Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Luke 8;1-56

8  Esisịt ini ke oro ebede, enye asan̄a to ke obio sịm obio, onyụn̄ oto ke obio-in̄wan̄ esịm obio-in̄wan̄, ọkwọrọ onyụn̄ atan̄a eti mbụk obio ubọn̄ Abasi.+ Mbet duopeba ẹnyụn̄ ẹsan̄a ye enye,  ye ndusụk iban+ emi ẹkenamde ndiọi spirit ye mme udọn̄ọ ẹkụre mmọ, Mary emi ẹkotde Magdalene, oro demon itiaba ẹkewọrọde enye ke idem,+  ye Joanna+ n̄wan Chuza, owo Herod emi esede aban̄a ufọk esie, ye Susanna ye ediwak iban efen, emi ẹkedade inyene mmọ ẹnam n̄kpọ ẹnọ mmọ.  Edi ke ini akwa otuowo ẹbonode ọtọkiet ọkọrọ ye mmọ emi ẹketode ediwak obio ẹtiene enye, enye ada uwụtn̄kpọ etịn̄ ikọ ọnọ mmọ ete:+  “Asuan n̄kpasịp ọkọwọrọ aka ndisuan n̄kpasịp esie. Ndien, nte enye asuande, ndusụk n̄kpasịp ẹduọn̄ọ ke mbenusụn̄, ndien ẹdịghi mmọ, mme inuen enyọn̄ ẹnyụn̄ ẹditan̄ ẹta.+  Ndusụk ẹduọn̄ọ ke enyọn̄ akamba itiat, ndien, ke ẹma ẹketịbe, ẹyemede koro mînyeneke mmọn̄.+  Ndusụk ẹduọn̄ọ ke otu n̄kukịm, ndien n̄kukịm emi ẹkọride ye mmọ ẹbaba mmọ ẹwot.+  Ndusụk ẹduọn̄ọ ke eti isọn̄, ndien, ke ẹma ẹketịbe, mmọ ẹn̄wụm mfri utịm ikikie.”+ Nte enye etịn̄de mme n̄kpọ emi, enye emende uyo esie ọdọhọ ete: “Yak owo eke enyenede utọn̄ ndikop, okop.”+  Edi mme mbet esie ẹbụp enye se uwụtn̄kpọ emi ọkpọwọrọde.+ 10  Enye ọbọrọ ete: “Ẹyak mbufo ẹfiọk ndisana ndịben̄kpọ obio ubọn̄ Abasi, edi amaedi mmọ eken edi ke uwụtn̄kpọ,+ man, kpa ye oro mmọ ẹsede, mmọ ẹkpese ke ikpîkpu, kpa ye oro mmọ ẹnyụn̄ ẹkopde, ẹkûfiọk se ọwọrọde.+ 11  Uwụtn̄kpọ+ oro ọwọrọ ntem: N̄kpasịp oro edi ikọ Abasi.+ 12  Mbon oro ẹduọn̄ọde ke mbenusụn̄ ẹdi mmọ emi ẹkopde,+ ekem Devil+ edi editan̄ ikọ oro ke esịt mmọ efep mbak mmọ ẹdinịm ke akpanikọ ẹnyụn̄ ẹnyene edinyan̄a.+ 13  Mbon oro ẹduọn̄ọde ke enyọn̄ akamba itiat ẹdi mmọ emi edide ke ini ẹkopde, mmọ ẹbọ ikọ oro ke idatesịt, edi mmọ emi inyeneke orụn̄; mmọ ẹnịm ke akpanikọ ke esisịt ini, edi ke ini idomo mmọ ẹduọn̄ọ.+ 14  Amaedi mbon oro ẹduọn̄ọde ke otu n̄kukịm, mmọ emi ẹdi mbon oro ẹkopde, edi, editịmede esịt ye inyene ye inemesịt+ uwem emi ẹmen mmọ ẹfep, ẹbaba mmọ ẹwot ofụri ofụri ndien mmọ in̄wụmke mfri eke ọfọnde ama.+ 15  Amaedi mmọ eke ẹduọn̄ọde ke eti isọn̄, emi ẹdi mmọ oro ẹkopde ikọ ye eti esịt eke ọfọnde,+ ẹmụm ẹkama ẹnyụn̄ ẹn̄wụm mfri ke ime.+ 16  “Idụhe baba owo kiet eke odomode utuenikan̄ ada n̄kpọ ofụk m̀mê enịm ke idak n̄kpana, edi odori enye ke uwụk utuenikan̄, man mmọ oro ẹbede ẹdụk ẹkpekụt un̄wana.+ 17  Koro idụhe n̄kpọ eke edịbede+ oro mîdiyarakede, inyụn̄ idụhe n̄kpọ eke ẹtịmde ẹdịp oro owo mîdifiọkke mîdinyụn̄ iwọrọke ina an̄wan̄wa.+ 18  Ke ntre, ẹkpeme nte mbufo ẹkpan̄de utọn̄; koro owo ekededi eke enyenede, ẹyedian ẹnọ enye,+ edi owo ekededi eke mînyeneke, ẹyebọ enye kpa se enye ekerede ete imọ imenyene.”+ 19  Ekem eka esie ye nditọeka esie iren+ ẹto ẹdi, edi mmọ ikemeke ndisịm enye ke ntak otuowo.+ 20  Edi, ẹdọhọ enye ẹte: “Eka fo ye nditọeka fo iren ke ẹda ke an̄wa ẹyom ndikụt fi.”+ 21  Enye ọbọrọ mmọ ete: “Eka mi ye nditọeka mi iren ẹdi mmọ emi ẹkopde ikọ Abasi ẹnyụn̄ ẹnamde.”+ 22  Edikem ke usen kiet, enye ediere ke ubom ye mme mbet esie, onyụn̄ ọdọhọ mmọ ete: “Ẹyak nnyịn ibe ika edem n̄kpọdiọhọ mmọn̄ oko.” Ntre ke mmọ ẹsio.+ 23  Edi nte mmọ ẹwatde, idap emen enye. Ndien oyobio efịme osụhọde ke n̄kpọdiọhọ mmọn̄ oro, ndien mmọn̄ ọtọn̄ọ ndiyọhọ ubom, mmọ ẹnyụn̄ ẹdu ke itiendịk.+ 24  Ke akpatre, mmọ ẹka ẹkedemede enye, ẹte: “Andikpep, Andikpep, nnyịn imọn̄ itak!”+ Enye edemede, aduari+ ofụm ye mbufụt mmọn̄, ndien mmọ ẹdobo, ẹna sụn̄. 25  Ekem enye ọdọhọ mmọ ete: “Mbuọtidem mbufo odu m̀mọ̀n̄?” Edi ndịk anam mmọ, idem akpa mmọ, mmọ ẹnyụn̄ ẹdọhọ kiet eken ẹte: “Anie ededi emi, koro enye owụkde ofụm ye mmọn̄, ndien mmọ ẹkop uyo esie?”+ 26  Ndien mmọ ẹdibehe ke esụk idụt mbon Gerasa, emi asakde iso ese Galilee.+ 27  Edi nte enye ọwọrọde ada ke isọn̄, owo kiet emi otode obio oro onyụn̄ enyenede demon edisobo ye enye. Enye ikonyụn̄ isịneke ọfọn̄ ke anyan ini, inyụn̄ idụn̄ke ke ufọk, edi esidụn̄ ke mme udi.+ 28  Ke ini enye okụtde Jesus, enye ofiori onyụn̄ ọduọ enye ke iso, onyụn̄ ọdọhọ ke ọkpọsọn̄ uyo ete: “Nsan̄a nso ye afo,+ Jesus Eyen Ata Edikon̄ Abasi? Mmekpe fi ubọk nte, kûtụhọde mi.”+ 29  (Koro enye okowụkde ndedehe spirit ete ọwọrọ owo oro ke idem. Koro ndedehe spirit emi ama ọsọn̄ọ omụm enye ke anyan ini,+ ndien ẹkesida n̄kpọkọbi ye ebuka ẹkọbi enye ẹnyụn̄ ẹkpeme enye, edi enye eyekịbi n̄kpọkọbi oro, demon onyụn̄ ebịn enye esịn ke ndobo ndobo ebiet.) 30  Jesus obụp enye ete: “Afo ekere didie?” Enye ọbọrọ ete: “Udịm,” koro ediwak demon ẹkedụkde enye idem.+ 31  Ndien mmọ ẹdọdiọn̄ ẹkpe enye ubọk+ ẹte okûwụk mmimọ iwọn̄ọ ikodụk editụn̄ọ ukpe.+ 32  Ndien ediwak edi+ ẹdu do ẹdia n̄kpọ ke obot; ntre mmọ ẹkpe enye ubọk ẹte ayak mmimọ ikodụk mmọ idem idọn̄ọ.+ Ndien enye enyịme ọnọ mmọ. 33  Ekem mme demon ẹwọn̄ọ owo oro ke idem ẹkedụk mme edi oro ke idem ẹdọn̄ọ, ndien otu ufene emi ẹbụmede ẹfen̄e ẹsụhọde ebeden̄ ẹkeduọn̄ọ ẹdọn̄ọ n̄kpọdiọhọ mmọn̄ ẹkpan̄a.+ 34  Edi ke ini mme ekpeme ufene emi ẹkụtde se itịbede, mmọ ẹfen̄e ẹkebụk n̄kpọ emi ke akwa obio ye obio-in̄wan̄.+ 35  Ekem mme owo ẹwọn̄ọ ẹdi ndise se iketịbede, mmọ ẹnyụn̄ ẹdi ẹdisịm Jesus ẹnyụn̄ ẹkụt owo emi mme demon ẹkewọn̄ọde ke idem, nte etiede ke ukot Jesus, esịne ọfọn̄, ibuot onyụn̄ ọfọn enye; ndien ndịk anam mmọ.+ 36  Mbon oro ẹkekụtde ẹbụk ẹnọ mmọ nte ẹkenamde idem ọsọn̄ owo emi ekenyenede demon.+ 37  Ntre kpukpru udịmowo emi ẹdụn̄de ke n̄kann̄kụk mbon Gerasa ẹben̄e enye ẹte adaha ọkpọn̄ mmimọ, koro akwa ndịk anamde mmọ.+ Ndien enye ediere ke ubom osio adaha. 38  Edi, owo emi mme demon ẹkewọn̄ọde ke idem ọdọdiọn̄ ekpe enye ubọk ete ayak imọ isan̄a ye enye; edi enye osio owo oro unyọn̄, onyụn̄ ọdọhọ ete:+ 39  “Fiak nyọn̄ ufọk, nyụn̄ ka iso ndibụk mme n̄kpọ emi Abasi akanamde ọnọ fi.”+ Ntem ke enye ọnyọn̄, akatan̄a mme n̄kpọ emi Jesus akanamde ọnọ enye ke ofụri obio oro.+ 40  Ke ini Jesus afiakde edi, otuowo ẹdara enye etieti, koro kpukpru mmọ ẹkedoride enyịn ndikụt enye.+ 41  Edi, sese! owo kiet emi ekerede Jairus edi, owo emi okonyụn̄ edi akwa owo emi etiede ibuot ke synagogue. Ndien enye ọduọ ke isọn̄ ke ukot Jesus onyụn̄ ekpe enye ubọk ete odụk ufọk imọ,+ 42  koro enye enyenede ikpọn̄-ikpọn̄ eyenan̄wan emi edide n̄kpọ nte isua duopeba emi ekperede ndikpa.+ Nte enye akade otuowo ẹberi enye.+ 43  Ndien n̄wan kiet emi ọdọn̄ọde uwọrọiyịp+ ke isua duopeba, emi baba owo kiet mîkemeke ndikọk enye,+ 44  oto edem edem edi editụk nyeriye+ ewụra+ esie, ndien kpa idaha oro iyịp oro esiwọrọde enye ekpehe.+ 45  Ntre Jesus obụp ete: “Anie okotụk mi?”+ Ke ini kpukpru mmọ ẹkan̄de, Peter ọbọrọ ete: “Andikpep, otuowo ẹkan fi ẹkụk ẹnyụn̄ ẹberi fi ọkpọsọn̄.”+ 46  Edi Jesus ọdọhọ ete: “Owo ama otụk mi, koro mmokop ke odudu+ ọwọrọ mi ke idem.”+ 47  Ke ini n̄wan emi okụtde ete imọ idịbeke, idem enyek enye, enye onyụn̄ ediduọ enye ke iso onyụn̄ etịn̄ ke iso kpukpru owo ntak emi ikotụkde enye ye nte udọn̄ọ imọ okokụrede kpa idaha oro.+ 48  Edi enye ọdọhọ n̄wan emi ete: “Eyenan̄wan, mbuọtidem fo amanam idem ọsọn̄ fi;+ nyọn̄ ke emem.”+ 49  Ke adan̄aemi enye osụk etịn̄de ikọ, owo kiet oto ufọk akwa owo emi etiede ibuot ke synagogue edidọhọ ete: “Eyen fo amakpa; kûfịna aba andikpep.”+ 50  Ke ini Jesus okopde, enye ọbọrọ enye ete: “Kûfehe ndịk, kam buọt idem,+ ndien ẹyenyan̄a enye.” 51  Ke ini enye esịmde ufọk enye iyakke baba owo kiet asan̄a ye enye odụk ke mîbọhọke Peter ye John ye James ye ete ye eka eyenan̄wan emi.+ 52  Edi kpukpru owo ke ẹtuan̄a ke ẹnyụn̄ ẹyịbi idem ẹseme eyen oro. Ntre enye ọdọhọ ete: “Ẹkûtua aba,+ koro enye ikpaha-kpa edi edede.”+ 53  Ntem mmọ ẹtọn̄ọ ndisak enye nsahi, koro mmọ ẹfiọkde ẹte enye ama akpa.+ 54  Edi enye omụm enye ke ubọk onyụn̄ ọdọhọ, ete: “Eyenan̄wan, daha ke enyọn̄!”+ 55  Ndien spirit*+ esie afiak edidụk enye idem, enye onyụn̄ adaha ke enyọn̄+ kpa idaha oro, ndien enye ọnọ uyo ete ẹnọ enye n̄kpọ adia.+ 56  Ndien idem akpa ete ye eka eyenan̄wan emi; edi enye ọdọhọ mmọ ete ẹkûtịn̄ se iketịbede ẹnọ owo ndomokiet.+

Mme Ikọ Idakisọn̄

M̀mê “ibifịk uwem.”