo, O Abasi, emi otopde nnyịn ọduọk+Emi mûnyụn̄ usan̄ake ye udịmekọn̄ nnyịn uwọrọ nte Abasi?+ 12  N̄wam nnyịn ke nnanenyịn,+Koro edinyan̄a emi otode owo edide ikpîkpu.+ 13  Abasi ayanam nnyịn ikop odudu,+Enye oyonyụn̄ edịghi mme asua nnyịn.+

Mme Ikọ Idakisọn̄

Eso uyet ukot m̀mê ubọk m̀mê mbiba.