Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Matthew 3;1-17

3  Ke mme usen oro John Andinịm Owo Baptism+ edi edikwọrọ ikọ ke wilderness+ Judea,  ete: “Ẹkabade esịt,+ koro obio ubọn̄ heaven ke asan̄a ekpere.”+  Ke akpanikọ, emi edi owo oro prọfet Isaiah+ eketịn̄de aban̄a ete: “Ẹkpan̄ utọn̄! Owo ke ofiori ke wilderness ete, ‘Mbufo ẹdiọn̄+ usụn̄ Jehovah! Ẹnen̄ede ọkpọusụn̄ esie.’”  Edi kpa John emi ekesịne edisịnen̄kpọ idet camel+ onyụn̄ ọbọbọ mbọbọ ikpa+ ke isịn; udia esie ekedi n̄kukun̄kpọyọriyọ+ ye aranọkwọk ikọt.+  Ndien Jerusalem ye ofụri Judea ye ofụri n̄kann̄kụk Jordan ẹka ẹbịne enye,  enye onyụn̄ enịm mme owo baptism ke Akpa Jordan,+ ndien mmọ ẹyarade mme idiọkn̄kpọ mmọ an̄wan̄wa.  Ke ini enye okụtde ediwak mme Pharisee ye mme Sadducee+ ẹdide ndina baptism, enye obụp mmọ ete: “Mbufo nditọ ibọm,+ anie okowụk mbufo mbara ete ẹfehe ẹbọhọ iyatesịt eke edide?+  Mmọdo ndien ẹsion̄o mfri eke odotde ye edikabade esịt;+  ẹkûnyụn̄ ẹdodomo ndidọhọ ke esịt mbufo ẹte, ‘Nnyịn imenyene Abraham nte ete.’+ Koro ndọhọ mbufo nte Abasi ekeme ndinam mme itiat emi ẹdaha ẹda ẹdi nditọ Abraham.+ 10  Ekụri+ anana ke etak eto; ndien ẹnyene ndikpi kpukpru eto eke mîn̄wụmke eti mfri nduọk+ nnyụn̄ ntop nsịn ke ikan̄.+ 11  Ami nnịm mbufo baptism ke mmọn̄+ ke ntak emi mbufo ẹkabarede esịt;+ edi enye emi etienede+ mi ke edem enyene odudu akan mi, ami nnyụn̄ ndotke ndisio enye ikpaukot ke ukot.+ Enye oro eyenịm mbufo baptism ke edisana spirit+ ye ikan̄.+ 12  Udọk usakn̄kpọ esie odu enye ke ubọk, ndien enye ayanam ọtọ udịghi wheat esie etịm asana, oyonyụn̄ atan̄ wheat esie obon ke ufọk ubonn̄kpọ,+ edi enye ọyọfọp mbio+ ke ikan̄ eke owo mîdikemeke ndinịme.” 13  Ekem Jesus oto Galilee+ edi Jordan ebịne John, ete enịm imọ baptism.+ 14  Edi John odomo ndikpan enye onyụn̄ ọdọhọ ete: “Ami n̄kam ndi owo emi afo ekpenịmde baptism, ndien afo ededi ebịne mi?” 15  Jesus ọbọrọ enye ete: “Yak edi ntre ke emi, koro ntem ke odot nnyịn ndinam kpukpru se inende.”+ Ekem John etre ndikpan enye. 16  Ke Jesus ama akana baptism, kpa idaha oro enye ọwọrọ ke mmọn̄; ndien, sese! enyọn̄ eberede,+ ndien enye okụt spirit Abasi osụhọrede nte ibiom+ edidoro enye ke idem.+ 17  Sese! N̄ko, uyo+ oto ke heaven ọdọhọ ete: “Emi edi edima+ Eyen mi,+ emi ami nnyịmede.”+

Mme Ikọ Idakisọn̄