Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Matthew 23;1-39

23  Ekem Jesus etịn̄ ikọ ọnọ otuowo ye mme mbet esie,+ ete:  “Mme scribe*+ ye mme Pharisee ẹtie ke itie Moses.+  Ntem kpukpru n̄kpọ eke mmọ ẹdọhọde+ mbufo ẹnam, ẹnam ẹnyụn̄ ẹnịm, edi ẹkûnam nte mmọ ẹnamde,+ koro mmọ ẹdọdọhọ edi inamke-nam.  Mmọ ẹbọp ndodobi mbiomo ẹdori mme owo ke afara,+ edi mmọ ke idemmọ inyịmeke ndida nnuenubọk ntụk mmọ.+  Kpukpru utom eke mmọ ẹnamde mmọ ẹnam man mme owo ẹkụt;+ koro mmọ ẹnamde mme ekebe udọn̄ itie N̄wed Abasi+ oro mmọ ẹbọbọde nte n̄kpọ n̄kpemeidem ẹn̄wan̄a, ẹnyụn̄ ẹnam mme nyeriye+ ewụra mmọ ẹniọn̄.  Mmọ ẹma ata ikpọ itie+ ke udia mbubreyo ye n̄kpọitie iso ke mme synagogue,+  ye ekọm+ ke an̄waurua, ẹnyụn̄ ẹma mme owo ẹkot mmọ Rabbi.+  Edi amaedi mbufo, ẹkûyak ẹkot mbufo Rabbi, koro owo kiet edi andikpep mbufo,+ edi kpukpru mbufo ẹdi nditọete.  Akan oro, ẹkûkot owo ndomokiet ke isọn̄ ‘ete’ mbufo, koro owo kiet edi Ete mbufo,+ kpa Enye emi odude ke heaven. 10  Ẹkûyak ẹkot mbufo ‘mme adausụn̄,’+ koro Adausụn̄ mbufo edi kiet, kpa Christ. 11  Edi ana n̄kponn̄kan owo ke otu mbufo edi asan̄autom+ mbufo. 12  Ẹyesụhọde owo ekededi eke emenerede idem ke enyọn̄,+ ẹyenyụn̄ ẹmenede owo ekededi eke osụhọrede idem.+ 13  “Mbọm mbufo, mme scribe ye mme Pharisee, mbon mbubịk! Koro mbufo ẹberide usụn̄+ obio ubọn̄ heaven ẹbaha mme owo; koro mbufo+ ke idem mbufo mîdụkke, inyụn̄ inyịmeke mbon oro ẹyomde ndidụk ẹbe ẹdụk. 14*  —— 15  “Mbọm mbufo, mme scribe ye mme Pharisee, mbon mbubịk!+ koro mbufo ẹsan̄ade ẹkanade inyan̄ ye obot ndinam owo edi okpono Abasi ke ido mme Jew, ndien ke ini enye ama akakabade edi, mbufo ẹnam enye edi eyen Gehenna utịm ikaba akan nte mbufo ẹdide. 16  “Mbọm mbufo, mme adausụn̄ emi ẹdide nnan,+ emi ẹdọhọde ẹte, ‘Edieke owo ekededi ọn̄wọn̄ọde un̄wọn̄ọ ke enyịn̄ temple, oro idịghe n̄kpọ ndomokiet; edi edieke owo ekededi ọn̄wọn̄ọde un̄wọn̄ọ ke enyịn̄ gold temple, obiomo enye ke idem.’+ 17  Mme ndisịme ye mme nnan! Ewe okpon akan, gold m̀mê temple oro anamde gold asana?+ 18  N̄ko, ‘Edieke owo ekededi ọn̄wọn̄ọde un̄wọn̄ọ ke enyịn̄ itieuwa, oro idịghe n̄kpọ ndomokiet; edi edieke owo ekededi ọn̄wọn̄ọde un̄wọn̄ọ ke enyịn̄ enọ oro odorode ke enyọn̄ itieuwa, obiomo enye ke idem.’ 19  Mme nnan! Ewe okpon akan, enọ m̀mê itieuwa+ oro anamde enọ asana? 20  Ke ntre owo eke ọn̄wọn̄ọde un̄wọn̄ọ ke enyịn̄ itieuwa ọn̄wọn̄ọ ke enyịn̄ esie ye ke enyịn̄ kpukpru n̄kpọ eke ẹdude do; 21  ndien owo eke ọn̄wọn̄ọde un̄wọn̄ọ ke enyịn̄ temple ọn̄wọn̄ọ ke enyịn̄ esie ye ke enyịn̄ enye emi odụn̄de do;+ 22  owo eke onyụn̄ ọn̄wọn̄ọde un̄wọn̄ọ ke enyịn̄ heaven ọn̄wọn̄ọ ke enyịn̄ ebekpo Abasi+ ye ke enyịn̄ enye emi etiede ke esịt. 23  “Mbọm mbufo, mme scribe ye mme Pharisee, mbon mbubịk! koro mbufo ẹnọde ubak mint ye dill ye cumin kiet ke itie duop,+ edi mbufo ẹfụmi ikpọ n̄kpọ ke Ibet, oro edi, unenikpe+ ye mbọm+ ye edinam akpanikọ.+ Mme n̄kpọ emi ẹma ẹbiomo owo ndinam, edi idịghe ndifụmi mme n̄kpọ eken. 24  Nnan mme adausụn̄,+ emi ẹdụhọrede mfanifa+ ẹsion̄o edi ẹmende camel!+ 25  “Mbọm mbufo, mme scribe ye mme Pharisee, mbon mbubịk! koro mbufo ẹyetde edem cup+ ye usan ẹsana, edi n̄kpọ mbụme+ ye okpụm ẹyọhọ ke esịt. 26  Nnan+ Pharisee, bem iso yet esịt cup+ ye usan ẹsana, man edem n̄ko ẹkpekabade ẹsana. 27  “Mbọm mbufo, mme scribe ye mme Pharisee, mbon mbubịk!+ koro mbufo ẹbietde mme udi eke ẹyetde ndom,+ emi ẹyede enyọn̄ enyọn̄ edi esịt ẹyọhọ ye ọkpọ mme akpan̄kpa ye kpukpru orụk ndek. 28  Ntem n̄ko ke mbufo ẹtie nte ndinen owo ke enyọn̄ enyọn̄,+ edi ke esịt esịt mbufo ẹyọhọ ye mbubịk ye ubiatibet. 29  “Mbọm mbufo, mme scribe ye mme Pharisee, mbon mbubịk!+ koro mbufo ẹbotde udi mme prọfet ẹnyụn̄ ẹbanade udi ndinen owo,+ 30  mbufo ẹnyụn̄ ẹdọhọ ẹte, ‘Edieke nnyịn ikpokodude ke eyo mme ete ete nnyịn, nnyịn ikpeketieneke mmọ ibuana ke iyịp mme prọfet.’+ 31  Mbufo ke ntem ẹtie ntiense ẹban̄a idem mbufo ẹte mmimọ idi nditọ mmọ emi ẹkewotde mme prọfet.+ 32  Mmọdo, ndien, ẹnam idiọkn̄kpọ mme ete ete mbufo ẹyọhọ.+ 33  “Mme urụkikọt, nditọ ibọm,+ mbufo ẹdisan̄a didie ẹfehe ẹbọhọ ubiomikpe Gehenna?+ 34  Ke ntak emi, sese ami mmọn̄ nsio mme prọfet ye mbon ọniọn̄ ye mme anditeme mbio obio ndọn̄ ẹdi ke otu mbufo.+ Mbufo ẹyewot+ ẹnyụn̄ ẹkọn̄ ndusụk mmọ ke eto, ẹyenyụn̄ ẹmia+ ndusụk mmọ ke mme synagogue mbufo ẹnyụn̄ ẹkọbọ mmọ to ke obio sịm obio; 35  man kpukpru iyịp ndinen owo emi ẹduọkde ke isọn̄ ẹkpekọbọ mbufo,+ ọtọn̄ọde ke iyịp edinen+ Abel+ tutu esịm iyịp Zechariah eyen Barachiah, emi mbufo ẹkewotde ke ufọt edisana ebiet ye itieuwa.+ 36  Ke akpanikọ ke ndọhọ mbufo nte, kpukpru n̄kpọ emi ẹyesu emana+ emi ke idem. 37  “Jerusalem, Jerusalem, afo emi owotde mme prọfet+ onyụn̄ ọtọn̄ọde mmọ emi ẹdọn̄de ẹtiene fi ke itiat,+—adan̄a ediwak ini didie ke n̄koyom nditan̄ nditọ fo mbon ọtọkiet nte unen esidọn̄de nditọ esie ke idak mba esie!+ Edi mbufo ikoyomke.+ 38  Sese! Ẹmekpọn̄ ufọk+ mbufo ẹnọ mbufo.+ 39  Koro ndọhọ mbufo nte, Mbufo idikwe mi aba ọtọn̄ọde ke emi tutu mbufo ẹdọhọ ẹte, ‘Itoro enyene enye emi edide ke enyịn̄ Jehovah!’”+

Mme Ikọ Idakisọn̄

Se ik. id. Mt 2:4.
Se ik. id. Mt 17:21.