Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Matthew 1;1-25

1  N̄wed mbụk emana+ Jesus Christ, eyen David,+ eyen Abraham:+   Abraham okobon Isaac;+ Isaac obon Jacob;+ Jacob obon Judah+ ye nditọete esie;   Judah obon Perez+ ye Zerah emi Tamar amande; Perez obon Hezron;+ Hezron obon Ram;+   Ram obon Amminadab; Amminadab obon Nahshon;+ Nahshon obon Salmon;+   Salmon obon Boaz emi Rahab amande;+ Boaz obon Obed emi Ruth+ amande; Obed obon Jesse;+   Jesse obon David+ edidem.+  David obon Solomon+ emi n̄wan Uriah amande;   Solomon obon Rehoboam;+ Rehoboam obon Abijah; Abijah+ obon Asa;+   Asa obon Jehoshaphat;+ Jehoshaphat obon Jehoram;+ Jehoram obon Uzziah;   Uzziah obon Jotham; Jotham+ obon Ahaz;+ Ahaz obon Hezekiah;+ 10  Hezekiah obon Manasseh;+ Manasseh+ obon Amon;+ Amon+ obon Josiah; 11  Josiah+ obon Jeconiah+ ye nditọete esie ke ini emi ẹtan̄de mmọ ẹka Babylon.+ 12  Ke ẹma ẹketan̄ mmọ ẹka Babylon, Jeconiah obon Shealtiel;+ Shealtiel obon Zerubbabel;+ 13  Zerubbabel obon Abiud; Abiud obon Eliakim; Eliakim obon Azor; 14  Azor obon Zadok; Zadok obon Achim; Achim obon Eliud; 15  Eliud obon Eleazar; Eleazar obon Matthan; Matthan obon Jacob; 16  Jacob obon Joseph ebe Mary, emi akamande Jesus,+ emi ẹkotde Christ.+ 17  Mmọdo, kpukpru emana ọtọn̄ọde ke Abraham tutu esịm David ẹkedi emana duopenan̄, ndien ọtọn̄ọde ke David tutu esịm ini emi ẹtan̄de mmọ ẹka Babylon ẹkedi emana duopenan̄, ndien ọtọn̄ọde ke ini emi ẹtan̄de mmọ ẹka Babylon tutu esịm Christ ẹkedi emana duopenan̄. 18  Edi emana Jesus Christ ekedi ntem. Ke ini ẹma ẹken̄wọn̄ọ+ ndida Mary eka esie nnọ Joseph ke ndọ, ẹkụt ke enye ama oyomo oto edisana spirit+ mbemiso mmọ ẹdọde ndọ. 19  Edi sia Joseph ebe esie ekedide edinen owo mîkonyụn̄ iyomke ndinam enye edi n̄kpọ ndise ọnọ mbio obio,+ enye aduak ndisio enye ndọ+ ke ndịbe. 20  Edi ke enye ama eketie ekere mme n̄kpọ emi, sese! angel Jehovah ọbiọn̄ọde enye ke iso ke ndap onyụn̄ ọdọhọ ete: “Joseph, eyen David, kûfehe ndịk ndida Mary n̄wan fo nnyọn̄ ufọk, koro idịbi oro enye oyomode oto edisana spirit.+ 21  Enye ayaman eyeneren, ndien afo oyosio enye enyịn̄ Jesus,+ koro enye edinyan̄ade+ ikọt esie+ osio ke mme idiọkn̄kpọ+ mmọ.” 22  Ofụri n̄kpọ emi eketịbe man osu se Jehovah+ akadade prọfet esie etịn̄,+ ete: 23  “Sese! N̄wan oro mîfiọkke erenowo+ oyoyomo onyụn̄ aman eyeneren, mmọ ẹyenyụn̄ ẹsio enye enyịn̄ Immanuel,”+ emi ọwọrọde, “Abasi Odu ye Nnyịn.”+ 24  Ekem Joseph edemede ke idap onyụn̄ anam kpa nte angel Jehovah eketemede enye, enye onyụn̄ ada n̄wan esie ọnyọn̄ ufọk. 25  Edi enye inyeneke ebuana+ ye n̄wan esie tutu enye aman eyeneren;+ enye onyụn̄ osio enye enyịn̄ Jesus.+

Mme Ikọ Idakisọn̄