Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Matthew 19;1-30

19  Edikem ke Jesus ama eketịn̄ mme ikọ emi ama, enye ọkpọn̄ Galilee ebe Jordan edi mme adan̄a Judea.+  N̄ko, akwa otuowo ẹtiene enye, enye onyụn̄ ọkọk mmọ udọn̄ọ do.+  Ndien mme Pharisee ẹdi ẹbịne enye, ẹduak ndidomo enye idomo ẹnyụn̄ ẹdọhọ ẹte: “Nte ibet enyịme owo osio n̄wan esie ndọ ke ntak ekededi?”+  Enye ọbọrọ ete: “Nte mbufo ikokotke ite ke enye emi okobotde mmọ toto ke editọn̄ọ okobot mmọ eren ye n̄wan+  onyụn̄ ọdọhọ ete: ‘Ke ntak emi erenowo ọyọkpọn̄ ete ye eka esie+ onyụn̄ akadiana ye n̄wan esiemmọ, ndien mmọ mbiba ẹyekabade ẹdi obụk kiet’?+  Ntre mmọ idịghe aba owo iba, edi ẹdi obụk kiet. Mmọdo, se Abasi ama akadian yak baba owo kiet okûdian̄ade.”+  Mmọ ẹdọhọ enye ẹte: “Ntak, ndien, Moses eketemede ete ẹnọ n̄wed usiondọ ẹnyụn̄ ẹsio n̄wan ndọ?”+  Enye ọdọhọ mmọ ete: “Ntak isọn̄esịt+ mbufo akanam Moses enyịme mbufo ẹsio iban mbufo ndọ, edi oro ikedịghe ntre toto ke editọn̄ọ.+  Ndọhọ mbufo nte owo ekededi eke osiode n̄wan esie ndọ, ke mîtoho ke ntak use, onyụn̄ ọdọde efen, esịn efịbe.”+ 10  Mme mbet esie ẹdọhọ enye ẹte: “Edieke n̄kpọ etiede ntem ye owo ye n̄wan esie, ifọnke owo ndidọ ndọ.”+ 11  Enye ọdọhọ mmọ ete: “Idịghe kpukpru owo ẹkeme ndinam ikọ emi, edi sụk mmọ emi ẹnyenede enọ emi.+ 12  Koro mme eunuch ẹdu emi ẹkemanade ntre toto ke idịbi eka mmọ,+ mme eunuch ẹnyụn̄ ẹdu emi mme owo ẹnamde mmọ ẹdi eunuch, ndien mme eunuch ẹdu emi ẹnamde idemmọ eunuch ke ntak obio ubọn̄ heaven. Yak owo eke ekemede ndinam anam.”+ 13  Ekem ẹda n̄kpri nditọ ẹsọk enye, man enye odori mmọ ubọk ọbọn̄ akam; edi mme mbet ẹsua ẹnọ mmọ.+ 14  Edi Jesus ọdọhọ ete: “Ẹyak n̄kpri nditọ oro, ẹkûkpan mmọ nditiene mi, koro obio ubọn̄ heaven enyenede mmọ eke ẹtiede ntem.”+ 15  Ndien enye odori mmọ ubọk onyụn̄ ọkpọn̄ ebiet oro.+ 16  Ndien, sese! owo kiet edi ebịne enye edibụp ete: “Andikpep, nso eti n̄kpọ ke nnyene ndinam man nnyene nsinsi uwem?”+ 17  Enye ọbọrọ enye ete: “Ntak emi afo obụpde mi aban̄a se idide eti? Kiet odu emi edide eti.+ Edieke afo oyomde ndinyene uwem, ka iso nịm mme ewụhọ.”+ 18  Enye obụp enye ete: “Mme ewụhọ ewe?”+ Jesus ọbọrọ ete: “Kûwot owo,+ Kûsịn efịbe,+ Kûyịp inọ,+ Kûtie ntiense nsu,+ 19  Kpono usọ ye uka,+ ye afo enyene ndima mbọhọidụn̄ fo nte idemfo.”+ 20  Akparawa oro ọdọhọ enye ete: “Mma nnenịm kpukpru emi; nso isụhọ aba ndinam?” 21  Jesus ọdọhọ enye ete: “Edieke afo oyomde ndifọn mma, ka kanyam kpukpru inyene fo nyụn̄ yak nọ mme ubuene ndien afo eyenyene n̄kpọuto ke heaven,+ nyụn̄ ditiene mi.”+ 22  Ke ini akparawa oro okopde ikọ emi, enye ọnyọn̄ ke mfụhọ, koro enye enyenede ediwak inyene.+ 23  Edi Jesus ọdọhọ mme mbet esie ete: “Ke akpanikọ ke ndọhọ mbufo nte, edidi ọkpọsọn̄ n̄kpọ owo inyene ndidụk obio ubọn̄ heaven.+ 24  Ntọn̄ọ ntak ndọhọ mbufo nte, Edi mmemmem n̄kpọ camel ndibe ke odudu abiabon akan owo inyene ndidụk obio ubọn̄ Abasi.”+ 25  Ke ini mme mbet ẹkopde oro, idem akpa mmọ etieti, mmọ ẹnyụn̄ ẹdọhọ ẹte: “Anie ndien ekeme ndibọhọ?”+ 26  Jesus ese mmọ ke iso onyụn̄ ọdọhọ mmọ ete: “Owo ikemeke ndinam emi, edi Abasi ekeme ndinam kpukpru n̄kpọ.”+ 27  Ekem Peter ọdọhọ enye ete: “Sese! Nnyịn ima ikpọn̄ kpukpru n̄kpọ itiene fi; nso ndien ke nnyịn idinyene?”+ 28  Jesus ọdọhọ mmọ ete: “Ke akpanikọ ke ndọhọ mbufo, Ke ini ẹdifiakde ẹbot mme n̄kpọ, ke ini Eyen owo osụhọrede etie ke ebekpo ubọn̄ esie, mbufo emi ẹtienede mi ẹyesụhọde n̄ko ẹtie ke ebekpo duopeba, ẹkpe ikpe ẹnọ esien Israel duopeba.+ 29  Ndien owo ekededi emi ọkọkpọn̄de ufọk m̀mê nditọeka iren m̀mê nditọeka iban m̀mê ete m̀mê eka m̀mê nditọ m̀mê isọn̄ ke ntak enyịn̄ mi ọyọbọ se iwakde ikan oro, oyonyụn̄ enyene nsinsi uwem.+ 30  “Edi ediwak owo emi ẹdide akpa ẹyedi akpatre, akpatre ẹyenyụn̄ ẹdi akpa.+

Mme Ikọ Idakisọn̄