Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Mme Hebrew 13;1-25

13  Ẹyak ima nditọete mbufo osụk akaka iso.+  Ẹkûfre ndikama isenowo,+ koro ebede ke ndikama isenowo, ndusụk owo ẹma ẹkama mme angel+ esen idiọn̄ọke.  Ẹti mmọ emi ẹdude ke n̄kpọkọbi+ nte n̄kpọ eke ẹkọbide mbufo ye mmọ,+ ye mbon oro ẹnamde ẹkụt ukụt,+ sia mbufo ke idem mbufo n̄ko ẹsụk ẹdude ke ikpọkidem.  Yak kpukpru owo ẹkpono ndọ, ẹkûnyụn̄ ẹsabade bed ndọ,+ koro Abasi eyekpe ikpe ye mbon use ye mme esịn efịbe.+  Ẹkûyak usụn̄ uwem mbufo asan̄a ye ima okụk,+ edi ẹyụhọ+ ye se mbufo ẹnyenede.+ Koro enye ọdọhọde ete: “Ndidehedei n̄kpọn̄ fi, ndinyụn̄ nsịnke fi.”+  Ntre nnyịn imekeme ndinen̄ede nnyene uko+ ndọhọ nte: “Jehovah edi andin̄wam mi; ndifeheke ndịk. Nso ke owo ekeme ndinam mi?”+  Ẹti mmọ eke ẹdade usụn̄ ke otu mbufo,+ emi ẹtịn̄de ikọ Abasi ẹnọ mbufo, ndien nte mbufo ẹtịmde ẹse nte edu uwem mmọ etiede, ẹkpebe+ mbuọtidem mmọ.+  Jesus Christ edi ukem ukem n̄kpọn̄ emi ekebede ye mfịn, ye ke nsinsi.+  Ẹkûyak nsio nsio esen ukpepn̄kpọ+ ẹnam mbufo ẹwaha ẹkpọn̄ usụn̄; koro ọfọn esịt ndinyene nsọn̄ọnda oto ke mfọnido oro owo mîdotke,+ itoho ke udia,+ emi mbon oro ẹyakde idem ẹsịn mîbọhọ ufọn. 10  Nnyịn imenyene itieuwa emi mbon oro ẹnamde edisana utom ke tent mînyeneke odudu ndidia n̄kpọ ke esịt.+ 11  Koro ẹkesifọp mme okpo unam oro akwa oku adade iyịp mmọ odụk edisana ebiet kaban̄a idiọkn̄kpọ ke edem itienna.+ 12  Ntem Jesus n̄ko ama okụt ndutụhọ ke edem inuaotop,+ man enye akpada iyịp+ esie anam mme owo ẹsana.+ 13  Ẹyak nnyịn, ndien, iwọrọ itiene enye ke edem itienna, ibiom esuene oro enye okobiomde,+ 14  koro nnyịn mînyeneke obio eke edikade iso odu mi,+ edi inen̄ede iyom enye emi edidide.+ 15  Ẹyak nnyịn iwa uwa ekọm+ inọ Abasi kpukpru ini ebe ke Jesus, oro edi, mfri n̄kpọkinua+ emi ẹdade ẹtan̄a enyịn̄ esie an̄wan̄wa.+ 16  Akan oro, ẹkûfre ndinam eti n̄kpọ+ ndinyụn̄ mbuana n̄kpọ ye mbon en̄wen, koro orụk uwa emi enen̄erede enem Abasi esịt.+ 17  Ẹkop uyo ẹnọ mbon oro ẹdade usụn̄ ke otu mbufo+ ẹnyụn̄ ẹsụk ibuot ẹnọ mmọ,+ koro mmọ ẹkpemede ukpọn̄ mbufo nte mmọ emi ẹdinamde ibat;+ man mmọ ẹkpenam emi ke idatesịt, ẹkûnam ye nsiama, koro emi mîdifọnke ye mbufo.+ 18  Ẹka iso ẹbọn̄ akam+ ẹban̄a nnyịn, koro nnyịn imenịm ite ke nnyịn imenyene eti ubieresịt, sia nnyịn iyomde ndinam akpanikọ ke kpukpru n̄kpọ.+ 19  Edi mmenen̄ede nsịn udọn̄ nnọ mbufo nte ẹnam emi, man ẹkpenam mi mfiak ntiene mbufo ke mîbịghike.+ 20  Abasi emem,+ emi akanamde akwa andikpeme+ erọn̄,+ kpa Ọbọn̄ nnyịn Jesus, ada iyịp nsinsi ediomi+ eset ke n̄kpa,+ akpakam 21  ọnọ mbufo kpukpru nti n̄kpọ ndinam uduak esie, anamde ke idem nnyịn se itịmde inem enye esịt ke iso esie+ ebe ke Jesus Christ; yak ubọn̄ enyene enye ke nsinsi nsinsi.+ Amen. 22  Nnọ mbufo uyo, nditọete, nte ẹbọ ikọ nsịnudọn̄ emi, koro mma n̄wet ikọ ifan̄ ke leta nnọ ẹsọk mbufo.+ 23  Ẹfiọk ẹte ke ẹma ẹsana Timothy+ eyenete nnyịn ẹyak, ndien, edieke enye awarade edi, nyasan̄a ye enye ndise mbufo. 24  Ẹkọm kpukpru mmọ oro ẹdade usụn̄+ ke otu mbufo ye kpukpru ndisana owo. Mbon emi ẹdude ke Italy+ ẹte n̄kọm mbufo. 25  Mfọnido oro owo mîdotke+ akpakam odu ye kpukpru mbufo.

Mme Ikọ Idakisọn̄