Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 104;1-35

104  O ukpọn̄ mi, toro Jehovah.+O Jehovah Abasi mi, afo omokpon etieti.+Afo amada uku ye uyai abana idem,+   Ada un̄wana ofụk idem nte ọfọn̄,+Anyanade ikpaenyọn̄ nte ọfọn̄ tent,+   Enye emi adade ndori ọbọp ubet enyọn̄ esie ke mmọn̄,+Anamde obubịt enyọn̄ edi chariot esie,+Asan̄ade ke mba ofụm,+   Anam mme angel esie ẹdi spirit,+Mme asan̄autom esie ẹdi ikan̄ eke atade.+   Enye owụk isọn̄ ke itie esie;+Idisehekede tutu amama, m̀mê ke nsinsi.+   Afo ada udem ofụk enye nte ọfọn̄.+Mmọn̄ ada okon̄ akan mme obot.+   Nduari fo anam mmọ ẹfen̄e;+Uyom obuma fo anam mmọ ẹnyek idem ẹfen̄e—⁠   Mme obot ẹdaha ẹdọk,+Mme unaisọn̄ itịghede ẹnyụn̄ ẹsụhọde—⁠Ẹka ebiet emi afo enịmde ọnọ mmọ.   Afo emenịm adan̄a, emi mmọ mînyeneke ndibe,+Man mmọ ẹkûfiak ẹdifụk isọn̄.+ 10  Enye anam mme idịm ẹsiaha ke mme itịghede;+Mmọ ẹwet ẹbe ke ufọt mme obot. 11  Mmọ ẹnọ kpukpru mme unam ikọt mmọn̄ ẹn̄wọn̄;+Mme zebra+ ẹsụk nsatitọn̄ mmọ kpukpru ini. 12  Mme inuen enyọn̄ ẹdụn̄ ke enyọn̄ mmọ;+Mmọ ẹsọrọ ke ikpọ n̄kọk eto ẹsioro uyo.+ 13  Enye osio mmọn̄ ke mme ubet enyọn̄ esie ebịt mme obot.+Mbun̄wụm utom esie oyụhọ isọn̄.+  14  Enye anam awawa mbiet ẹtịbe ẹnọ mme unam ikọt,+Onyụn̄ anam ikọn̄ ẹtịbe ẹnọ owo,+Man anam isọn̄ osion̄o udia,+ 15  Ye wine emi anamde esịt adat owo,+Ọnọ aran emi anamde iso ayama,+Ye udia emi ọbọkde esịt owo.+ 16  Mme eto Jehovah ẹkop uyụhọ,Mme eto cedar Lebanon emi enye ọkọtọde,+ 17  Emi mme inuen ẹbọpde efọk.+Amaedi inuen inyan̄, mme eto juniper ẹdi ufọk esie.+ 18  Mme edikon̄ obot+ ẹnyene mme ebot ikpọ obot;+Mme abaitiat ẹdi ebiet udịbe ẹnọ eku abaitiat.+ 19  Enye anam ọfiọn̄ ọnọ edikem ini;+Utịn etịm ọfiọk ebiet emi enye esisopde.+ 20  Afo anam ekịm, man enye akabade edi okoneyo;+Kpukpru mme unam akai ẹwọrọ ẹsan̄a ke esịt. 21  Abak nyara ekpe ẹkụni ẹyom se ẹditade+Ẹnyụn̄ ẹyom udia mmọ emi Abasi ọnọde.+ 22  Utịn asiaha+—⁠mmọ ẹfiak edemẸkesụhọde ẹna ke mme ebiet udịbe mmọ. 23  Owo ọwọrọ aka utom esie+Ye se enye anamde tutu esịm mbubreyo.+ 24  Mme utom fo ẹwak didie, O Jehovah!+Afo amanam kpukpru mmọ ke ọniọn̄.+Isọn̄ ọyọhọ ye mme utom fo.+ 25  Amaedi inyan̄ emi okponde onyụn̄ atarade ntem,+Mme n̄kpọ emi ẹsan̄ade ke esịt esie inyeneke ibat,+Mme odu-uwem n̄kpọ, n̄kpri ye ikpọ.+ 26  Mme nsụn̄ikan̄ ẹsan̄a ke esịt;+Amaedi Leviathan,+ afo akanam enye man ebre mbre ke esịt esie.+ 27  Kpukpru mmọ—⁠afo ke mmọ ẹbet+Ẹte ọnọ mmimọ udia ke ini.+ 28  Se afo ọnọde mmọ ke mmọ ẹtan̄.+Afo atat ubọk fo—⁠nti n̄kpọ ẹyụhọ mmọ.+ 29  Edieke afo edịpde iso fo, esịt etịmede mmọ.+Edieke afo ọbọde mmọ spirit, mmọ ẹbe ẹfep,+ Ẹnyụn̄ ẹfiak ke ntan mmọ.+ 30  Edieke afo ọdọn̄de spirit fo, mmọ ẹboro;+Afo onyụn̄ anam iso isọn̄ edi obufa. 31  Ubọn̄ Jehovah oyodu ke nsinsi.+Jehovah ayadat esịt ke mme utom esie.+  32  Enye ese isọn̄, ndien isọn̄ enyek;+Otụk mme obot, mmọ ẹsion̄o nsụn̄ikan̄.+ 33  Ami nyọkwọ ikwọ nnọ Jehovah ke ofụri eyouwem mi;+Nyọkwọ edinem ikwọ nnọ Abasi mi adan̄a nte ndude uwem.+ 34  Yak se ami n̄kerede mban̄a enye edi n̄kpọ inemesịt.+Ami nyadara ke Jehovah.+ 35  Ẹyesobo mme anamidiọk ẹfep ke isọn̄;+Amaedi mme idiọkowo, mmọ ididụhe aba.+O ukpọn̄ mi, toro Jehovah. Mbufo ẹtoro Jah!+

Mme Ikọ Idakisọn̄