Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Micah 4;1-13

4  Ndien ama ekem ke mme akpatre usen,+ obot+ ufọk+ Jehovah ọyọsọn̄ọ owụhọ okon̄ akan enyọn̄ ikpọ obot, ẹyenyụn̄ ẹmenede enye okon̄ akan n̄kpri obot;+ ndien mme owo ẹyebụn̄ọ ẹka do.+  Ndien ediwak idụt ẹyeka ẹkedọhọ ẹte: “Mbufo ẹdi,+ ẹyak nnyịn idọk ke obot Jehovah ye ke ufọk Abasi Jacob;+ ndien enye eyekpep nnyịn mme usụn̄+ esie, nnyịn iyonyụn̄ isan̄a ke mme afan̄usụn̄+ esie.” Koro ibet oyoto ke Zion ọwọrọ, uyo Jehovah oyonyụn̄ oto ke Jerusalem.+  Ndien enye eyebiere ikpe ke otu ediwak owo,+ onyụn̄ enen̄ede mme n̄kpọ+ ọnọ n̄kpọsọn̄ idụt ke anyan ebiet.+ Ndien mmọ ẹyeda akan̄kan̄ mmọ ẹdom n̄kpọ ufụn̄isọn̄ ẹnyụn̄ ẹda eduat mmọ ẹdom ikwa udiọn̄ eto.+ Idụt idimenke akan̄kan̄ itiene idụt, mmọ idinyụn̄ ikpepke aba ekọn̄.+  Ndien mmọ ẹyetie ke idak vine mmọ ye ke idak eto fig mmọ,+ ndien ididụhe owo eke edinamde mmọ ẹdịghe;+ koro edi inua Jehovah mme udịm ọdọhọ.+  Koro kpukpru owo ẹyesan̄a ke enyịn̄ abasi mmọ;+ edi nnyịn idisan̄a ke enyịn̄ Jehovah Abasi nnyịn+ ke nsinsi nsinsi.+  Jehovah ọdọhọ ete, “Ke usen oro nyatan̄ mbon oro ẹsọkde-sọk isan̄ mbon ọtọkiet;+ nyonyụn̄ ntan̄ mbon oro ẹkebịnde ẹfep mbon ọtọkiet,+ kpa mbon oro ndiọkde ukama.  Ndien nyanam mbon oro ẹsọkde-sọk isan̄ ẹsụhọ,+ nnyụn̄ nnam mbon oro ẹkebịnde ẹka anyan ebiet ẹkabade ẹdi ọkpọsọn̄ idụt;+ ndien Jehovah eyetie ke Obot Zion akara mmọ nte edidem, ke emi ye ke nsinsi.+  “Amaedi afo, O tọwa otu ufene, obot eyenan̄wan Zion,+ akpa ubọn̄ ayafiak etiene fi,+ ih, enye iditreke ndifiak ntiene fi, kpa obio ubọn̄ emi enyenede eyenan̄wan Jerusalem.+  “Ntak emi afo osụk ofioride n̄kpo?+ Nte edidem idụhe ke otu fo, mîdịghe nte andinọ fi item amatak, emi anamde fi okop ubiak oro ebietde eke n̄wan oro oyomde ndiman eyen?+ 10  Kop ọkpọsọn̄ ubiak nyụn̄ mụm mmụm, O eyenan̄wan Zion, nte n̄wan emi oyomde ndiman eyen,+ koro ke emi afo ọyọwọrọ ke obio, oyonyụn̄ odụn̄ ke in̄wan̄.+ Ndien afo ayasan̄a tutu esịm Babylon.+ Ẹyenyan̄a fi do.+ Jehovah ayafak fi do osio ke ubọk mme asua fo.+ 11  “Ndien ke emi ẹyesop ediwak idụt ẹban̄a fi, mmọ eke ẹdọhọde ẹte, ‘Yak ẹsabade enye, yak nnyịn inyụn̄ isụk enyịn ise Zion.’+ 12  Edi amaedi mmọ, mmọ ifiọkke mme ekikere Jehovah, uduak esie inyụn̄ in̄wan̄ake mmọ;+ koro enye ayatan̄ mmọ obon ọtọkiet nte wheat* emi ẹkpen̄ede obufa ẹda ẹka ọtọ udịghi wheat.+ 13  “O eyenan̄wan Zion, daha ke enyọn̄ nyụn̄ dịghi;+ koro nyanam nnụk fo akabade edi ukwak, nnyụn̄ nnam nnụkikpat fo ẹkabade ẹdi okpoho, afo oyonyụn̄ anuak ediwak owo;+ ndien afo ayayak idiọk udori+ mmọ ofụri ofụri ọnọ Jehovah, onyụn̄ ayak inyene mmọ ọnọ ata Ọbọn̄ ofụri isọn̄.”+

Mme Ikọ Idakisọn̄

Mîdịghe, emi ekeme ndidi “barley.”