Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Hebrew 8;1-13

8  Ke mme n̄kpọ oro isụk inemede mi, akpan n̄kpọ edi emi: Nnyịn imenyene utọ akwa oku+ emi, ndien enye ama osụhọde etetie ke ubọk nnasia ebekpo Andinyene Ubọn̄ ke mme heaven,+  asan̄autom edisana ebiet+ ye ata tent, emi edide Jehovah+ ọkọbọp, idịghe owo.+  Koro ẹmek akwa oku kiet kiet man emen mme enọ ọsọk Abasi onyụn̄ awa uwa;+ ke ntre ama oyom enye emi n̄ko enyene n̄kpọ ndiwa.+  Edi, edieke enye okpodude ke isọn̄, enye ikpedịghe oku,+ koro mme owo ẹdu ndimen mme enọ nsọk Abasi nte Ibet etemede,  emi ẹnamde edisana utom oro edide mbiet+ ye mbukpọn̄+ n̄kpọ eke heaven; kpa nte Abasi ọkọnọde Moses uyo,+ ke ini okoyomde ndibọp tent+ mma: Koro enye ọdọhọde ete: “Kụt ete amanam kpukpru n̄kpọ ẹtie nte mbiet emi ẹkewụtde fi ke obot oro.”+  Edi Jesus ke emi ọmọbọ utom eke ọfọnde akan, emi enye anamde ọnọ mme owo, ntre enye edi n̄ko esịne-ufọt+ ke ediomi eke ọfọnde akan,+ emi ẹdade mme un̄wọn̄ọ eke ẹfọnde ẹkan ẹsọn̄ọ nte ekemde ye ibet.+  Koro edieke akpa ediomi oro akpakananade ndudue, owo ikpokoyomke udiana;+  koro enye okụt ndudue ọnọ mme owo ke ini enye ọdọhọde ete: “Jehovah ọdọhọ ete, ‘Sese! Mme usen ke ẹdi, ndien ami nyanam obufa ediomi ye ufọk Israel ye ufọk Judah;+  idibietke ediomi+ oro n̄kodiomide ye mme ete ete mmọ ke usen oro n̄komụmde mmọ ubọk nda n̄wọrọ ke isọn̄ Egypt,+ koro mmọ ikakaha iso inịm ediomi mi,+ anam mma ntre ndise mmọ enyịn,’ Jehovah ọdọhọ.”+ 10  “‘Koro emi edi ediomi oro ndidiomide ye ufọk Israel ke mme usen oro ẹbede,’ Jehovah ọdọhọ. ‘Nyesịn mme ibet mi ke ekikere mmọ,+ nyonyụn̄ n̄wet mmọ ke esịt mmọ. Ndien ami nyedi Abasi mmọ,+ mmọ ẹyenyụn̄ ẹdi ikọt mi.+ 11  “ ‘Ndien owo mmọ kiet kiet idikpepke kiet eken ite: “Fiọk Jehovah!”+ Koro kpukpru mmọ ẹyefiọk mi,+ ọtọn̄ọde ke n̄kpri-n̄kan tutu esịm n̄kponn̄kan ke otu mmọ. 12  Koro nyatua mmọ mbọm ke mme ukwan̄ edinam mmọ, ndinyụn̄ ntịghi aba+ mme idiọkn̄kpọ mmọ.’”+ 13  Ke enye ndidọhọ “obufa ediomi” enye amanam akpa oro akabade edi akani.+ Edi se ẹnamde akabade edi akani, emi onyụn̄ ọsọn̄de, ekpere ndibe mfep.+

Mme Ikọ Idakisọn̄