Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Malachi 1;1-14

1  Etop: Uyo Jehovah+ emi aban̄ade Israel, emi Malachi eketịn̄de:  Jehovah ọdọhọ ete, “Mmama mbufo.”+ Ndien mbufo ẹdọhọ ẹte: “Ke nso usụn̄ ke afo ama nnyịn?”+ “Nte Esau ikedịghe eyeneka Jacob?”+ uyo Jehovah edi emi. “Edi n̄kama Jacob,+  nnyụn̄ nsua Esau;+ ndien ke akpatre nnam ikpọ obot esie ẹdi ndon+ nnyụn̄ nnam udeme esie edi itieidụn̄ mme jackal wilderness.”+  “Sia Edom ọdọhọde ete, ‘Ẹmesuan nnyịn, edi nnyịn iyafiak inyọn̄ ikọbọp mme ebiet oro ẹkewụrede,’ ntem ke Jehovah mme udịm ọdọhọ, ‘Mmọ ẹyebọp; edi ami nyowụri.+ Ndien mme owo ẹyekot mmọ “obio idiọkido” ye “mbon emi Jehovah obiomde ikpe+ ke nsinsi.”  Ndien enyịn mbufo ẹyekụt, mbufo ẹyenyụn̄ ẹdọhọ ẹte: “Yak ẹnọ Jehovah ubọn̄ ke ofụri ikpehe Israel.”’”+  “‘Eyen esikpokpono ete;+ asan̄autom onyụn̄ okpono eteufọk+ esie. Ntre edieke ami ndide ete,+ ukpono mi enye-e?+ Edieke ami nnyụn̄ ndide Eteufọk, uten̄e mi enye-e?’+ Ntem ke Jehovah mme udịm ọdọhọ mbufo mme oku emi ẹsịnde enyịn̄ mi ke ndek.+ “‘Ndien mbufo ẹbụp ẹte: “Ke nso usụn̄ ke nnyịn isịn enyịn̄ fo ke ndek?”’  “‘Ke mbufo ndidori uyo eke edehede ke itieuwa mi.’+ “‘Ndien mbufo ẹbụp ẹte: “Ke nso usụn̄ ke nnyịn inam fi edehe?”’ “‘Ke mbufo ndidọhọ ẹte: “Okpokoro+ Jehovah edi se ẹkpesede ke ndek.”+  Ndien ke ini mbufo ẹdade unam eke edide nnan ẹdi ndiwa, mbufo ẹdọhọ ẹte: “Oro idiọkke.” Ke ini mbufo ẹnyụn̄ ẹdade unam eke edide mbụn̄ọ m̀mê eke ọdọn̄ọde ẹdi, mbufo ẹdọhọ ẹte: “Oro idiọkke.”’”+ “Mbọk, da enye sọk andikara fo. Nte enye eyenem esịt ye afo, m̀mê adara fi?” Jehovah mme udịm ọdọhọ.  “Ndien ke emi, mbọk, ẹkpe Abasi ubọk,+ man enye akpatua nnyịn mbọm.+ N̄kpọ emi oto mbufo ubọk. Nte enye ayadara owo mbufo ekededi?” Jehovah mme udịm ọdọhọ. 10  “Anie n̄ko odu ke otu mbufo eke ediberide usụn̄ ke ikpîkpu?+ Mbufo inyụn̄ ibarake ikan̄ itieuwa mi ke ikpîkpu.+ Mbufo idatke mi esịt,” Jehovah mme udịm ọdọhọ, “uwa enọ mbufo inemke mi esịt.”+ 11  “Koro enyịn̄ mi oyokpon ke otu mme idụt ọtọn̄ọde ke edem usiahautịn tutu esịm edem usoputịn,+ ndien ẹyenam nsụn̄ikan̄ uwa ọdọk ke kpukpru ebiet,+ ẹnyụn̄ ẹnọ enyịn̄ mi enọ, kpa edisana enọ;+ koro enyịn̄ mi oyokpon ke otu mme idụt,”+Jehovah mme udịm ọdọhọ. 12  “Edi mbufo ke ẹsabade+ mi ke ndidọhọ ẹte, ‘Okpokoro Jehovah ededehe, ndien mfri esie, kpa udia esie, edi se ẹkpesede ke ndek.’+ 13  Ndien mbufo ẹdọhọ ẹte, ‘Sese! Emi efek owo didie ntem!’+ mbufo inyụn̄ idaha enye ke n̄kpọ,” Jehovah mme udịm ọdọhọ. “Ndien mbufo ẹda se ẹbọde ke n̄kanubọk, ye mbụn̄ọ, ye se idọn̄ọde ẹdi;+ ih, mbufo ẹda enye ẹdi nte enọ. Ndi esịt ekpenem mi ndibọ enye ke ubọk mbufo?”+ Jehovah ọdọhọ. 14  “Osụk ọdọdiọk ọnọ owo n̄kari eke ayara odude ke otu ufene esie, ndien enye akan̄a akan̄a onyụn̄ awa se ibiomode ndo ọnọ Jehovah.+ Koro ami ndi akwa Edidem,”+ Jehovah mme udịm ọdọhọ, “ndien enyịn̄ mi eyenyene mme idụt ndịk.”+

Mme Ikọ Idakisọn̄