Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Hebrew 7;1-28

7  Koro Melchizedek, kpa edidem Salem, oku Ata Edikon̄ Abasi,+ emi ọkọwọrọde okosobo ye Abraham nte ọnyọn̄de ndiwot ndidem edi, onyụn̄ ọdiọn̄de enye,+  emi Abraham okonyụn̄ osiode ubak kiet ke itie duop ke otu kpukpru n̄kpọ ọnọ,+ emi ke akpa itie, ẹkabarede enyịn̄ esie nte, “Edidem Edinen Ido,” enye onyụn̄ edi n̄ko edidem Salem,+ oro edi, “Edidem Emem.”  Enye inyeneke ete, inyeneke eka, inyeneke udịm ubon, inyeneke ntọn̄ọ usen+ inyụn̄ inyeneke utịt uwem, edi ẹnam enye etie nte Eyen Abasi,+ enye onyụn̄ aka iso edi oku ke nsinsi.+  Ẹse, ndien, adan̄a nte owo emi okokponde, emi Abraham, ete ubon, okosiode ọyọhọ mbak duop ke otu nti n̄kpọ mbụme ọnọ enye.+  Ke akpanikọ, ẹma ẹwụk mbon oro ẹtode otu nditọ Levi+ emi ẹkebọde itieutom oku ẹnyene ẹte ẹbọ mme owo+ ọyọhọ mbak duop+ nte Ibet etemede, oro edi, ẹbọ nditọete mmọ, idem ọkpọkọm mmọ emi ẹkewọrọ ẹto Abraham ke idem;+  edi owo emi mîkekemeke ndiwụt ke imọ ito udịm ubon+ mmọ ama ọbọ Abraham+ ọyọhọ mbak duop onyụn̄ ọdiọn̄ enye emi ekenyenede un̄wọn̄ọ.+  Edi eneni ndomokiet idụhe ite ke edi akamba ọdiọn̄ ekpri.+  Ndien ke n̄kan̄ kiet edi mmọ eke ẹdikpade ẹbọ ọyọhọ mbak duop,+ edi ke n̄kan̄ eken edi owo emi ẹtiede ntiense ẹban̄a ẹte enye odu uwem,+ ọbọ.  N̄ko, edieke n̄kpọdọhọde ke oto ke Abraham Levi emi akam ọbọde ọyọhọ mbak duop ọnọ ọyọhọ mbak duop, 10  koro enye okosụk odu ke idem+ ete ete esie ke ini Melchizedek osobode ye enye.+ 11  Ndien edieke itie oku nditọ Levi+ akpanamde owo ọfọn ama+ (koro enye ekedide ikpehe kiet ke Ibet oro ẹkenọde mme owo,)+ didie ndien ke ẹkpeka iso ẹyom+ oku efen adaha ada ke ukem usụn̄ oro Melchizedek ekedide+ inyụn̄ idọhọke ke usụn̄ oro Aaron ekedide? 12  Koro sia ẹma ẹkekpụhọ itie oku+ oro, ana ẹkpụhọ ibet n̄ko.+ 13  Koro owo oro ẹtịn̄de mme n̄kpọ emi ẹban̄a edi owo esien efen,+ emi owo ndomokiet mîtoho do inam utom ke itieuwa.+ 14  Koro ana ata in̄wan̄-in̄wan̄ nte ke Ọbọn̄ nnyịn oto Judah,+ kpa esien emi Moses mîketịn̄ke n̄kpọ ndomokiet iban̄a mme oku. 15  Ndien osụk etetịm an̄wan̄a nnyịn nte ke oku efen+ emi ebietde Melchizedek+ adaha ada, 16  emi mîkabakede idi oku nte ibet obụkidem+ etemede, edi nte ekemde ye odudu oro ọnọde uwem emi owo mîkemeke ndisobo,+ 17  koro ẹtie ntiense ẹte: “Afo edi oku ke nsinsi ke ukem usụn̄ oro Melchizedek ekedide.”+ 18  Ke emi, ẹkpọnọde ewụhọ emi okodude ke mbemiso ẹnịm n̄kan̄ kiet ke ntak emi enye edide mmeme+ mînyụn̄ inyeneke ufọn.+ 19  Koro Ibet ikanamke ndomo n̄kpọ kiet ọfọn ama,+ edi edida idotenyịn eke ọfọnde akan+ ndidian akanam, emi ebede ke enye nnyịn isan̄a ikpere Abasi.+ 20  N̄ko, kpa nte akasan̄ade ye edida un̄wọn̄ọ, 21  (koro odu mme owo oro ẹkabarede ẹdi mme oku edi idaha un̄wọn̄ọ, edi odu owo kiet emi Enye emi eketịn̄de aban̄a enye akadade un̄wọn̄ọ ete: “Jehovah ada un̄wọn̄ọ+ (ndien idituaha n̄kpọfiọk), ‘Afo edi oku ke nsinsi,’”)+ 22  ntre n̄ko ke Jesus akabade edi enye emi ẹnọde ke ubiọn̄ ẹban̄a ediomi eke ọfọnde akan.+ 23  N̄ko-n̄ko, ediwak owo ẹkenyene ndikabade ndi oku ke adiana ke adiana+ ke ntak emi n̄kpa akpande mmọ+ ndisụk n̄ka iso ndi oku, 24  edi koro enye akade iso odu uwem ke nsinsi,+ idụhe owo ndomokiet eke adade itie oku esie. 25  Mmọdo amaedi mbon oro ẹsan̄ade ke enye ẹkpere Abasi, enye n̄ko ekeme ndinyan̄a mmọ ọyọhọ ọyọhọ, koro enye odude uwem kpukpru ini ndinam n̄kpeubọk nnọ mmọ.+ 26  Koro utọ akwa oku emi odot ye nnyịn,+ enye ọsọn̄ọ ada,+ iduehe,+ isabakede idem,+ adian̄ade ọkpọn̄ mme anamidiọk,+ onyụn̄ okon̄ akan mme heaven.+ 27  Enye inyeneke ndiwa uwa ke usen ke usen+ nte mme akwa oku oro ẹkesinamde, ndibem iso n̄wa mban̄a mme idiọkn̄kpọ esie+ ndien ekem awa aban̄a idiọkn̄kpọ mbio obio:+ (koro enye akanam emi ini kiet kpọt+ ke ini emi enye akawade+ idemesie;) 28  koro Ibet emek mme owo emi ẹnyenede mmeme+ enịm nte mme akwa oku,+ edi ikọ un̄wọn̄ọ+ oro eketienede Ibet edem emek Eyen, emi ẹnamde ọfọn ama+ ke nsinsi.

Mme Ikọ Idakisọn̄