Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Malachi 2;1-17

2  “Ewụhọ emi enyene mbufo mme oku.+  Edieke mbufo mîdikopke,+ esịt+ mbufo mîdinyụn̄ ikereke man ẹnọ enyịn̄ mi ubọn̄,”+ Jehovah mme udịm ọdọhọ, “ami n̄ko nyanam isụn̄i esịm mbufo,+ nyonyụn̄ nsụn̄i mme edidiọn̄ mbufo.+ Ih, mma n̄kam nsụn̄i edidiọn̄ oro, koro esịt mbufo mîkereke enye.”  “Sese! ke ntak mbufo mmaduari n̄kpasịp emi ẹtọde,+ nyonyụn̄ ntiam mbufo ifuọ ke iso, kpa ifuọ usọrọ mbufo; ndien owo eyemen mbufo otop esịn ke ifuọ.  Ndien mbufo ẹyefiọk ẹte ke ami nnọ ewụhọ emi ẹsọk mbufo,+ man ediomi mi+ ye Levi akpaka iso,”+ Jehovah mme udịm ọdọhọ.  “Ediomi mi ama odu ye enye, ediomi uwem ye eke emem,+ ndien mma nda mmọ nnọ enye man ndịk anam enye. Ndien enye ama abak mi;+ ih, enye ama edịghe ke ntak enyịn̄ mi.+  Ibet akpanikọ okodu enye ke inua,+ owo ikonyụn̄ ikwe baba ukwan̄n̄kpọ kiet ke n̄kpọkinua esie. Enye akasan̄a ye ami ke emem ye ke edinen ido,+ enye ama onyụn̄ ọwọn̄ọde ediwak owo ọkpọn̄ ndudue.+  Koro n̄kpọkinua oku ẹkpenyene ndikama ifiọk, mme owo ẹkpenyụn̄ ẹnyene ndiyom ibet ke inua esie;+ koro enye edide isụn̄utom Jehovah mme udịm.+  “Edi mbufo ẹmewaha ẹkpọn̄ usụn̄.+ Mbufo ẹmenam ediwak owo ẹtuak ukot ẹduọn̄ọ ke ibet.+ Mbufo ẹmebiat ediomi Levi,”+ Jehovah mme udịm ọdọhọ.  “Ndien amaedi ami, nyanam ẹsịn mbufo ke ndek ẹnyụn̄ ẹsụhọde mbufo itie ke iso kpukpru owo,+ adan̄a nte mbufo mîkasan̄ake ke usụn̄ mi, edi ẹdade ibet ẹnam asari.”+ 10  “Nte idịghe ete kiet ke kpukpru nnyịn inyene?+ Nte idịghe Abasi kiet okobot nnyịn?+ Ntak emi nnyịn ibian̄ade kiet eken,+ ke ndisabade ediomi mme ete ete nnyịn?+ 11  Judah amabian̄a abian̄a, ẹmenyụn̄ ẹnam mbubiam n̄kpọ ke Israel ye ke Jerusalem;+ koro Judah amasabade edisana idaha Jehovah,+ emi Enye amade, enye omonyụn̄ ada eyenan̄wan esen abasi enyene nte n̄wanndọ.+ 12  Jehovah eyesịbe owo eke anamde emi efep+ ke mme tent Jacob, owo eke mîdehe idap ye owo eke ọbọrọde, ye owo eke adade uwa enọ+ ọsọk Jehovah mme udịm.” 13  “Ndien emi edi ọyọhọ n̄kpọ iba emi mbufo ẹnamde, emi anamde mmọn̄eyet, ntuan̄a, ye eseme ẹfụk itieuwa Jehovah, tutu enye isehe aba uwa enọ ke iso, inyụn̄ inemke esịt ndibọ mbufo n̄kpọ ekededi ke ubọk.+ 14  Ndien mbufo ẹbụp ẹte, ‘Ke nso ntak?’+ Ke ntak emi Jehovah edide ntiense ke ufọt fo ye n̄wan uyen fo,+ emi afo abian̄ade, okposụkedi enye edide nsan̄a fo ye n̄wan ediomi fo.+ 15  Ndien odu owo emi mîkanamke emi, koro enye ama enyene nsụhọ spirit. Ndien nso ke owo oro okoyom? Mfri Abasi.+ Mbufo ndien ẹkpeme spirit mbufo,+ owo baba kiet okûnyụn̄ abian̄a n̄wan uyen esie.+ 16  Koro enye asasua usiondọ,”+ Jehovah Abasi Israel ọdọhọ; “ye owo emi ofụkde afai ke ọfọn̄ esie,”+ Jehovah mme udịm ọdọhọ. “Mbufo ẹnyụn̄ ẹkpeme spirit mbufo, ẹkûnyụn̄ ẹbian̄a abian̄a.+ 17  “Mbufo ẹmefek Jehovah ke ikọ mbufo,+ ndien mbufo ẹbụp ẹte, ‘Ke nso usụn̄ ke nnyịn ifek enye?’ Ke mbufo ndidọhọ ẹte, ‘Kpukpru owo eke ẹnamde idiọk ẹfọn ke enyịn Jehovah, utọ mbon oro ẹnyụn̄ ẹdat enye esịt’;+ m̀mê ke ndibụp, ‘Abasi unenikpe odu m̀mọ̀n̄?’”+

Mme Ikọ Idakisọn̄