Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Mark 12;1-44

12  N̄ko, enye ọtọn̄ọ ndida mme uwụtn̄kpọ ntịn̄ ikọ ye mmọ ete: “Owo kiet ọkọtọ in̄wan̄ vine,+ onyụn̄ esịn ọkọ akanade enye okụk, onyụn̄ etịbi obube unyịmi wine onyụn̄ ọbọp tọwa,+ onyụn̄ ayak enye esịn mme ọtọin̄wan̄+ ke ubọk, ndien adaha aka esenidụt.+  Ekem ke edikem ini enye osio ofụn kiet ọdọn̄ aka ebịne mme ọtọin̄wan̄, man ọkpọbọ mme ọtọin̄wan̄ ndusụk mfri in̄wan̄ vine oro.+  Edi mmọ ẹmụm enye, ẹmia enye ẹnyụn̄ ẹnọ enye ọnyọn̄ ubọk ubọk.+  Ndien enye afiak osio ofụn en̄wen ọdọn̄ aka ebịne mmọ; mmọ ẹnyụn̄ ẹmia enye oro ibuot ẹnyụn̄ ẹsuene enye.+  Enye onyụn̄ osio en̄wen ọdọn̄, ndien mmọ ẹwot enye oro; onyụn̄ osio ediwak en̄wen ọdọn̄, mmọ ẹmia ndusụk ẹnyụn̄ ẹwot ndusụk.  Enye enyene owo kiet efen, edima eyen.+ Enye osio enye ọdọn̄ aka ebịne mmọ nte akpatre, ọdọhọde ete, ‘Mmọ ẹyekpono eyen mi.’+  Edi mme ọtọin̄wan̄ oro ẹdọhọ ke otu idemmọ ẹte, ‘Emi edi adiakpa.+ Ẹdi, ẹyak iwot enye, ndien n̄kpọ-akpa eyenyene nnyịn.’+  Ntre mmọ ẹmụm enye ẹwot,+ ẹnyụn̄ ẹsio enye ke in̄wan̄ vine ẹduọk.+  Nso ke enyene in̄wan̄ vine oro edinam? Enye eyedi edisobo mme ọtọin̄wan̄ oro, onyụn̄ ayak in̄wan̄ vine+ oro ọnọ mbon en̄wen.+ 10  Nte akanam mbufo ikotke itie N̄wed Abasi emi, ‘Itiat+ emi mme ọbọpufọk ẹkesịnde, emi amakabade edi etubom itiat inụk.+ 11  Emi oto Jehovah, enye onyụn̄ edi utịben̄kpọ ke enyịn nnyịn’?”+ 12  Ndien mmọ ẹtọn̄ọ ndiyom usụn̄ nte ẹdisan̄ade ẹmụm enye, edi mmọ ẹfehe otuowo, koro mmọ ẹfiọkde ẹte enye etịn̄ uwụtn̄kpọ emi aban̄a mmimọ. Ntre mmọ ẹkpọn̄ enye ẹnyọn̄ọ.+ 13  Ekem mmọ ẹsio ndusụk mme Pharisee ye n̄ka mme anditiene Herod+ ẹdọn̄ ẹtiene enye, man ẹmụm enye ke ikọ inua esie.+ 14  Ke ini mmọ ẹdide ẹdisịm, mmọ emi ẹdọhọ enye ẹte: “Andikpep, nnyịn imọfiọk ite afo esitịn̄ akpanikọ unyụn̄ uten̄eke owo enyịn, koro afo mûsehe nte owo etiede ke enyịn, edi afo ekpep usụn̄ Abasi nte ekemde ye akpanikọ:+ Nte ibet enyịme ẹkpe tax ẹnọ Caesar m̀mê inyịmeke? 15  Nte nnyịn ikpe, m̀mê ikûkpe?”+ Ke ini enye okụtde mbubịk mmọ, enye obụp mmọ ete: “Ntak emi mbufo ẹdomode mi? Ẹmen denarius ẹsọk mi nse.”+ 16  Mmọ ẹda kiet ẹdi. Ndien enye obụp mmọ ete: “Mbiet ye enyịn̄ emi ẹdi eke anie?” Mmọ ẹte enye: “Eke Caesar.”+ 17  Jesus ndien ọdọhọ ete: “Ẹnọ Caesar se inyenede Caesar,+ ẹnyụn̄ ẹnọ Abasi se inyenede Abasi.”+ Ndien idem akpa mmọ aban̄a enye.+ 18  Ekem mme Sadducee, emi ẹdọhọde ẹte ediset ke n̄kpa idụhe, ẹdi ẹbịne enye ẹnyụn̄ ẹdibụp enye mbụme ẹte:+ 19  “Andikpep, Moses ekewet ọnọ nnyịn ete edieke eyenete owo akpade ọkpọn̄ n̄wan edi mîbonke eyen, yak eyenete+ esie emen n̄wan oro ọdọ onyụn̄ obon eyen ọnọ eyenete esie.+ 20  Nditọete itiaba ẹkedu; ndien akpan ọdọ n̄wan, edi ke ini enye akpade enye ibonke eyen.+ 21  Ndien udọ emen enye ọdọ, edi akpa ibonke eyen; ọyọhọ ita onyụn̄ anam kpasụk ntre. 22  Ndien mmọ mbitiaba ibonke eyen. Ke akpatre n̄wan oro n̄ko akpa.+ 23  Ke ediset ke n̄kpa enye edidi n̄wan anie ke otu mmọ? Koro mmọ mbitiaba ẹma ẹdọ enye.”+ 24  Jesus ọdọhọ mmọ ete: “Nte emi idịghe ntak mbufo ẹnamde ndudue, ke emi mbufo mîfiọkke N̄wed Abasi m̀mê odudu Abasi?+ 25  Koro ke ini mmọ ẹdisetde ke n̄kpa, irenowo ididọhọ ndọ owo idinyụn̄ idaha iban inọ ke ndọ, edi mmọ ẹditie nte mme angel ke heaven.+ 26  Edi kaban̄a mme akpan̄kpa emi ẹnamde ẹset, nte mbufo ikokotke ke n̄wed Moses, ke mbụk emi aban̄ade eto n̄kukịm, nte Abasi ọkọdọhọde enye ete, ‘Ami ndi Abasi Abraham ye Abasi Isaac ye Abasi Jacob’?+ 27  Enye idịghe Abasi mme akpan̄kpa, edi edi eke mme odu-uwem. Mbufo ẹmenam akamba ndudue.”+ 28  Ekem kiet ke otu mme scribe* emi ekedide edikop nte mmọ ẹnenide eneni, sia ọfiọkde ete enye ama ọbọrọ mmọ ke eti usụn̄, obụp enye ete: “Ewe edi ebeiso ke otu kpukpru ewụhọ?”+ 29  Jesus ọbọrọ ete: “Ebeiso edi, ‘O Israel, ẹkop, Jehovah Abasi nnyịn edi Jehovah kiet,+ 30  ndien afo enyene ndima Jehovah Abasi fo ke ofụri esịt fo ye ke ofụri ukpọn̄ fo ye ke ofụri ekikere fo ye ke ofụri ukeme fo.’+ 31  Udiana edi emi, ‘Afo enyene ndima mbọhọidụn̄ fo nte idemfo.’+ Idụhe ewụhọ en̄wen eke okponde akan mmọ emi.” 32  Scribe oro ọdọhọ enye ete: “Andikpep, afo emetịm etịn̄ nte ekemde ye akpanikọ, ‘Enye edi Kiet, efen inyụn̄ idụhe ke mîbọhọke Enye’;+ 33  ndien owo ndima enye ke ofụri esịt ye ke ofụri ifiọk ye ke ofụri ukeme ye owo ndima mbọhọidụn̄ esie nte idemesie etịm ọsọn̄ urua akan ofụri edifọp uwa ye mme uwa eken.”+ 34  Mmọdo, ke Jesus ọfiọkde ete enye ọbọrọ ye eti ibuot, ọdọhọ enye ete: “Afo uyomke usụn̄ ukpọn̄ obio ubọn̄ Abasi.” Edi owo ndomokiet inyeneke uko aba ndibụp enye mbụme.+ 35  Edi nte Jesus ekpepde mme owo n̄kpọ ke temple, enye obụp ete: “Nso inam mme scribe ẹdọhọde ke Christ edi eyen David?+ 36  David etịn̄ ke ndausụn̄ edisana spirit+ ete, ‘Jehovah ọdọhọ Ọbọn̄ mi ete: “Tie mi ke ubọk nnasia tutu nda mme asua fo nnịm fi ke idak ikpat.”’+ 37  David ke idemesie okot enye ‘Ọbọn̄,’ edi didie ke enye edi eyen esie?”+ Ndien akwa otuowo ẹkpan̄ utọn̄ ẹnọ enye ye idatesịt.+ 38  Ndien enye ọdọhọ ke ukpepn̄kpọ esie ete: “Ẹkpeme idem ye mme scribe+ emi ẹmade ndisịne ewụra nsan̄a n̄kanade ẹnyụn̄ ẹmade ekọm ke an̄waurua 39  ye n̄kpọitie iso ke mme synagogue ye ata ikpọ itie ke udia mbubreyo.+ 40  Mmọ ẹdi mbon emi ẹdiade ufọk+ mme ebeakpa ẹsobo ẹnyụn̄ ẹbọn̄de nnyan akam ke n̄wụtidem; mmọ emi ẹyebọ ubiomikpe eke okponde akan.”+ 41  Ekem enye osụhọde etetie asak iso ese n̄kpọ usịn okụk+ onyụn̄ okụt nte otuowo ẹsịnde okụk ke n̄kpọ usịn okụk; ediwak mbon inyene ẹnyụn̄ ẹsịn ediwak okụk.+ 42  Edi ubuene ebeakpa kiet edi edisịn okudọk okụk iba, emi edide ata ekpri okụk.+ 43  Ntre enye okot mme mbet esie ete ẹdi onyụn̄ ọdọhọ mmọ ete: “Ke akpanikọ ke ndọhọ mbufo nte ubuene ebeakpa emi ama esịn okụk akan kpukpru mmọ emi ẹkesịnde okụk ke n̄kpọ usịn okụk;+ 44  koro kpukpru mmọ ẹkesio n̄kpọ ke nyọhọ-nsụhọ mmọ ẹsịn, edi enye, ke unana esie, ekesịn kpukpru se enye enyenede, kpa ofụri se enye akpadade odu uwem.”+

Mme Ikọ Idakisọn̄

Se ik. id. Mr 1:22.