Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 105;1-45

105  Mbufo ẹkọm Jehovah, ẹseme ẹkot enyịn̄ esie,+Ẹnam ẹdiọn̄ọ mme edinam esie ke otu mme idụt.+   Ẹkwọ ẹnọ enye, ẹkwọ edinem ikwọ ẹnọ enye,+Ẹkere ẹban̄a kpukpru mme utịbe utom esie.+   Mbufo ẹda edisana enyịn̄ esie ẹbụre mbụre.+Yak esịt adat mmọ eke ẹyomde Jehovah.+   Ẹyom Jehovah ye odudu esie.+Ẹyom iso esie kpukpru ini.+   Ẹti mme utịbe utom emi enye anamde,+Mme utịben̄kpọ esie ye mme ubiereikpe inua esie,+   O mbufo mfri Abraham asan̄autom esie,+Mbufo nditọ Jacob, ndimek ikọt esie.+   Enye edi Jehovah Abasi nnyịn.+Mme ubiereikpe esie ẹmeyọhọ ofụri isọn̄.+   Enye emeti ediomi esie ke nsinsi,+Ye ikọ ewụhọ esie, ke tọsịn emana,+   Kpa ediomi emi enye akanamde ye Abraham,+Ye un̄wọn̄ọ emi enye ọkọn̄wọn̄ọde ọnọ Isaac,+ 10  Kpa ikọ emi enye eketịn̄de ọnọ Jacob nte ewụhọ,Ọnọ Israel nte nsinsi ediomi,+ 11  Ọdọhọ ete: “Nyọnọ mbufo isọn̄ Canaan+Nte udeme eke ẹbaharede ẹnọ mbufo.”+ 12  Emi ekedi ke ini mmọ ẹkedide esisịt ke ibat,+Ih, ata esisịt, ẹkenyụn̄ ẹdide isenowo ke esịt.+ 13  Ndien mmọ ẹyo ẹto ke idụt kiet ẹsịm idụt efen,+Ẹto ke obio edidem kiet ẹsịm obio efen.+ 14  Enye ikayakke owo ekededi anam mmọ n̄kpọ ke utụk,+Edi asua ọnọ ndidem ke ntak mmọ,+ 15  Ọdọhọ ete: “Mbufo ẹkûtụk mmọ emi nyetde aran,+Ẹkûnyụn̄ ẹnam mme prọfet mi idiọkn̄kpọ ndomokiet.”+  16  Ndien enye okot akan̄ esịn ke isọn̄;+Enye obụn̄ kpukpru eto emi ẹyịride mme ekara uyo.+ 17  Enye ọdọn̄ owo ebem mmọ isoKpa Joseph emi ẹkenyamde nte ofụn.+ 18  Mmọ ẹdọn̄ enye ukot ke ebuka,+Ẹsịn ukpọn̄ esie ke ukwak;+ 19  Tutu esịm ini emi ikọ esie osude,+Ikọ Jehovah anam enye asana.+ 20  Edidem ọdọn̄ ẹkesio enye,+Andikara mme idụt ọdọn̄ ẹkekpọhọde enye. 21  Enye enịm enye nte etubom ufọk esie+Ye nte andikara ofụri inyene esie,+ 22  Man enye ọbọp mbọn̄ nte ukpọn̄ esie amade+Onyụn̄ ekpep mbiowo esie ọniọn̄.+ 23  Ndien Israel edi ke Egypt,+Jacob onyụn̄ odụn̄ nte esen ke isọn̄ Ham.+ 24  Ndien enye anam ikọt esie ẹtọt etieti,+Onyụn̄ anam mmọ ẹkop odudu ẹkan mme asua mmọ.+ 25  Enye ayak esịt mmọ akabade asua ikọt esie,+Ẹnyụn̄ ẹnam n̄kpọ n̄kari n̄kari ye mme asan̄autom esie.+ 26  Enye ọdọn̄ Moses asan̄autom esie,+Ye Aaron emi enye ekemekde.+ 27  Mmọ ẹwụt mmọ mme idiọn̄ọ esie,+Ye mme utịben̄kpọ ke isọn̄ Ham.+ 28  Enye ọdọn̄ ekịm onyụn̄ anam enye ekịm;+Ndien mmọ ikọsọn̄ke ibuot ye ikọ esie.+ 29  Enye anam mmọn̄ mmọ akabade iyịp,+Onyụn̄ owot iyak mmọ.+ 30  Mfọt ọyọhọ isọn̄ mmọ,+Ke esịt ubet ndidem mmọ. 31  Enye ọdọhọ okpụm ẹdụk ẹdi,+Mbufụk ẹfụk ofụri obio mmọ.+ 32  Enye anam edịm mmọ edi edịm itiat,+Edemeikan̄ asak ke isọn̄ mmọ.+ 33  Ndien enye abiat mme eto vine ye fig mmọOnyụn̄ obụn̄ mme eto ke obio mmọ.+ 34  Enye ọdọhọ n̄kukun̄kpọyọriyọ ẹdụk ẹdi,+Ye orụk n̄kukun̄kpọyọriyọ eke mînyeneke ibat.+ 35  Ndien mmọ ẹta kpukpru ikọn̄ ke isọn̄ mmọ;+Ẹta n̄ko mbun̄wụm isọn̄ mmọ. 36  Ndien enye owot kpukpru akpa nditọ ke isọn̄ mmọ,+Kpa editọn̄ọ odudu ubon nditọ mmọ.+ 37  Enye onyụn̄ ada mmọ ọwọrọ ye silver ye gold;+Ndien baba owo kiet ke otu mme esien esie kiet ituakke ukot ke usụn̄. 38  Egypt ẹdara ke ini mmọ ẹwọn̄ọde,Koro ndịk mmọ okodorode mmọ ke idem.+ 39  Enye anyanade obubịt enyọn̄ nte ufụhọn̄kpọ,+Ye ikan̄ man ọnọ un̄wana ke okoneyo.+ 40  Mmọ ẹben̄e, ndien enye ada orụk inuen nte nsan̄kot edi,+Onyụn̄ ọnọ mmọ uyo emi otode heaven ẹyụhọ.+ 41  Enye asiak itiat, ndien mmọn̄ ọwọrọ;+Ewet ebe ke edisat ebiet nte akpa.+ 42  Koro enye ama eti edisana ikọ esie emi enye eketịn̄de ọnọ Abraham asan̄autom esie.+ 43  Ntre enye ada ikọt esie ọwọrọ ye idara,+Ada ndimek ikọt esie ọwọrọ ye n̄kpo idara.+ 44  Ada isọn̄ mme idụt nsịtnsịt ọnọ mmọ,+Mmọ ẹnyụn̄ ẹda se mme idụt ẹkenamde ọkpọsọn̄ utom ke esịt ẹnyene,+ 45  Man mmọ ẹkpenịm mme ewụhọ esie+Ẹnyụn̄ ẹnịm mme ibet esie.+Mbufo ẹtoro Jah!+

Mme Ikọ Idakisọn̄