Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Malachi 3;1-18

3  “Sese! Mmosio isụn̄utom mi ndọn̄,+ enye oyonyụn̄ ọdiọn̄ usụn̄ mbemiso ami ndide.+ Ndien ata Ọbọn̄+ emi mbufo ẹyomde, eyedi temple+ Esie ke mbuari, ye isụn̄utom+ ediomi+ emi adatde mbufo esịt.+ Sese! Enye iditreke ndidi,” Jehovah mme udịm ọdọhọ.+  “Edi anie edikeme ndiyọ usen emi enye edidide,+ anie edinyụn̄ ekeme ndisọn̄ọ nda ke ini enye ọbiọn̄ọrede?+ Koro enye editie nte ikan̄ owo emi etemde silver anam asana+ ye nte suọp+ mme eyetọfọn̄.+  Ndien enye oyosụhọde etie nte owo emi etemde silver anam asana+ ye nte andision̄o ndek mfep ke silver oyonyụn̄ anam nditọ Levi+ ẹsana; ndien enye oyodụhọde mmọ ndek osion̄o ke idem nte emi ẹdụhọrede gold+ ye silver, mmọ ẹyenyụn̄ ẹkabade ẹdi mbon oro ẹwade uwa enọ+ ke edinen ido ẹnọ Jehovah.  Ndien uwa enọ Judah ye Jerusalem iditreke ndinem Jehovah esịt,+ kpa nte ekedide ke eyo oko ye nte ekedide ke usen eset.+  “Ndien ami nyasan̄a n̄kpere mbufo ke ikpe,+ nyonyụn̄ n̄wara n̄kabade ndi ntiense+ mban̄a mbiaidiọn̄+ ye mme esịn efịbe+ ye mbon oro ẹdade un̄wọn̄ọ ke nsu,+ ye mbon oro ẹtụkde anamutom ke okụkutom esie,+ ẹnyụn̄ ẹtụkde ebeakpa+ ye eyenakpa,+ ye mbon oro ẹfịkde esenowo,+ mînyụn̄ ibakke mi,”+ Jehovah mme udịm ọdọhọ.  “Koro ami ndi Jehovah; ami n̄kpụhọkede.+ Mbufo ẹnyụn̄ ẹdi nditọ Jacob; owo isoboke mbufo ima.+  Toto ke eyo mme ete ete mbufo, mbufo ẹma ẹwọn̄ọde ẹkpọn̄ mme ewụhọ mi inyụn̄ inịmke mmọ.+ Ẹfiak ẹtiene mi, ndien ami nyafiak ntiene mbufo,”+ Jehovah mme udịm ọdọhọ. Ndien mbufo ẹbụp ẹte: “Ke nso usụn̄ ke idifiak itiene fi?”  “Nte owo ekeme ndiwo Abasi? Edi mbufo ke ẹwo mi.” Ndien mbufo ẹbụp ẹte: “Ke nso usụn̄ ke nnyịn iwo fi?” “Ke ọyọhọ mbak duop ye ke mme etịbe.  Mbufo ke ẹsụn̄i+ mi, mbufo ke ẹnyụn̄ ẹwo mi—ofụri idụt. 10  Ẹda kpukpru ọyọhọ mbak duop+ ẹdinịm ke ufọk ubonn̄kpọ, man udia okpodu ke ufọk mi;+ ẹnyụn̄ ẹda emi ẹdomo mi ẹse,”+ Jehovah mme udịm ọdọhọ, “m̀mê ami ndiberekede window heaven+ nnọ mbufo nnyụn̄ n̄n̄wan̄a edidiọn̄ nnọ mbufo tutu mbufo inanake baba n̄kpọ kiet.”+ 11  “Ndien nyaduari se itade n̄kpọ nnọ mbufo,+ ndien enye idibiatke mfri isọn̄ mbufo, vine in̄wan̄ idinyụn̄ inanake mfri inọ mbufo,”+ Jehovah mme udịm ọdọhọ. 12  “Ndien kpukpru mme idụt ẹyedọhọ ke mbufo ẹmekop inemesịt,+ koro mbufo ẹyekabade ẹdi isọn̄ idatesịt,”+ Jehovah mme udịm ọdọhọ. 13  “Mbufo ẹmetịn̄ n̄kpọsọn̄ ikọ ẹdian mi,”+ Jehovah ọdọhọ. Ndien mbufo ẹbụp ẹte: “Nso ke nnyịn itịn̄ ye kiet eken idian fi?”+ 14  “Mbufo ẹdọhọ ẹte, ‘Ufọn idụhe ndinam n̄kpọ Abasi.+ Ndien nso udori idu ke nnyịn ndinịm ewụhọ esie nnyụn̄ nsan̄a mfụhọ mfụhọ ke ntak Jehovah mme udịm?+ 15  Ndien ke emi nnyịn idọhọ ke mbon iseri ẹmekop inemesịt.+ N̄ko, nte ke ẹmenam mme anam idiọkido ẹsọn̄ọ ẹda.+ Mmọ ẹmedomo Abasi ẹse ẹnyụn̄ ẹbọhọ.’”+ 16  Ke ini oro mbon oro ẹbakde Jehovah+ ẹneme nneme ye kiet eken, owo kiet kiet ye ufan esie, ndien Jehovah akpan̄ utọn̄ okop.+ Ndien ẹwet n̄wed editi ke iso esie+ ẹnọ mbon oro ẹbakde Jehovah ye mbon oro ẹkerede ẹban̄a enyịn̄ esie.+ 17  Jehovah mme udịm ọdọhọ ete, “Mmọ ẹyekabade ẹdi okịm+ ke usen emi ndinamde mmọ ẹdi akpan inyene.+ Ndien nyatua mmọ mbọm, kpa nte owo atuade eyen esie emi anamde n̄kpọ ọnọ enye mbọm.+ 18  Ndien mbufo ẹyetọn̄ọ ntak ẹkụt ukpụhọde ke ufọt edinen owo ye idiọkowo,+ ye ke ufọt owo emi anamde n̄kpọ Abasi ye owo emi mînamke n̄kpọ esie.”+

Mme Ikọ Idakisọn̄