Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mark 7;1-37

7  Ekem mme Pharisee ye ndusụk mme scribe* emi ẹketode Jerusalem ẹdi ẹkan enye ẹkụk.+  Ndien ke ini mmọ ẹkụtde nte ndusụk mbet esie ẹdiade udia mmọ ye ndedehe ubọk, oro edi, ubọk eke owo mîyetke+  koro mme Pharisee ye kpukpru mme Jew isidiaha n̄kpọ ibọhọke mmọ ẹyet ubọk mmọ ẹsịm ekụn̄ubọk, ẹsọn̄ọde ẹmụm ido mbon eyo oko ẹkama,  ndien, ke ini ẹnyọn̄de urua ẹdi, mmọ idiaha n̄kpọ ibọhọke mmọ ẹnam idem asana ebe ke edisịme mmọn̄; ediwak ido eset+ efen ẹnyụn̄ ẹdu emi mmọ ẹbọde ẹsọn̄ọ ẹmụm ẹkama, baptism cup ye osioinua ye n̄kpọ okpoho;+  ntre mme Pharisee ye mme scribe emi ẹbụp enye ẹte: “Ntak emi mme mbet fo mîsan̄ake nte ekemde ye ido mbon eset, edi ẹdiade udia mmọ ye ndedehe ubọk?”+  Enye ọdọhọ mmọ ete: “Isaiah ama etịn̄ ntịn̄nnịm ikọ nte odotde aban̄a mbufo mbon mbubịk, nte ẹwetde ẹte,+ ‘Mbon emi ẹkpono mi ke n̄kpọkinua mmọ, edi esịt mmọ ada nsannsan ye ami.+  Mmọ ẹtuak ibuot ẹnọ mi ke ikpîkpu, koro mmọ ẹkpepde mme ewụhọ owo ke ukpepn̄kpọ mmọ.’+  Mbufo ẹmekpọn̄ ewụhọ Abasi, ẹsọn̄ọ ẹmụm ido eset mme owo ẹkama.”+  N̄ko-n̄ko, enye ọdọhọ mmọ ete: “Mbufo ẹmekpọnọde ewụhọ+ Abasi ẹnịm man ẹmụm ido eset mbufo ẹkama. 10  Ke uwụtn̄kpọ, Moses ọkọdọhọ ete, ‘Kpono usọ ye uka,’+ n̄ko, ‘Yak owo eke osụn̄ide ete m̀mê eka esie okûtre ndikpa.’+ 11  Edi mbufo ẹte, ‘Edieke owo ọdọhọde ete m̀mê eka esie ete: “Se ededi oro nnyenede emi afo ọkpọbọde ufọn oto edi corban,+ (oro edi, enọ oro ẹyakde ẹnọ+ Abasi,)”’— 12  mbufo iyakke enye anam baba n̄kpọ kiet ọnọ ete m̀mê eka esie aba,+ 13  ntem ke mbufo ẹnyụn̄ ẹnam ikọ Abasi+ akabade edi ikpîkpu oto ke ido eset mbufo emi mbufo ẹyakde ẹnọ mbon en̄wen. Ndien mbufo ẹmenam ediwak n̄kpọ+ eke ẹtiede ntem.” 14  Ntre, enye ọtọn̄ọ ntak okot otuowo ada, onyụn̄ ọdọhọ mmọ ete: “Kpukpru mbufo ẹkpan̄ utọn̄ ẹnọ mi, ẹnyụn̄ ẹfiọk se emi ọwọrọde.+ 15  Baba n̄kpọ kiet eke otode an̄wa ebe odụk owo idem ikemeke ndisabade owo; edi mme n̄kpọ eke ẹwọrọde owo ke idem ẹsabade owo.”+ 16*  —— 17  Ekem ke ini enye ama ọkọkpọn̄ otuowo odụk ufọk, mme mbet esie ẹbụp enye mbụme ẹban̄a uwụtn̄kpọ emi.+ 18  Ntre enye ọdọhọ mmọ ete: “Nte mbufo n̄ko ẹmenana ifiọk nte mmọ?+ Nte mbufo ifiọkke ite ke baba n̄kpọ kiet emi otode an̄wa ebe odụk owo idem ikemeke ndisabade owo, 19  sia enye mîbehe idụk enye esịt, edi ebede odụk enye idịbi, onyụn̄ ọwọrọ odụk ekwe?”+ Ntem ke enye owụt ete kpukpru udia ẹsana.+ 20  N̄ko-n̄ko, enye ọdọhọ ete: “Se iwọrọde owo ke idem ẹsabade owo;+ 21  koro ndiọi ekikere ẹto ke esịtidem, ke esịt owo,+ ẹwọn̄ọ: use,+ inọ, uwotowo,+ 22  efịbe, edisịn esịt ke n̄kpọ owo,+ idiọkido, abian̄a, obukpo ido,+ isịnenyịn, ikọ isụn̄i, ntan̄idem, unana ibuot. 23  Kpukpru ndiọi n̄kpọ emi ẹto ke esịtidem ẹwọn̄ọ ẹnyụn̄ ẹsabade owo.”+ 24  Enye adaha do aka ikpehe n̄kan̄ Tyre ye Sidon.+ Ndien enye odụk ufọk kiet inyụn̄ iyomke baba owo kiet ọfiọk. Kpa ye oro enye ikemeke ndidịbe;+ 25  edi idaha oro n̄wan kiet emi ekpri eyen esie an̄wan enyenede ndedehe spirit okop aban̄a enye onyụn̄ edi ediduọ enye ke ukot.+ 26  N̄wan oro ekedi owo Greece, emi otode Phoenicia eke Syria; ndien enye eyịre ekpe enye ubọk ete ebịn demon osio eyen imọ an̄wan ke idem.+ 27  Edi enye ọdọhọ n̄wan emi ete: “Yak nditọ ẹbem iso ẹdia ẹyụhọ, koro inenke ndimen udia nditọ+ ntop nnọ nditọ ebua.”+ 28  Nte ededi, n̄wan emi ọbọrọ enye ete: “Ih, ete, edi kpa nditọ ebua ke idak okpokoro ẹdadia n̄ken̄e udia+ n̄kpri nditọ.”+ 29  Ndien enye ọdọhọ n̄wan emi ete: “Ke ntak etịn̄de emi, nyọn̄; demon ọmọwọrọ eyen fo an̄wan ke idem.”+ 30  Ntre enye adaha ọnyọn̄ ufọk esie onyụn̄ okokụt+ ekpri eyen emi nte anade ke n̄kpana, demon ama ọwọrọ enye ke idem. 31  Ekem ke ini enye ọwọrọde ke ikpehe n̄kan̄ Tyre, enye asan̄a ebe Sidon ke ufọt ikpehe Decapolis aka inyan̄ Galilee.+ 32  Ndien mmọ ẹda owo emi edide inan onyụn̄ enyenede mfịna utịn̄ikọ ẹsọk enye, ẹnyụn̄ ẹkpe enye ubọk ẹte odori enye ubọk.+ 33  Ndien enye emen enye ọkpọn̄ otuowo okodu ikpọn̄ onyụn̄ esịn owo oro nnuenubọk ke utọn̄, ndien ke ama ọkọkọk etap, otụk enye edeme.+ 34  Ndien enye emenede enyịn ese enyọn̄,+ omụm+ ọkpọsọn̄ mmụm onyụn̄ ọdọhọ enye ete: “Eph′pha·tha,” oro edi, “Sịrede.” 35  Ndien utọn̄ esie esịrede,+ urụk edeme esie onyụn̄ atara, ndien enye ọtọn̄ọ nditịn̄ ikọ in̄wan̄-in̄wan̄. 36  Edi enye owụk mmọ ete ẹkûtịn̄ ẹnọ owo ndomokiet;+ edi adan̄a nte enye owowụk mmọ, kpa ntre ke mmọ ẹdọdiọn̄ ẹsuan mbụk oro.+ 37  Ke akpanikọ, idem ama akpa mmọ+ ke ata n̄wọrọnda usụn̄, mmọ ẹnyụn̄ ẹdọhọ ẹte: “Enye anam kpukpru n̄kpọ ẹfọn. Enye anam kpa mme inan ẹkop ikọ, imụm ẹnyụn̄ ẹtịn̄ ikọ.”+

Mme Ikọ Idakisọn̄

Se ik. id. Mr 1:22.
Ufan̄ikọ emi odu ke ndusụk edikabade Bible, edi enye idụhe ke uwetn̄kpọ usem Greek eke Westcott ye Hort, emi ekemde ye ata ediwak uwetn̄kpọ usem Greek eset.