Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Hebrew 3;1-19

3  Mmọdo, ndisana nditọete, mme andibuana ke ikot eke heaven,+ ẹkere ẹban̄a apostle*+ ye akwa oku emi nnyịn itịn̄de iban̄a+—kpa Jesus.  Enye ama anam akpanikọ+ ọnọ Owo emi ekemekde enye enịm, kpa nte Moses+ akanamde akpanikọ n̄ko ke ofụri ufọk Owo oro.+  Koro ẹbat ẹte Jesus odot ndinyene ubọn̄ eke okponde+ akan eke Moses, adan̄a nte enye+ emi ọbọpde ufọk enyenede ubọn̄ akan ufọk.+  Edi akpanikọ, kpukpru ufọk ẹnyene andibọp, edi enye emi ọkọbọpde kpukpru n̄kpọ edi Abasi.+  Ndien Moses emi ekedide asan̄autom+ ama anam akpanikọ ke ofụri ufọk Owo oro nte ntiense n̄kpọ oro ẹditịn̄de ke ukperedem,+  edi Christ ama anam akpanikọ nte Eyen+ emi esede aban̄a ufọk Owo oro. Nnyịn idi ufọk Owo oro,+ edieke nnyịn isọn̄ọde imụm uko* nnyịn ikama ye mbụre oro ibụrede iban̄a idotenyịn oro tutu esịm utịt.+  Ke ntak emi, kpa nte edisana spirit+ ọdọhọde: “Mfịn edieke mbufo ẹkopde uyo esie,+  ẹkûsọn̄ esịt nte mme ete ete mbufo ẹkesọn̄de, ke ini ẹkenamde Abasi enen̄ede ayat esịt,+ nte ekedide ke usen oro ẹkedomode+ enye ke wilderness,+  emi mme ete ete mbufo ẹkedomode mi, edi mmọ ẹma ẹkụt mme utom mi+ ke isua aba.+ 10  Ke ntak emi emana emi ama efek mi ndien ndọhọ nte, ‘Esịt mmọ oyoyo kpukpru ini,+ mmọ inyụn̄ ifiọkke usụn̄ mi.’+ 11  Ntre mma n̄n̄wọn̄ọ ke iyatesịt mi nte, ‘Mmọ ididụkke+ ke nduọkodudu mi.’”+ 12  Nditọete, ẹkpeme mbak owo mbufo ekededi edinyene esịt eke ọdiọkde onyụn̄ ananade mbuọtidem ke ndiwọn̄ọde n̄kpọn̄ odu-uwem Abasi;+ 13  edi ẹnọ kiet eken item+ kpukpru usen, adan̄a nte edide “Mfịn,”+ mbak abian̄a abian̄a+ odudu idiọkn̄kpọ edisọn̄ owo mbufo ekededi esịt. 14  Koro nnyịn ke akpanikọ imakabade idi mme andibuana n̄kpọ ye Christ+ edieke isọn̄ọde imụm mbuọtidem oro nnyịn ikenyenede ke editọn̄ọ ikama tutu esịm utịt,+ 15  ke adan̄aemi ẹdọhọde ẹte: “Mfịn edieke mbufo ẹkopde uyo esie,+ ẹkûsọn̄ esịt nte mme ete ete mbufo ẹkesọn̄de ke ini emi ẹkenamde Abasi enen̄ede ayat esịt.”+ 16  Koro mmanie ẹkekop edi ẹnam enye enen̄ede ayat esịt?+ Nte idịghe kpukpru mbon oro ẹkesan̄ade ye Moses ẹwọn̄ọ ke Egypt?+ 17  Akan oro, mmanie ẹkefek Abasi ke isua aba?+ Nte idịghe mbon oro ẹkenamde idiọkn̄kpọ, emi okpo mmọ ẹkeduọn̄ọde ke wilderness?+ 18  Ndien enye ọkọn̄wọn̄ọ+ ọnọ mmanie ete ke mmọ ididụkke ke nduọkodudu imọ ke mîbọhọke mbon oro ẹketụtde utọn̄?+ 19  Ntre nnyịn imokụt ite ke mmọ ikekemeke ndidụk ke ntak unana mbuọtidem.+

Mme Ikọ Idakisọn̄

M̀mê, “enye emi ẹkesiode ẹdọn̄.”
M̀mê, “ifụre nditịn̄ ikọ.”