Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mme Hebrew 2;1-18

2  Ntak edi oro oyomde nnyịn itịm ikpan̄ utọn̄ ke mme n̄kpọ oro nnyịn ikokopde,+ mbak nnyịn idifiọrọ ikpọn̄ usụn̄.+  Koro edieke ikọ emi ẹkedade mme angel+ ẹtịn̄ ọsọn̄ọde ada, ẹnyụn̄ ẹnọde utịp ke kpukpru ubiatibet ye edinam ntụtutọn̄ nte ekemde ye unenikpe;+  nnyịn idinam didie ibọhọ+ edieke nnyịn ifụmide+ edinyan̄a eke okponde ntem+ emi Ọbọn̄ nnyịn+ ekebemde iso etịn̄, mmọ emi ẹkekopde nte enye etịn̄de ẹnyụn̄ ẹsọn̄ọde+ ikọ oro ẹnọ nnyịn,  ke adan̄aemi Abasi akadade mme idiọn̄ọ ye mme utịben̄kpọ ye nsio nsio utom odudu+ ye edideme+ edisana spirit nte ekemde ye uduak esie+ etiene etie ntiense?  Koro idịghe mme angel ke enye akada isọn̄ oro edidide,+ emi nnyịn itịn̄de iban̄a, enịm ke idak.  Edi ntiense kiet ama ewet ke ebiet kiet ete: “Owo edi nso eke afo etide enye,+ eyen owo onyụn̄ edi nso eke afo esede aban̄a enye?+  Afo amanam enye ekpri esisịt akan mme angel; ada ubọn̄ ye ukpono+ ayara enye, onyụn̄ emek enye ndise mban̄a utom ubọk fo.+  Afo ama ada kpukpru n̄kpọ esịn enye ke idak ikpat.”+ Koro ke emi Abasi ama akada kpukpru n̄kpọ esịn enye ke idak,+ Abasi ikpọn̄ke ndomo n̄kpọ kiet oro mîsịnke enye ke idak.+ Idahaemi, nte ededi, nnyịn ikwe kan̄a nte kpukpru n̄kpọ ẹdọn̄ọde enye ke idak;+  edi nnyịn imokụt Jesus, emi ẹkenamde ekpri esisịt akan mme angel,+ nte ẹnọde enye ubọn̄+ ye ukpono ke ndikakpa n̄kpa,+ man otode ke mfọnido Abasi oro owo mîdotke enye akpatabi n̄kpa ke ibuot kpukpru owo.+ 10  Koro ama odot enye emi kpukpru n̄kpọ ẹdide ẹdidu ke ntak esie,+ onyụn̄ otode ke enye kpukpru n̄kpọ ẹdu, ke edida ediwak nditọ ndụk ubọn̄,+ ndinam Akpan Isụn̄utom+ emi ọnọde mmọ edinyan̄a ọfọn ama ebe ke ndutụhọ.+ 11  Koro enye emi anamde owo asana ye mmọ oro ẹnamde ẹsana+ kpukpru ẹto owo kiet ẹwọn̄ọ,+ ndien ke ntak emi bụt inamke enye ndikot mmọ “nditọete,”+ 12  nte enye ọdọhọde ete: “Nyatan̄a enyịn̄ fo nnọ nditọete mi; nyotoro fi ke ikwọ ke otu esop.”+ 13  N̄ko: “Nyọbuọt idem ye enye.”+ Onyụn̄ ọdọhọ ete: “Sese! ami ye n̄kpri nditọ, emi Jehovah ọkọnọde mi.”+ 14  Ke ntre, sia “n̄kpri nditọ” ẹtienede ẹbuana ke iyịp ye obụk, enye n̄ko etiene abuana ke mme n̄kpọ emi,+ man otode ke n̄kpa esie+ enye okposobo+ enye emi ekemede ndida n̄kpa+ ndi, oro edi, Devil;+ 15  man enye ekpemen ubọhọ+ ọnọ kpukpru mbon oro ndịk n̄kpa+ anamde mmọ ẹdu ke itie ufụn ke ofụri eyouwem mmọ.+ 16  Koro enye in̄wamke mme angel ndomo esisịt, edi enye an̄wam mfri Abraham.+ 17  Mmọdo enye ekenyene ndikabade ntie nte “nditọete” esie ke kpukpru usụn̄,+ man enye akpakabade edi akwa oku emi okopde mbọm onyụn̄ anamde akpanikọ ke mme n̄kpọ oro ẹban̄ade Abasi,+ man enye akpawa uwa usio-isop+ kaban̄a idiọkn̄kpọ mme owo.+ 18  Koro ke emi enye ama okokụt ndutụhọ ke ini ẹdomode enye ẹse,+ enye ekeme ndin̄wam mbon oro ẹdomode ẹse.+

Mme Ikọ Idakisọn̄