Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Matthew 10;1-42

10  Ntre enye okot mbet esie duopeba onyụn̄ ọnọ mmọ odudu ndikan mme ndedehe spirit,+ ndibịn mmọ emi nnyụn̄ n̄kọk kpukpru orụk udọn̄ọ ye kpukpru orụk ndiọkidem.  Enyịn̄ mme apostle duopeba+ oro ẹdi emi:+ Akpa, Simon, enye emi ẹkotde Peter,+ ye Andrew+ eyeneka esie; ye James eyen Zebedee+ ye John eyeneka esie;  Philip ye Bartholomew;+ Thomas+ ye Matthew+ ọbọ a-tax; James eyen Alphaeus,+ ye Thaddaeus;  Simon Enyene-Ifịk,+ ye Judas Iscariot, emi akadade enye ọnọ+ ke ukperedem.  Mbet duopeba emi ke Jesus okosio ọdọn̄, ọnọ mmọ mme ewụhọ emi ete:+ “Ẹkûdụk usụn̄ mme idụt, ẹkûnyụn̄ ẹdụk obio Samaria;+  edi, utu ke oro, ẹkam ẹka ẹbịne mme erọn̄ ufọk Israel emi ẹsopde usụn̄.+  Nte mbufo ẹkade, ẹkwọrọ ẹte, ‘Obio ubọn̄ heaven ke asan̄a ekpere.’+  Ẹkọk mbon udọn̄ọ,+ ẹnam mme akpan̄kpa ẹset, ẹnam mbon akpamfia ẹsana, ẹbịn mme demon ẹduọn̄ọ. Mbufo ẹkebọ ke mfọn, ẹnọ ke mfọn.+  Ẹkûkama gold m̀mê silver m̀mê okpoho ke ekpatokụk emi mbufo ẹbọbọde ke isịn,+ 10  ẹkûnyụn̄ ẹkama ekpri ekpat udia ke isan̄ emi, m̀mê ọfọn̄ idakidem iba, m̀mê ikpaukot m̀mê esan̄; koro anamutom odot udia esie.+ 11  “Ke obio m̀mê obio-in̄wan̄ ekededi eke mbufo ẹdụkde, ẹyom owo eke odotde ke esịt, ẹnyụn̄ ẹtie do tutu mbufo ẹnyọn̄ọ.+ 12  Ke ini mbufo ẹdụkde ufọk, ẹkọm mbonufọk oro; 13  ndien edieke ufọk oro odotde, yak emem emi mbufo ẹben̄ede ẹnọ enye odu ye enye;+ edi edieke ufọk oro mîdotke, yak emem mbufo afiak etiene mbufo. 14  Ke ebiet ekededi eke owo mîdarake mbufo mînyụn̄ ikpan̄ke utọn̄ ikop ikọ mbufo, nte mbufo ẹwọn̄ọde ke ufọk m̀mê ke obio oro ẹken̄ ntan ikpat mbufo ẹbon.+ 15  Ke akpanikọ ke ndọhọ mbufo nte, N̄kpọ ọyọfọn ye isọn̄ Sodom+ ye Gomorrah ke Usen Ikpe akan obio oro.+ 16  “Sese! Ami mmosio mbufo ndọn̄ nte erọn̄ ke ufọt mme wolf;+ mmọdo ẹnyene mbufiọk nte urụkikọt+ ẹnyụn̄ ẹnana ndudue nte ibiom.+ 17  Ẹkpeme idem ye mme owo;+ koro mmọ ẹyeda mbufo ẹka mme esopikpe+ n̄kann̄kụk, ẹyenyụn̄ ẹmia+ mbufo ke mme synagogue+ mmọ. 18  Kamse, ẹyedụri mbufo ẹda ẹka iso mme andikara ye iso ndidem+ ke ntak mi, man ẹdi ntiense+ ẹnọ mmọ ye mme idụt. 19  Nte ededi, ke ini ẹyakde mbufo ẹnọ, ẹkûtịmede esịt ẹte m̀mê mmimọ iditịn̄ nso; koro ẹyenọ mbufo se ẹditịn̄de kpa ke hour oro;+ 20  koro idịghe mbufo ẹtịn̄ ikọ, edi edi spirit Ete mbufo ada mbufo etịn̄ ikọ.+ 21  N̄ko-n̄ko, eyeneka+ ayada eyeneka ọnọ n̄kpa, ete oyonyụn̄ ada eyen esie ọnọ, ndien nditọ ẹyedaha ẹda ẹn̄wana ye ete ye eka ẹnyụn̄ ẹnam ẹwot mmọ.+ 22  Mbufo ẹyenyụn̄ ẹdi mbon emi kpukpru owo ẹsuade ke ntak enyịn̄ mi;+ edi ẹyenyan̄a owo eke ediyọde tutu esịm utịt.+ 23  Ke ini mmọ ẹkọbọde mbufo ke obio kiet, ẹfehe ẹka obio efen;+ koro ke akpanikọ ke ndọhọ mbufo nte, mbufo idisan̄ake ikanade ofụri obio ke n̄kann̄kụk+ Israel mbemiso Eyen owo edide.+ 24  “Mbet ikponke ikan andikpep enye, ofụn inyụn̄ ikponke ikan ọbọn̄ esie.+ 25  Akam odot mbet ndikabade ntie nte andikpep enye, ofụn ndinyụn̄ ntie nte ọbọn̄ esie.+ Edieke ẹkekotde enyeneufọk Beelzebub,+ adan̄a didie akan oro ke ẹdikot mbonufọk esie? 26  Mmọdo ẹkûfehe mmọ; koro idụhe n̄kpọ emi ẹfụkde eke mîdiyarakede, ye n̄kpọ emi edịbede eke owo mîdifiọkke.+ 27  Se ndọhọde mbufo ke ekịm, ẹtịn̄ enye ke un̄wana; ndien se mbufo ẹnyụn̄ ẹkopde ke odu, ẹdoro ke enyọn̄ ufọk ẹkwọrọ.+ 28  Ẹkûfehe+ mmọ emi ẹwotde ikpọkidem edi mîkemeke ndiwot ukpọn̄; edi ẹkam ẹfehe enye+ emi ekemede ndisobo ukpọn̄ ye ikpọkidem ke Gehenna.+ 29  Nte owo inyamke akadan̄abasi iba ke okudọk okụk kiet?+ Edi baba kiet ke otu mmọ iduọhọ ke isọn̄ ke Ete mbufo mîfiọkke.+ 30  Edi ẹbat kpa kpukpru idet ibuot mbufo.+ 31  Ke ntre ẹkûfehe ndịk: Mbufo ẹmesọn̄ urua ẹkan ediwak akadan̄abasi.+ 32  “Ndien, owo ekededi eke enyịmede ke iso owo ete imabuana n̄kpọ ye ami, ami n̄ko nyenyịme ke iso Ete mi emi odude ke heaven nte mmabuana n̄kpọ+ ye enye; 33  edi owo ekededi eke akan̄de mi ke iso owo, ami n̄ko nyonyụn̄ n̄kan̄+ enye ke iso Ete mi emi odude ke heaven. 34  Ẹkûkere ẹte n̄kedi ndisịn emem ke isọn̄; n̄kedịghe ndisịn emem,+ edi n̄kedi ndisịn akan̄kan̄. 35  Koro n̄kedi nditọ ubahade, nnam owo an̄wana ye ete esie, nnyụn̄ nnam eyenan̄wan an̄wana ye eka esie, nnyụn̄ nnam n̄wan eyen an̄wana ye eka ebe esie.+ 36  Ke akpanikọ, mme asua owo ẹdidi mbonufọk esie. 37  Owo eke amade ete m̀mê eka akan mi idotke ye ami; owo eke onyụn̄ amade eyen esie eren m̀mê eyen esie an̄wan akan mi idotke ye ami.+ 38  Ndien owo ekededi eke mîbiomke eto ndutụhọ esie itiene mi idotke ye ami.+ 39  Owo eke oyomde ukpọn̄ esie ọyọduọk enye, ndien owo eke ọduọkde ukpọn̄ esie ke ntak mi oyokụt enye.+ 40  “Owo eke enyịmede mbufo enyịme mi n̄ko, ndien owo eke enyịmede mi enyịme n̄ko enye emi okosiode mi ọdọn̄.+ 41  Owo eke enyịmede prọfet koro enye edide prọfet ọyọbọ utịp prọfet,+ owo eke onyụn̄ enyịmede edinen owo koro enye edide edinen owo ọyọbọ utịp edinen owo.+ 42  Ndien owo ekededi eke ọnọde kiet ke otu n̄kpri owo emi cup mbịtmbịt mmọn̄ kiet ọn̄wọn̄ koro enye edide mbet, ndọhọ mbufo ke akpanikọ nte, enye iditreke-tre ndibọ utịp esie.”+

Mme Ikọ Idakisọn̄