Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Micah 7;1-20

7  Mbọm mi,+ koro mmakabade ntie nte mfri ndaeyo oro ẹtetde, ye nte nsụhọ grape* oro ẹtetde!+ Baba etuek grape kiet eke owo adiade idụhe, fig eke abakde adat oro ọkpọdọn̄de ukpọn̄ mi ndidia inyụn̄ idụhe!+  Mbon emi ẹsọn̄ọde ẹda ẹmetak ke isọn̄, baba edinen owo kiet inyụn̄ idụhe ke otu ubonowo.+ Kpukpru mmọ ẹdịbe ẹbet ndiduọk iyịp.+ Kpukpru mmọ ẹda iyịre ẹbịne eyenete mmọ.+  Mmọ ẹsịn ubọk ke idiọk, man ẹtịm ẹnam enye;+ ọbọn̄ ọdọhọ ẹnọ imọ n̄kpọ, enye emi onyụn̄ ekpede ikpe ekpe oyom utịp,+ ọwọrọiso owo etịn̄ se idọn̄de ukpọn̄ esie;+ ndien mmọ ẹtie ọtọkiet ẹdụk odu.  Owo eke ọfọnde akan ke otu mmọ ebiet eto n̄kukịm, owo eke enende akan ke otu mmọ ọdiọk akan ọkọ n̄kukịm.+ Usen mbon ukpeme fo, emi ẹdiwọn̄ọrede enyịn ẹse fi, ke edi.+ Ndien mmọ ẹyedu ke ndutịme.+  Ẹkûbuọt idem ye nsan̄a mbufo. Ẹkûberi edem ke akpan ufan mbufo.+ Kpeme se iwọrọde fi ke inua mbak n̄wan emi anade fi ke ikpanesịt.+  Koro eyeneren esịnde ete esie ke ndek; eyenan̄wan an̄wana ye eka esie;+ n̄wan eyen onyụn̄ an̄wana ye eka ebe esie;+ mme asua owo ẹdi mbonufọk esie.+  Edi amaedi ami, nyodori enyịn ke Jehovah.+ Nyenyene edu editie mbet Abasi edinyan̄a mi.+ Abasi mi eyeyere mi.+  Kûdat esịt uban̄a mi, O n̄wan emi edide asua mi.+ Okposụkedi nduọde, nditreke ndidaha nda;+ okposụkedi ndụn̄de ke ekịm,+ Jehovah eyedi un̄wana mi.+  Nyọyọ ifụtesịt Jehovah—koro mmanam idiọkn̄kpọ ndue enye+—tutu enye ekpe ikpe mi onyụn̄ ebiere nte enende ọnọ mi.+ Enye ayada mi edi un̄wana; ami nyese edinen ido esie.+ 10  Ndien asua mi oyokụt, bụt oyonyụn̄ anam enye,+ kpa enye emi ọkọdọhọde mi ete: “Enye Jehovah Abasi fo?”+ Enyịn mi oyokụt asua mi.+ Ke emi enye ayakabade edi ebiet emi ẹdịghide, nte mbat ke efak.+ 11  Ewụhọ oyodu oyom usụn̄ ke usen oro ẹdibọpde mme ibibene itiat fo.+ 12  Ke usen oro mmọ ẹyekam ẹto Assyria ye mme obio Egypt ẹdi ẹtiene fi, ọtọn̄ọde ke Egypt idem tutu esịm Akpa;*+ onyụn̄ ọtọn̄ọde ke inyan̄ tutu esịm inyan̄, onyụn̄ ọtọn̄ọde ke obot tutu esịm obot.+ 13  Ndien isọn̄ ayana ndon ke ntak mme andidụn̄ enye, ke ntak utịp edinam mmọ.+ 14  Da esan̄ fo bọk ikọt fo,+ kpa ufene udeme fo, emi okodụn̄de ikpọn̄ ke akai—ke ufọt in̄wan̄ mfri.+ Nam mmọ ẹta mbiet ke Bashan ye ke Gilead+ nte ekedide ke eset.+ 15  “Ami nyowụt enye mme utịben̄kpọ kpa nte ekedide ke mme usen oro afo okotode isọn̄ Egypt ọwọrọ.+ 16  Mme idụt ẹyekụt, ndien bụt ayanam mmọ aban̄a ofụri odudu mmọ.+ Mmọ ẹyeda ubọk mmọ ẹfụk inua mmọ;+ utọn̄ ẹyenyụn̄ ẹsịre mmọ. 17  Mmọ ẹyedei ntan nte urụkikọt;+ mmọ ẹyewọrọ ke ibibene ukpeme mmọ ye nnyekidem nte mme unam eke ẹnyọnide ke isọn̄.+ Mmọ ẹyedi ẹbịne Jehovah Abasi nnyịn ye nnyekidem, mmọ ẹyenyụn̄ ẹfehe fi.”+ 18  Anie Abasi ebiet fi,+ kpa enye emi efende ndudue onyụn̄ adahadedo ke idiọkn̄kpọ+ nsụhọ udeme esie?+ Enye idikaha iso iyat esịt ke nsinsi, koro enye adatde esịt ke ima-mfọnido.+ 19  Enye ọyọtọn̄ọ ntak atua nnyịn mbọm;+ enye eyedịghi mme ndudue nnyịn.+ Ndien afo oyotomo kpukpru mme idiọkn̄kpọ mmọ ọdọn̄ ke udem inyan̄.+ 20  Afo ọyọnọ akpanikọ oro ọkọnọde Jacob, ye ima-mfọnido oro ọkọnọde Abraham, emi ọkọn̄wọn̄ọde ọnọ mme ete ete nnyịn toto ke eyo oko.+

Mme Ikọ Idakisọn̄

“Mfri vine.”
Oro edi, “Euphrates.”