Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mark 2;1-28

2  Nte ededi, ke ndusụk usen ẹma ẹkebe enye ọtọn̄ọ ntak odụk Capernaum ndien ẹtọt ẹte enye do ke ufọk.+  Ntre ediwak owo ẹsop idem, ẹwak tutu ufan̄ idụhe aba, idem ke enyịnusụn̄, ndien enye ọtọn̄ọ nditịn̄ ikọ+ nnọ mmọ.  Ndien owo inan̄ ẹbiom owo akpauben̄ kiet ẹte ida isọk enye.+  Edi sia mmọ mîkemeke ndida enye mbe ndụk nsọk Jesus ke ntak otuowo, mmọ ẹyarade ọkọm ke ebiet eke enye odude, ndien ke ẹma ẹketịbi odudu mmọ ẹsụhọde n̄kpọnna emi owo akpauben̄ anade ẹsịn.+  Ndien ke ini Jesus okụtde mbuọtidem+ mmọ enye ọdọhọ owo akpauben̄ oro ete: “Eyen, ẹmefen mme idiọkn̄kpọ fo.”+  Edi ndusụk mme scribe* emi ẹkedude do ẹtie ẹkere ke esịt mmọ ẹte:+  “Ntak owo emi etịn̄de ikọ ntem? Enye etịn̄ ikọ isụn̄i adian Abasi. Anie ekeme ndifen mme idiọkn̄kpọ ke mîbọhọke owo kiet, kpa Abasi?”+  Edi kpa idaha oro Jesus ọfiọk ke spirit esie ete ke mmọ ẹkere ntre, ndien enye obụp mmọ ete: “Ntak emi mbufo ẹkerede mme n̄kpọ emi ke esịt mbufo?+  Ewe emem akan, ndi ndidọhọ owo akpauben̄, ‘Ẹmefen mme idiọkn̄kpọ fo,’ m̀mê ndidọhọ, ‘Daha ke enyọn̄ nyụn̄ men n̄kpọnna fo san̄a’?+ 10  Edi man mbufo ẹfiọk ẹte ke Eyen owo+ enyene odudu ndifen mme idiọkn̄kpọ ke isọn̄,”+—enye ọdọhọ owo akpauben̄ oro ete: 11  “Ndọhọ fi nte, Daha ke enyọn̄, men n̄kpọnna fo nyọn̄ ufọk fo.”+ 12  Ndien enye adaha ke enyọn̄, emen n̄kpọnna esie kpa idaha oro onyụn̄ asan̄a ọwọrọ ke iso mmọ kpukpru,+ esịn idem akpa mmọ kpukpru, mmọ ẹnyụn̄ ẹnọ Abasi ubọn̄, ẹte: “Akananam nnyịn ikwe n̄kpọ eke etiede ntem.”+ 13  Enye ọtọn̄ọ ntak ọwọrọ aka mbeninyan̄; ndien ofụri otuowo ẹdọdiọn̄ ẹtiene enye, ndien enye ọtọn̄ọ ndikpep mmọ n̄kpọ. 14  Edi nte enye asan̄ade ebe, enye ada okụt Levi+ eyen Alphaeus nte etiede ke itie ubọ tax, ndien enye ọdọhọ enye ete: “Tiene mi.” Ndien enye adaha ke enyọn̄ etiene enye.+ 15  Edikem enye etie ke okpokoro ke ufọk Levi oro, ediwak mme ọbọ a-tax+ ye mme anamidiọk ẹnyụn̄ ẹditie ye Jesus ye mme mbet esie, koro mmọ ẹwakde ndien mmọ ẹtiene enye.+ 16  Edi ke ini mme scribe mme Pharisee ẹkụtde nte enye adiade n̄kpọ ye mme anamidiọk ye mme ọbọ a-tax, mmọ ẹdọhọ mme mbet esie ẹte: “Ndi enye adia n̄kpọ ye mme ọbọ a-tax ye mme anamidiọk?”+ 17  Ke ini Jesus okopde emi, enye ọdọhọ mmọ ete: “Mbon emi idem ọsọn̄de isiyomke abiausọbọ, edi mbon emi ẹdọn̄ọde ẹsiyom. N̄kedịghe ndikot ndinen owo, edi n̄kedi ndikot mme anamidiọk.”+ 18  Ndien mme mbet John ye mme Pharisee ẹtie utreudia. Ntre mmọ ẹdi ẹdibụp enye ẹte: “Ntak emi mme mbet John ye mbet mme Pharisee ẹtiede utreudia, edi mme mbet fo mîtiehe utreudia?”+ 19  Ndien Jesus ọbọrọ mmọ ete: “Nte mme ufan ebendọ ẹkeme nditie utreudia+ ke adan̄aemi ebendọ odude ye mmọ? Mmọ ikemeke nditie utreudia adan̄a ini nte ebendọ odude ye mmọ.+ 20  Edi mme usen ẹyedi eke ẹdibọde mmọ ebendọ, ndien adan̄aoro mmọ ẹyetie utreudia ke usen oro.+ 21  Baba owo kiet idaha ubak obufa ọfọn̄ ikịm idian ke akani ewụra; edieke enye ekịmde adian, odudu esie oyodụri enye, obufa awak akani, ndien nde n̄waha oro etetịm ọdiọk.+ 22  N̄ko, baba owo kiet isịnke obufa wine ke n̄kani ikpa wine; edieke enye esịnde, wine ayasiak ikpa, ndien wine atak ọkọrọ ye ikpa.+ Edi mme owo ẹsisịn obufa wine ke mbufa ikpa wine.”+ 23  Ekem nte enye asan̄ade ebe ke in̄wan̄ wheat ke sabbath, mme mbet esie ẹtọn̄ọ ndikịbi+ mbuot wheat.+ 24  Ntre mme Pharisee ẹdọhọ enye ẹte: “Sese! Ntak emi mmọ ẹnamde se ibet mînyịmeke ẹnam ke sabbath?”+ 25  Edi enye ọdọhọ mmọ ete: “Nte akanam mbufo ikotke se David+ akanamde ke ini enye okodude ke unana onyụn̄ okopde biọn̄, enye ye mbon oro ẹkedude ye enye?+ 26  Nte enye okodụkde ufọk Abasi, ke mbụk emi aban̄ade Abiathar+ ọbọn̄ oku, akata uyo iso Abasi,+ emi ibet mînyịmeke+ owo ndomokiet ata ke mîbọhọke mme oku, onyụn̄ emende ndusụk n̄ko ọnọ mbon oro ẹkedude ye enye?”+ 27  Ntre enye ọdọhọ mmọ ete: “Sabbath ekedidu ke ntak owo,+ owo inyụn̄ idụhe ke ntak sabbath;+ 28  ntem Eyen owo akam edi Ọbọn̄ sabbath.”+

Mme Ikọ Idakisọn̄

Se ik. id. Mr 1:22.