Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Matthew 27;1-66

27  Ke ini eyo esierede, kpukpru mbọn̄ oku ye mbiowo obio ẹdụk ediomi ẹban̄a Jesus man ẹkpewot enye.+  Ndien, ke ẹma ẹkebọp enye, mmọ ẹda enye ẹdaha ẹkeyak ẹnọ Pilate andikara.+  Ekem ke ini Judas emi akadade enye ọnọ okụtde ete ẹma ẹbiom enye ikpe, enye ofụhọ onyụn̄ afiak ada mbak silver edịp ye duop+ oro ọsọk mbọn̄ oku ye mbiowo,  ete: “Mma nnam idiọkn̄kpọ ke ini n̄kadade edinen iyịp nnọ.”+ Mmọ ẹdọhọ enye ẹte: “Nnyịn isan̄a nso do? Mbubehe fo edi oro!”+  Ntre enye otomo mbak silver oro obon ke temple onyụn̄ ọnyọn̄, adaha ekeyịri idem owot.+  Edi mbọn̄ oku ẹtan̄ mbak silver oro ẹnyụn̄ ẹdọhọ ẹte: “Ibet inyịmeke owo ndisịn mmọ ke edisana itie ubonn̄kpọ, koro mmọ ẹdide ekọmurua iyịp.”  Ke ẹma ẹkedụk ediomi, mmọ ẹda enye ẹdep in̄wan̄ oboteso ndida mbụk isenowo.  Mmọdo ẹkotde in̄wan̄ oro “In̄wan̄ Iyịp”+ tutu esịm mfịn emi.  Ndien se ẹkedade prọfet Jeremiah ẹtịn̄ osu, emi ọdọhọde ete: “Mmọ ẹnyụn̄ ẹda mbak silver edịp ye duop,+ ekọmurua emi ẹkebierede ke ibuot owo oro, kpa ekọmurua emi ndusụk nditọ Israel ẹkebierede ndikpe ke ibuot esie, 10  ndien mmọ ẹda enye ẹnọ ke in̄wan̄ oboteso,+ nte ekemde ye se Jehovah okowụkde mi.” 11  Ndien Jesus ada ke iso andikara; andikara onyụn̄ obụp enye ete: “Nte afo edi edidem mme Jew?”+ Jesus ọbọrọ ete: “Afo ke idemfo ọdọhọ.”+ 12  Edi, ke adan̄aemi mbọn̄ oku ye mbiowo ẹdoride enye ikọ,+ enye ibọrọke baba ikọ kiet.+ 13  Ekem Pilate ọdọhọ enye ete: “Nte afo ukopke adan̄a ediwak n̄kpọ eke mmọ ẹtịn̄de ẹdian fi?”+ 14  Edi enye ibọrọke enye ndomo ikọ kiet, esịn idem akpa andikara etieti.+ 15  Ke kpukpru usọrọ ekesidi ido andikara ndisana owo-n̄kpọkọbi kiet emi otuowo ẹyomde nyak nnọ mmọ.+ 16  Adan̄aoro mmọ ẹma ẹnyene ọwọrọetop owo-n̄kpọkọbi emi ẹkotde Barabbas.+ 17  Ntem ke ini mmọ ẹsopde idem ọtọkiet Pilate obụp mmọ ete: “Anie ke mbufo ẹyom ẹte nsana nyak nnọ mbufo, ndi Barabbas m̀mê Jesus emi ẹkotde Christ?”+ 18  Koro enye ama ọfiọk ete ke ẹkeyak enye ẹnọ+ ke ntak isịnenyịn.+ 19  Akan oro, ke adan̄aemi enye etiede ke itie ikpe, n̄wan esie ọdọn̄ ẹkedọhọ enye ẹte: “Kûnyene n̄kpọ ndomokiet ndinam ye edinen+ owo emi, koro mmokụt ukụt etieti mfịn ke ndap+ ke ntak esie.” 20  Edi mbọn̄ oku ye mbiowo ẹkpek otuowo ẹte ẹben̄e Barabbas,+ edi ẹwot Jesus. 21  Ndien andikara oro obụp mmọ ete: “Anie ke otu mbiba emi ke mbufo ẹyom ẹte nsana nyak nnọ mbufo?” Mmọ ẹbọrọ ẹte: “Barabbas.”+ 22  Pilate obụp mmọ ete: “Nso, ndien, ke ndinam ye Jesus emi ẹkotde Christ?” Kpukpru mmọ ẹdọhọ ẹte: “Kọn̄ enye ke eto!”+ 23  Enye obụp ete: “Ntak-a, nso idiọkn̄kpọ ke enye akanam?” Edi mmọ ẹdọdiọn̄ ẹfiori ẹte: “Kọn̄ enye ke eto!”+ 24  Ke Pilate okụtde ete emi inamke ufọn ndomokiet, utu ke oro ndutịme odu, enye ada mmọn̄+ eyet ubọk esie ke iso otuowo onyụn̄ ọdọhọ ete: “Ami mmasana ke iyịp owo emi. Mbubehe mbufo edi oro.” 25  Ntem kpukpru owo ẹbọrọ ẹte: “Yak iyịp esie ọkọbọ nnyịn onyụn̄ ọkọbọ nditọ nnyịn.”+ 26  Ekem enye asana Barabbas ayak ọnọ mmọ, onyụn̄ anam ẹmia+ Jesus ndien ayak enye ọnọ ete ẹda ẹkekọn̄ ke eto.+ 27  Ndien mbonekọn̄ andikara ẹda Jesus ẹdụk ufọk ubọn̄ andikara ẹnyụn̄ ẹnam ofụri udịmekọn̄ ẹsop idem ke iso esie.+ 28  Mmọ ẹsio enye ewụra esie, ẹnyụn̄ ẹmen akwa ididuot ọfọn̄ ẹsịne enye,+ 29  ndien mmọ ẹdọk anyanya n̄kukịm ẹyara enye ke ibuot ẹnyụn̄ ẹfak enye nnyanyan̄a ke ubọk nnasia. Ndien, mmọ ẹtọn̄ọ edọn̄ ke iso esie, ẹsak enye nsahi,+ ẹte: “Imọkọm-o, Edidem mme Jew!”+ 30  Ndien mmọ ẹfiari enye etap+ ẹnyụn̄ ẹbọ enye nnyanyan̄a oro ẹyịbi enye ke ibuot. 31  Ke akpatre, ke mmọ ẹma ẹkesak enye nsahi+ ẹma, mmọ ẹsio enye akwa ọfọn̄ oro ẹnyụn̄ ẹsịne enye ewụra esie ndien ẹda enye ẹka ndikọn̄ ke eto.+ 32  Nte mmọ ẹwọrọde ẹka mmọ ẹkụt amanaisọn̄ eyen Cyrene emi ekerede Simon.+ Mmọ ẹnyịk owo emi ẹsịn ke utom ẹte obiom eto ndutụhọ esie. 33  Ndien ke ini mmọ ẹsịmde ebiet emi ẹkotde Gol′go·tha,+ oro edi, Ebiet N̄kpọkpọrọ, 34  mmọ ẹnọ enye wine emi ẹbuakde etidot+ ọn̄wọn̄; edi, ke ama akatabi okop, enye esịn ndin̄wọn̄.+ 35  Ke ẹma ẹkekọn̄ enye ke eto,+ mmọ ẹsịn afia+ ẹdeme ewụra+ esie, 36  mmọ ẹnyụn̄ ẹtie do ẹkpeme enye. 37  N̄ko, mmọ ẹwet ikọ emi ẹdoride enye ẹdian ke enyọn̄ ibuot esie ẹte: “Emi edi Jesus Edidem mme Jew.”+ 38  Ndien ẹkọn̄ mbon n̄wo iba ke eto ẹkọrọ ye enye, kiet ke nnasia, kiet ke ufien.+ 39  Ntre mbon emi ẹsan̄ade ẹbe ẹsụn̄i+ enye, ẹfụn̄+ ibuot 40  ẹnyụn̄ ẹdọhọ ẹte: “O afo emi okpowụride temple,+ onyụn̄ ọbọpde enye ke usen ita, nyan̄a idemfo! Edieke afo edide eyen Abasi sụhọde ke eto ndutụhọ emi ise!”+ 41  Kpasụk ntre n̄ko mbọn̄ oku ye mme scribe* ye mbiowo ẹsak enye nsahi ẹnyụn̄ ẹdọhọ ẹte:+ 42  “Enye akanyan̄a mmọ en̄wen; edi ikemeke ndinyan̄a idemesie! Enye edi Edidem+ Israel; yak enye osụhọde ke eto ndutụhọ idahaemi ndien nnyịn iyenịm enye ke akpanikọ.+ 43  Enye ọbuọt idem ye Abasi; yak Enye anyan̄a+ enye idahaemi edieke Enye oyomde enye, koro enye ọkọdọhọde ete, ‘Ami ndi Eyen Abasi.’”+ 44  Kpasụk ntre mbon n̄wo emi ẹkekọn̄de ye enye ke eto ẹsụn̄i enye.+ 45  Ọtọn̄ọde ke ọyọhọ hour itiokiet* ekịm ofụk+ ofụri isọn̄, tutu esịm ọyọhọ hour usụkkiet.*+ 46  Ke n̄kpọ nte ọyọhọ hour usụkkiet Jesus ofiori ke ọkpọsọn̄ uyo, ete: “E′li, E′li, la′ma sa·bach·tha′ni?” oro edi, “Abasi mi, Abasi mi, ntak emi afo ọkpọn̄de mi?”+ 47  Ke ini ndusụk mbon emi ẹdade do ẹkopde emi, mmọ ẹdọhọ ẹte: “Owo emi ke okot Elijah.”+ 48  Ndien kpa idaha oro owo kiet ke otu mmọ efehe akada ndọbọ edebi ke n̄kpakpai+ wine, owụk ke nnyanyan̄a anyan ọnọ enye ete ọn̄wọn̄.+ 49  Edi mmọ eken ẹdọhọ ẹte: “Yak etie ntre ye enye! Yak ise m̀mê Elijah eyedi edinyan̄a enye.”+ [[Owo en̄wen emen eduat ekịm enye ke n̄kan̄, ndien iyịp ye mmọn̄ ẹwọn̄ọ.]]+ 50  Jesus ọtọn̄ọ ntak ofiori ke ọkpọsọn̄ uyo, onyụn̄ ayak spirit esie.+ 51  Ndien, sese! ikpehe+ edisana ebiet asiaha iba, ọtọn̄ọde ke enyọn̄ tutu esịm isọn̄,+ isọn̄ onyụn̄ enyek, ikpọ itiat ẹnyụn̄ ẹsiaha.+ 52  Mme udi ẹnyụn̄ ẹkûbọde, ẹnyụn̄ ẹnam ediwak okpo ndisana owo emi ẹma ẹkede ẹdaha ẹda, 53  (ndien mme owo, ke ẹtode ke mme udi ẹwọn̄ọ ke enye ama ekeset, ẹdụk edisana obio,)+ ediwak owo ẹnyụn̄ ẹkụt mmọ. 54  Edi ke ini akwa owoekọn̄ ye mmọ oro ẹdude ye enye ẹkpeme Jesus ẹkụtde unyekisọn̄ ye mme n̄kpọ emi ẹtịbede, ndịk anam mmọ etieti, mmọ ẹnyụn̄ ẹdọhọ ẹte: “Ke akpanikọ owo emi ekedi Eyen Abasi.”+ 55  Akan oro, ediwak iban emi ẹketode Galilee ẹsan̄a ye Jesus man ẹsan̄a utom ẹnọ enye, ẹma ẹda do nsannsan ẹse;+ 56  ndusụk ke otu mmọ ẹkedi Mary Magdalene, n̄ko Mary eka James ye Joses, ye eka nditọiren Zebedee.+ 57  Ekem ke esịmde utịt utịt uwemeyo, owo inyene kiet emi ekerede Joseph onyụn̄ otode Arimathea, emi ama akakabade edi mbet Jesus, oto edi.+ 58  Owo emi aka ebịne Pilate ekeben̄e okpo Jesus.+ Ekem Pilate ọnọ uyo ete ẹyak ẹnọ enye.+ 59  Ndien Joseph emen okpo oro, onyụn̄ ada edisana eti linen awan̄ enye,+ 60  onyụn̄ enịm enye ke obufa udi esie,+ emi enye okotụn̄de ke akamba itiat. Ndien, ke ama akakpat akamba itiat eberi ke inua udi, enye ọnyọn̄.+ 61  Edi Mary Magdalene ye Mary enye eken ẹka iso ẹdu do, ẹtie ẹsak iso ẹse udi.+ 62  Ke ndan̄nsiere, ke usen Mben̄eidem+ ama ekebe, mbọn̄ oku ye mme Pharisee ẹsop idem ọtọkiet ke iso Pilate, 63  ẹdọhọ ẹte: “Ete, nnyịn imeti ke owo abian̄a oro ọkọdọhọ ke adan̄aemi okodude ke uwem ete, ‘Ẹyenam mi nset ke usen ita ẹma ẹbe.’+ 64  Mmọdo nọ uyo ete ẹkpeme udi tutu esịm ọyọhọ usen ita, mbak mme mbet esie ẹdidi ẹdiyịp+ enye ẹnyụn̄ ẹdọhọ mme owo ẹte, ‘Ẹma ẹnam enye ẹset ke n̄kpa!’ ndien akpatre abian̄a emi ọyọdiọk akan eke akpa.” 65  Pilate ọdọhọ mmọ ete: “Mbufo ẹmenyene mbon ukpeme.+ Ẹka ẹkekpeme adan̄a nte mbufo ẹfọfiọk.” 66  Ntre mmọ ẹka ẹkekpeme udi ke ndinịm idiọn̄ọ ke itiat+ nnyụn̄ nnịm mbon ukpeme.

Mme Ikọ Idakisọn̄

Se ik. id. Mt 2:4.
“Ọyọhọ hour itiokiet,” oro edi, n̄kpọ nte n̄kanika duopeba uwemeyo.
“Ọyọhọ hour usụkkiet,” oro edi, n̄kpọ nte n̄kanika ita uwemeyo.