Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Matthew 12;1-50

12  Ke ini oro Jesus asan̄a ebe ke in̄wan̄ wheat ke sabbath.+ Mme mbet esie ẹkop biọn̄ ẹnyụn̄ ẹtọn̄ọ ndikịbi mbuot wheat nta.+  Ke ini mme Pharisee ẹkụtde emi, mmọ ẹdọhọ enye ẹte:+ “Sese! Mme mbet fo ke ẹnam se ibet mînyịmeke ẹnam ke sabbath.”+  Enye ọdọhọ mmọ ete: “Nte mbufo ikotke se David akanamde ke ini biọn̄ ọkọdọn̄de enye ye mmọ emi ẹdude ye enye?+  Nte enye okodụkde ufọk Abasi ndien mmọ ẹta uyo iso Abasi,+ kpa n̄kpọ emi ibet mîkenyịmeke+ enye ye mmọ emi ẹdude ye enye ẹta, ke mîbọhọke mme oku ikpọn̄?+  Mîdịghe, nte mbufo ikotke ke Ibet+ ite ke usen sabbath mme oku emi ẹdude ke temple ẹsida sabbath nte se mîdịghe edisana ndien inyeneke ndudue?+  Edi ndọhọ mbufo nte ke owo emi okponde akan temple+ odu mi.  Nte ededi, edieke edide mbufo ẹma ẹfiọk se emi ọwọrọde, ‘Nyom mbọm,+ idịghe uwa,’+ mbufo ikpobiomke mmọ eke mîduehe.  Koro Eyen owo+ edi Ọbọn̄ sabbath.”+  Ke ama ọkọkpọn̄ do enye odụk synagogue mmọ; 10  ndien, sese! eren kiet emi ubọk esie ama akakpa odu do!+ Ntre mmọ ẹbụp enye ẹte, “Nte ibet enyịme ete ẹkọk owo udọn̄ọ ke sabbath?” man mmọ ẹkpenyene n̄kpọ ndida ndori enye ikọ.+ 11  Enye ọdọhọ mmọ ete: “Anie ke otu mbufo ekpenyene erọn̄ kiet ndien, edieke enye ọduọde odụk obube+ ke sabbath, mîdimụmke enye isio?+ 12  Ke ntre, adan̄a didie ndien ke owo ọsọn̄ urua akan erọn̄!+ Ntre ibet enyịme ete ẹnam eti n̄kpọ ke sabbath.” 13  Ekem enye ọdọhọ owo oro ete: “Nyanade ubọk fo.” Enye onyụn̄ anyanade, ndien ubọk esie akabade ọfọn nte enye eken.+ 14  Edi mme Pharisee ẹwọn̄ọ ẹkediomi nte ẹdisan̄ade ẹwot enye.+ 15  Ke ini Jesus edide edifiọk emi, enye ọkpọn̄ ebiet oro. Ediwak owo ẹnyụn̄ ẹtiene enye, ndien enye ọkọk kpukpru mmọ udọn̄ọ,+ 16  edi enye ọsọn̄ọ owụk mmọ ete ẹkûnam ẹdiọn̄ọ imọ;+ 17  man osu se ẹkedade prọfet Isaiah ẹtịn̄, emi ọkọdọhọde ete: 18  “Sese! Asan̄autom mi+ emi ami mmekde, edima mi,+ emi ukpọn̄ mi enyịmede! Nyesịn enye spirit mi ke idem,+ ndien enye ayanam mme idụt ẹfiọk se unenikpe edide. 19  Enye iditọhọke utọk, idinyụn̄ ifiorike n̄kpo,+ owo idinyụn̄ ikopke uyo esie ke ikpọ efak. 20  Enye idinuakke nnyanyan̄a eke obụn̄ọde, idinyụn̄ inịmeke ikan̄ ọfọn̄ utuenikan̄ eke osiode nsụn̄ikan̄,+ tutu enye anam unenikpe+ enyene edikan. 21  Ke akpanikọ, mme idụt ẹyedori enyịn ke enyịn̄ esie.”+ 22  Ekem mmọ ẹda owo emi enyenede demon, emi edide nnan ye imụm, ẹsọk enye; ndien enye anam udọn̄ọ esie okụre, tutu eren imụm emi etịn̄ ikọ onyụn̄ okụt usụn̄. 23  Ndien idem akpa ofụri otuowo, mmọ ẹnyụn̄ ẹdọhọ ẹte:+ “Nte idịghe Eyen David edi emi?”+ 24  Ke ini mme Pharisee ẹkopde n̄kpọ emi, mmọ ẹdọhọ ẹte: “Owo emi ibịnke mme demon ke mîtoho ke Beelzebub, kpa andikara mme demon.”+ 25  Ke ọfiọkde ekikere mmọ,+ enye ọdọhọ mmọ ete: “Kpukpru obio ubọn̄ eke abaharede ada an̄wana ye idemesie odụk ke nsobo,+ ndien kpukpru obio m̀mê ufọk eke abaharede ada an̄wana ye idemesie idisọn̄ọke ida. 26  Kpasụk ntre, edieke Satan ebịnde Satan, enye amabahade ada an̄wana ye idemesie; didie, ndien, ke obio ubọn̄ esie edisọn̄ọ ada? 27  Akan oro, edieke ami ndade Beelzebub+ mbịn mme demon, nditọ mbufo ẹda anie ẹbịn mmọ? Ntak edi oro mmọ ẹdidide mme ebiereikpe ẹnọ mbufo. 28  Edi edieke edide nda spirit Abasi mbịn mme demon, obio ubọn̄ Abasi esesịm mbufo.+ 29  Mîdịghe didie ke owo ekededi ekeme ndidụk ufọk ọkpọsọn̄ owo mbụme inyene esie, ke mîbọhọke enye ebem iso ọbọp ọkpọsọn̄ owo emi? Adan̄aoro ke enye edibụme ufọk esie.+ 30  Owo eke mîdaha ye ami an̄wan̄wana ye ami, ndien owo eke mîtieneke mi itan̄ ibok asasuan.+ 31  “Ke ntak emi ke ndọhọ mbufo nte, Abasi eyefen mme owo kpukpru orụk idiọkn̄kpọ ye ikọ isụn̄i eke mmọ ẹtịn̄de, edi enye idifenke ikọ isụn̄i emi ẹtịn̄de ẹdian edisana spirit.+ 32  Ke uwụtn̄kpọ, owo ekededi eke etịn̄de ikọ adian Eyen owo, Abasi eyefen enye;+ edi owo ekededi eke etịn̄de ikọ adian edisana spirit, Abasi idifenke enye, baba, edide ke editịm n̄kpọ enye emi m̀mê ke enye oro edidide.+ 33  “Mbufo ẹnam eto ọfọn ẹnyụn̄ ẹnam mfri esie ọfọn mîdịghe ẹnam eto edi mbumbu ẹnyụn̄ ẹnam mfri esie edi mbumbu; koro ẹda mfri eto ẹdiọn̄ọ eto.+ 34  Nditọ ibọm,+ mbufo ẹkeme didie nditịn̄ nti n̄kpọ, ke adan̄aemi mbufo ẹdiọkde?+ Koro oto uyọhọ esịt inua osio etịn̄.+ 35  Eti owo osion̄o nti n̄kpọ ke nti n̄kpọ emi enye okobonde,+ ke adan̄aemi idiọkowo osion̄ode ndiọi n̄kpọ ke ndiọi n̄kpọ emi enye okobonde.+ 36  Ndọhọ mbufo nte kpukpru ikpîkpu ikọ emi mme owo ẹtịn̄de, mmọ ẹyenam ibat+ ke Usen Ikpe; 37  koro ẹdida ikọ fo ẹbat fi ke edinen, ẹdinyụn̄ ẹda ikọ fo ẹbiom fi ikpe.”+ 38  Ndien ndusụk mme scribe* ye mme Pharisee ẹdọhọ enye ẹte: “Andikpep, nnyịn iyom ndikụt idiọn̄ọ eke otode fi.”+ 39  Enye ọbọrọ mmọ ete: “Emana eke ọdiọkde onyụn̄ esịnde efịbe+ aka iso ndiyom idiọn̄ọ, edi owo idinọhọ enye idiọn̄ọ ndomokiet ibọhọke idiọn̄ọ prọfet Jonah.+ 40  Koro kpa nte Jonah+ ekesịnede ke idịbi akamba iyak uwemeyo ita ye okoneyo ita, ntre ke Eyen owo+ edisịne ke esịt isọn̄+ uwemeyo ita ye okoneyo ita.+ 41  Mbon Nineveh ẹyedaha ẹda ke ikpe ye emana+ emi ẹyenyụn̄ ẹbiom enye ikpe;+ koro mmọ ẹma ẹkabade esịt ke se Jonah+ ọkọkwọrọde, edi, sese! se ikponde ikan Jonah odu mi. 42  Ẹyenam ọbọn̄ an̄wan edem usụk+ adaha ada ke ikpe ye emana emi onyụn̄ obiom enye ikpe; koro enye okotode mme utịt isọn̄ edi ndikop ọniọn̄ Solomon, edi, sese! se ikponde ikan Solomon odu mi.+ 43  “Ke ini ndedehe spirit ọwọrọde owo ke idem, enye oyo ke edisat ebiet oyom ebiet nduọkodudu, inyụn̄ ikwe.+ 44  Ekem enye ọdọhọ ete, ‘Nyafiak nnyọn̄ ufọk mi emi n̄kotode n̄wọrọ’; ndien ke ini enye edide edisịm, enye okụt ke owo idụn̄ke, edi ke ẹma ẹkpọri asana ẹnyụn̄ ẹbana enye. 45  Ndien enye adaha esie onyụn̄ akada nsio nsio spirit itiaba emi ẹdiọkde ẹkan enye adian idem,+ ndien, ke ẹma ẹkebe ẹdụk ke esịt, mmọ ẹdụn̄ do; akpatre itie owo oro akabade ọdiọk akan akpa.+ Ntre ke edidi ye idiọk emana emi.”+ 46  Ke adan̄aemi enye osụk etịn̄de ikọ ọnọ otuowo, sese! eka ye nditọeka esie iren+ ẹdida ke an̄wa ẹyom nditịn̄ ikọ ye enye. 47  Ntre owo kiet ọdọhọ enye ete: “Sese! Eka fo ye nditọeka fo iren ke ẹda ke an̄wa, ẹyom nditịn̄ ikọ ye afo.” 48  Enye ọbọrọ owo emi etịn̄de ọnọ enye ete: “Anie edi eka mi, mmanie ẹnyụn̄ ẹdi nditọeka mi iren?”+ 49  Ndien enye anyan ubọk owụt mme mbet esie, ete: “Sese! Eka mi ye nditọeka mi iren!+ 50  Koro owo ekededi eke anamde uduak Ete mi emi odude ke heaven, enye oro edi eyeneka mi eren, ye eyeneka mi an̄wan, ye eka mi.”

Mme Ikọ Idakisọn̄

Se ik. id. Mt 2:4.