Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Matthew 22;1-46

22  Ekem Jesus ọtọn̄ọ ntak ada mme uwụtn̄kpọ etịn̄ ikọ ye mmọ, ete:+  “Obio ubọn̄ heaven ebiet owo kiet, edidem, emi enịmde usọrọ ndọ+ ọnọ eyen esie eren.  Ndien enye osio ifịn esie ọdọn̄ ete ẹkekot mbon oro ẹkenọde ikot ẹte ẹdi usọrọ ndọ,+ edi mmọ inyịmeke ndidi.+  Enye ọtọn̄ọ ntak osio ifịn en̄wen ọdọn̄,+ ete, ‘Ẹdọhọ mbon oro ẹkenọde ikot ẹte: “Sese! Mmanam udia mi mma,+ ẹwot nyara enan̄ ye mme unam eke ẹnyenede isek, ẹnyụn̄ ẹnam kpukpru n̄kpọ ẹma. Ẹdi usọrọ ndọ.”’+  Edi mmọ ẹdaha ẹwọrọ idọn̄ke enyịn, enye emi adaha aka in̄wan̄ esie, efen aka mbubehe unyamurua esie;+  edi mmọ eken, ẹmụm ifịn esie, ẹmiom mmọ ẹnyụn̄ ẹwot mmọ.+  “Edi edidem oro ayat esịt, onyụn̄ osio mbonekọn̄ esie ọdọn̄ ẹka ẹkesobo mme owotowo oro ẹnyụn̄ ẹfọp obio mmọ.+  Ekem enye ọdọhọ ifịn esie ete, ‘Ke akpanikọ ẹtịm usọrọ ndọ ẹma, edi mbon oro ẹkenọde ikot idotke.+  Ntem ẹka ke mme usụn̄ emi ẹsan̄ade ẹwọrọ ke obio, ndien owo ekededi eke mbufo ẹkụtde ẹkot enye ẹte edi usọrọ ndọ.’+ 10  Ndien ifịn oro ẹwọrọ ẹka mme usụn̄ ẹnyụn̄ ẹketan̄ kpukpru owo eke mmọ ẹkụtde, ndiọi ye nti;+ ufọk usọrọ ndọ ọyọhọ ye mbon oro ẹsụhọrede ẹtie+ ke okpokoro. 11  “Ke ini edidem edide ndisan̄a nse isenowo enye okụt owo kiet emi mîsịneke ọfọn̄ ndọ.+ 12  Ntre enye obụp owo oro ete, ‘Da owo, afo akasan̄a didie ebe odụk mi ke mûsịneke ọfọn̄ ndọ?’+ Enye ikemeke ndisioro uyo. 13  Ekem edidem ọdọhọ mme asan̄autom esie ete, ‘Ẹbọp enye ubọk ye ukot ẹnyụn̄ ẹtop enye ẹduọk ke ekịm ke an̄wa. Do ke enye editua onyụn̄ ata edet.’+ 14  “Koro ẹnọ ediwak owo ikot, edi mmọ eke ẹmekde iwakke.”+ 15  Ekem mme Pharisee ẹdaha ẹkediomi nte ẹkpemụmde enye ke ikọ inua esie.+ 16  Ntre mmọ ẹsio mme mbet mmọ, ọkọrọ ye n̄ka mme anditiene Herod,+ ẹdọn̄ ẹkedọhọ enye ẹte: “Andikpep, nnyịn imọfiọk ite afo esitịn̄ akpanikọ onyụn̄ ekpep usụn̄ Abasi ke akpanikọ, afo unyụn̄ uten̄eke owo enyịn, koro afo mûsehe nte owo etiede ke enyịn.+ 17  Ndien, sian nnyịn, Afo ekere didie? Nte ibet enyịme ẹkpe tax ẹnọ Caesar m̀mê inyịmeke?”+ 18  Edi ke ini Jesus ọfiọkde idiọkido mmọ, enye obụp mmọ ete: “Ntak emi mbufo ẹdomode mi, mbon mbubịk?+ 19  Ẹwụt mi okụk tax.” Mmọ ẹda denarius kiet ẹsọk enye. 20  Ndien enye obụp mmọ ete: “Mbiet ye enyịn̄ emi ẹdi eke anie?”+ 21  Mmọ ẹte: “Eke Caesar.” Ekem enye ọdọhọ mmọ ete: “Ẹnọ Caesar se inyenede Caesar, ẹnyụn̄ ẹnọ Abasi se inyenede Abasi.”+ 22  Ekem, ke ini mmọ ẹkopde oro, idem akpa mmọ, ndien mmọ ẹdaha ẹkpọn̄ enye ẹnyọn̄ọ.+ 23  Kpa ke usen oro mme Sadducee, emi ẹdọhọde ẹte ediset ke n̄kpa idụhe, ẹdi ẹbịne enye ẹnyụn̄ ẹdibụp enye ẹte:+ 24  “Andikpep, Moses ọkọdọhọ ete, ‘Edieke owo ekededi akpade ndien mînyeneke nditọ, ana eyenete esie emen n̄wan esie ọdọ onyụn̄ obon eyen ọnọ eyenete esie.’+ 25  Nditọete itiaba ẹkedu ye nnyịn; akpan ọdọ ndọ onyụn̄ akpa, ndien inyeneke eyen, enye onyụn̄ ọkpọn̄ n̄wan esie ọnọ eyenete esie.+ 26  Kpasụk ntre n̄ko ke ekedi ye udọ ye ọyọhọ ita, tutu esịm ofụri mbitiaba oro.+ 27  Ke akpatre, n̄wan oro akpa. 28  Mmọdo, ke ediset ke n̄kpa, enye edidi n̄wan anie ke otu mbitiaba oro? Koro kpukpru mmọ ẹma ẹdọ enye.”+ 29  Jesus ọbọrọ mmọ ete: “Mbufo ẹmenam ndudue, koro mbufo mîfiọkke N̄wed Abasi m̀mê odudu Abasi;+ 30  koro ke ediset ke n̄kpa, irenowo ididọhọ ndọ, owo idinyụn̄ idaha iban inọ ke ndọ,+ edi mmọ ẹditie nte mme angel ke heaven. 31  Amaedi ediset mme akpan̄kpa, nte mbufo ikokotke se Abasi eketịn̄de ọnọ mbufo, ete,+ 32  ‘Ami ndi Abasi Abraham ye Abasi Isaac ye Abasi Jacob’?+ Enye idịghe Abasi mme akpan̄kpa, edi edi eke mme odu-uwem.”+ 33  Ke ini otuowo ẹkopde emi, idem akpa mmọ aban̄a ukpepn̄kpọ esie.+ 34  Ke mme Pharisee ẹkopde ẹte enye ama ekịbi mme Sadducee inua, mmọ ẹdi ẹdisop idem ọtọkiet. 35  Owo kiet ke otu mmọ emi ọfiọkde Ibet,+ obụp, man odomo enye ese, ete: 36  “Andikpep, ewe edi n̄kponn̄kan ewụhọ ke Ibet?”+ 37  Enye ọdọhọ enye ete: “‘Afo enyene ndima Jehovah Abasi fo ke ofụri esịt fo ye ke ofụri ukpọn̄ fo ye ke ofụri ekikere fo.’+ 38  Emi edi n̄kponn̄kan ye akpa ewụhọ. 39  Udiana, eke ebietde enye, edi emi, ‘Afo enyene ndima mbọhọidụn̄ fo nte idemfo.’+ 40  Ofụri Ibet ye ikọ mme Prọfet ẹkọn̄ọ ke ewụhọ mbiba emi.”+ 41  Ekem ke adan̄aemi mme Pharisee ẹsopde idem ọtọkiet Jesus obụp mmọ ete:+ 42  “Nso ke mbufo ẹkere ẹban̄a Christ? Enye edi eyen anie?” Mmọ ẹte enye: “Eyen David.”+ 43  Enye ọdọhọ mmọ ete: “Nso inam, ndien, David ke odudu spirit+ okokotde enye ‘Ọbọn̄,’ onyụn̄ ọdọhọde ete, 44  ‘Jehovah ọdọhọ Ọbọn̄ mi ete: “Tie mi ke ubọk nnasia tutu nda mme asua fo nnịm fi ke idak ikpat”’?+ 45  Ntre, edieke David okotde enye ‘Ọbọn̄,’ didie ke enye edi eyen esie?”+ 46  Baba owo kiet ikemeke ndisioro uyo mbọrọ enye, owo ekededi inyụn̄ idehedei ibụp enye aba mbụme efen toto ke usen oro ka iso.+

Mme Ikọ Idakisọn̄