Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Psalm 103;1-22

Eke David. 103  O ukpọn̄ mi, toro Jehovah,+ Kpukpru se idude mi ke idem, ẹtoro edisana enyịn̄ esie.+   O ukpọn̄ mi, toro Jehovah, Kûnyụn̄ ufre kpukpru mme edinam esie,+   Enye emi efende kpukpru ndudue fo,+ Emi ọkọkde kpukpru mme udọn̄ọ fo,+   Emi afakde uwem fo osio ke obube,+ Emi adade ima-mfọnido ye mbọm ayara fi ke ibuot,+   Emi adade nti n̄kpọ oyụhọ fi ke eyouwem fo;+ Uyen fo aka iso ndisehe nte eke ntrukpom.+   Jehovah ke anam ndinen+ edinam Onyụn̄ ekpe edinen ikpe ọnọ kpukpru mmọ eke ẹtụkde.+   Enye ama anam Moses ọdiọn̄ọ mme usụn̄ esie,+ Anam nditọ Israel ẹdiọn̄ọ mme edinam esie.+   Jehovah enyene esịtmbọm onyụn̄ ọfọn ido,+ Isọpke iyatesịt onyụn̄ awak ima-mfọnido.+   Enye idikwe ndudue inọ owo kpukpru ini,+ Idinyụn̄ iyatke esịt ke nsinsi.+ 10  Enye inamke ye nnyịn nte idiọkn̄kpọ nnyịn edide;+ Inyụn̄ inọhọ nnyịn ufen nte ekemde ye mme ndudue nnyịn.+ 11  Koro kpa nte enyọn̄ okon̄de akan isọn̄,+ Ntre ke ima-mfọnido esie okpon ye mmọ eke ẹbakde enye.+ 12  Kpa nte edem usiahautịn oyomde usụn̄ ọkpọn̄ edem usoputịn,+ Ntre ke enye enịm mme ndudue nnyịn oyom usụn̄ ọkpọn̄ nnyịn.+ 13  Kpa nte ete atuade nditọ esie mbọm,+ Ntre ke Jehovah atua mbon oro ẹbakde enye mbọm.+ 14  Koro enye etịmde ọfiọk nte ẹbotde nnyịn,+ Emeti ete ke nnyịn idi ntan.+ 15  Amaedi owo, mme usen esie ẹbiet eke awawa mbiet;+ Kpa nte mbiet in̄wan̄ esehede ke ibio ini, ntre ke enye esehe.+ 16  Koro ofụm eberide enye, ndien enye idụhe aba;+ Ndien ebiet esie ididiọn̄ọke aba enye.+ 17  Edi ima-mfọnido Jehovah ododu ke nsinsi nsinsi+ Ọnọ mmọ eke ẹbakde enye,+ Edinen ido esie onyụn̄ odu ye nditọ nditọ mmọ,+ 18  Ye mmọ eke ẹnịmde ediomi esie+ Ye mmọ eke ẹtide ẹnyụn̄ ẹnịmde mme ewụhọ esie.+ 19  Jehovah ọsọn̄ọ owụk ebekpo esie ke mme heaven;+ Itie edidem esie onyụn̄ akara kpukpru n̄kpọ.+ 20  Ẹtoro Jehovah, O mbufo mme angel+ esie emi ẹkopde odudu, emi ẹnamde ikọ esie,+ Ke ndikop uyo esie.+ 21  Ẹtoro Jehovah, kpukpru mbufo mme udịm esie,+ Mbufo mme asan̄autom esie, emi ẹnamde uduak esie.+ 22  Ẹtoro Jehovah, mbufo kpukpru mme utom esie,+ Ke kpukpru ebiet emi enye akarade.+ O ukpọn̄ mi, toro Jehovah.+

Mme Ikọ Idakisọn̄