Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Luke 7;1-50

7  Ke enye ama eketịn̄ kpukpru ikọ esie ọnọ mme owo ama, enye odụk Capernaum.+  Edi ofụn akwa owoekọn̄ kiet, oro owoekọn̄ emi amade, ọdọn̄ọ ekpere ndikpa.+  Ke ini akwa owoekọn̄ oro okopde aban̄a Jesus, enye osio mbiowo mme Jew ọdọn̄ ẹka ẹkeben̄e enye ẹte edi edinyan̄a ofụn imọ.  Ndien mbon oro ẹkedide ẹdisobo ye Jesus ẹsọn̄ọ ẹkpe enye ubọk, ẹte: “Enye odot nte afo akpanamde emi ọnọ enye,  koro enye amade idụt+ nnyịn onyụn̄ edi enye ọkọbọp synagogue ọnọ nnyịn.”  Ntre Jesus asan̄a ye mmọ aka. Edi ke ini enye mîyomke usụn̄ ikpọn̄ ufọk, akwa owoekọn̄ oro ọdọn̄ mme ufan ẹkedọhọ enye ẹte: “Ete, kûfịna idem, koro mmendotke nte afo okpodụkde idak ọkọm mi.+  Ntak oro esịn mmen̄kabatke nte mmodot ndiwọrọ ndisobo ye afo. Edi kam tetịn̄ ikọ, ndien asan̄autom mi oyokop nsọn̄idem.  Koro ami n̄ko ndu ke idak odudu ukara owo en̄wen, mmonyụn̄ nnyene mbonekọn̄ emi ẹdude ke idak mi, nnyụn̄ ndọhọ owo enye emi nte, ‘Ka!’ ndien enye aka, nnyụn̄ ndọhọ efen nte, ‘Di!’ ndien enye edi, nnyụn̄ ndọhọ ofụn mi nte, ‘Nam emi!’ ndien enye anam.”+  Edi, ke ini Jesus okopde n̄kpọ emi, idem akpa enye, enye onyụn̄ ọwọn̄ọde ọdọhọ otuowo emi ẹtienede enye ete: “Ndọhọ mbufo nte, Akanam n̄kwe mbuọtidem eke okponde ntem idem ke Israel.”+ 10  Ndien ke ini mbon oro ẹkedọn̄de ẹfiakde ẹnyọn̄ ufọk, mmọ ẹkụt ke idem ama ọsọn̄ ofụn emi.+ 11  Edikem ke mîbịghike, enye adaha aka obio emi ekerede Nain, mme mbet esie ye akwa otuowo ẹnyụn̄ ẹsan̄a ye enye. 12  Nte enye asan̄ade ekpere inuaotop obio, sese! ke ẹbiom owo emi akpade+ ẹwọrọ, emi edide ikpọn̄-ikpọn̄+ eyen ọnọ eka esie. Akan oro, n̄wan emi ekedi ebeakpa. Akwa udịm owo ke obio ẹnyụn̄ ẹsan̄a ye enye. 13  Ndien ke ini Ọbọn̄ okụtde n̄wan oro, mbọm+ n̄wan oro anam enye, enye onyụn̄ ọdọhọ enye ete: “Kûtua aba.”+ 14  Enye onyụn̄ asan̄a ekpere otụk ubiomokpo, ndien mme andibiom ẹtuak ẹda, enye onyụn̄ ọdọhọ ete: “Akparawa, ndọhọ fi nte, Daha ke enyọn̄!”+ 15  Ndien akpan̄kpa oro adaha etetie onyụn̄ ọtọn̄ọ nditịn̄ ikọ, ndien enye ayak enye ọnọ eka esie.+ 16  Ndien ndịk+ anam mmọ kpukpru, mmọ ẹnyụn̄ ẹnọ Abasi ubọn̄, ẹte: “Ẹmenam akwa prọfet+ adaha ada ke otu nnyịn,” ẹnyụn̄ ẹdọhọ ẹte, “Abasi ọmọwọn̄ọde ntịn̄enyịn ọnọ ikọt esie.”+ 17  Ndien mbụk emi aban̄ade enye asuana esịm ofụri Judea ye ofụri n̄kann̄kụk oro. 18  Ekem mme mbet John ẹmen kpukpru n̄kpọ emi ẹkebụk ẹnọ enye.+ 19  Ntre John okot owo iba ke otu mbet esie onyụn̄ ọdọn̄ mmọ ẹka ẹkebụp Ọbọn̄ ẹte: “Nte afo edi Enye Emi Enyenede Ndidi m̀mê nnyịn ikpodori enyịn ke owo efen?”+ 20  Ke ini mmọ ẹsịmde enye, mmọ ẹdọhọ ẹte: “John Andinịm Owo Baptism osio nnyịn ọdọn̄ ete idibụp fi ite, ‘Ndi afo edi Enye Emi Enyenede Ndidi m̀mê nnyịn ikpodori enyịn ke owo efen?’” 21  Ke hour oro enye anam udọn̄ọ+ ye ọkpọsọn̄ ubiak ẹkụre ediwak owo onyụn̄ ebịn ndiọi spirit osion̄o mmọ ke idem, enye onyụn̄ anam ediwak nnan ẹkụt usụn̄. 22  Ntem enye ọbọrọ owo iba oro ete: “Ẹka+ ẹkebụk se mbufo ẹkụtde ẹnyụn̄ ẹkopde ẹnọ John: mme nnan+ ẹkụt usụn̄, mbụn̄ọ ẹsan̄a isan̄, ẹnam mbon akpamfia ẹsana, inan ẹkop n̄kpọ, ẹnam mme akpan̄kpa ẹset, ẹnyụn̄ ẹkwọrọ+ eti mbụk ẹnọ mme ubuene.+ 23  Ndien owo emi mîtuakke ukot iduọ ke ntak mi okop inemesịt.”+ 24  Ke ini mme isụn̄utom John ẹma ẹkenyọn̄ọ, enye ọtọn̄ọ ndibụp otuowo mban̄a John ete: “Nso ke mbufo ẹkeka ndise ke wilderness? Ndi nnyanyan̄a eke ofụm enyen̄ede?+ 25  Nso, ndien, ke mbufo ẹkewọn̄ọ ẹka ndise? Owo emi esịnede ndọdọbọde ewụra?+ Kamse, mbon oro ẹsịnede ọfọn̄idem ubọn̄ ẹnyụn̄ ẹdiade ndinem udia ẹdu ke ufọk mbọn̄.+ 26  Nso ndien ke mbufo ẹkewọn̄ọ ẹka ndise? Ndi prọfet?+ Ke akpanikọ, ndọhọ mbufo nte, enye enen̄ede okpon akan prọfet.+ 27  Emi edi enye emi ẹkewetde ẹban̄a ẹte, ‘Sese! Mmosio isụn̄utom mi ndọn̄ ebem fi iso,+ emi edidiọn̄de usụn̄ enịm ọnọ fi.’+ 28  Ndọhọ mbufo nte, Ke otu mmọ eke iban ẹmande idụhe enye emi okponde+ akan John; edi owo emi ekpride akan ke obio ubọn̄ Abasi okpon akan enye.”+ 29  (Ndien ke ini kpukpru mbio obio ye mme ọbọ a-tax ẹkopde emi, mmọ ẹtan̄a ẹte Abasi edi edinen,+ sia mmọ ẹkenade baptism ke ubọk John.+ 30  Edi mme Pharisee ye mmọ emi ẹfiọkde Ibet ẹsịn item+ emi Abasi ọnọde mmọ, sia mmọ mîkanaha baptism ke ubọk esie.) 31  “Ke ntre, ndida mbon emana emi ndomo ye mmanie, mmọ ẹnyụn̄ ẹbiet mmanie?+ 32  Mmọ ẹbiet n̄kpri nditọ emi ẹtiede ke an̄waurua ẹfiori ẹkot kiet eken, emi ẹnyụn̄ ẹdọhọde ẹte, ‘Nnyịn imefri ifiom inọ mbufo, edi mbufo inekke unek; nnyịn imeseme, edi mbufo ituaha eyet.’+ 33  Ukem ntre, John Andinịm Owo Baptism emedi itaha uyo inyụn̄ in̄wọn̄ke wine, edi mbufo ẹte, ‘Enye enyene demon.’+ 34  Eyen owo emedi, adia n̄kpọ onyụn̄ ọn̄wọn̄, edi mbufo ẹte, ‘Sese! Owo udia ye owo mmịn, ufan mme ọbọ a-tax ye mme anamidiọk!’+ 35  Nte ededi, kpukpru nditọ ọniọn̄ ẹwụt ke ọniọn̄+ enen.”+ 36  Ekem owo kiet ke otu mme Pharisee eyịre enye ete edidia udia ye imọ. Mmọdo enye odụk ufọk+ Pharisee oro okosụhọde etie ke okpokoro. 37  Ndien, sese! n̄wan kiet emi ẹdiọn̄ọde ke obio ẹte edi anamidiọk ọfiọk ete enye ke etie ke itie udia ke ufọk Pharisee oro, ndien enye ada otu alabaster+ eke ẹsịnde edifuọn̄ aran edi, 38  onyụn̄ ada enye ke edem ekpere ukot esie, atua eyet onyụn̄ ọtọn̄ọ ndida mmọn̄eyet esie mbịt enye ukot, onyụn̄ ada idet ibuot esie ọkwọhọde enye ukot. N̄ko, enye ada inua etịm enye ukot ima ima onyụn̄ ada edifuọn̄ aran ọfiọn̄ọ enye ke ukot. 39  Ke ini Pharisee oro okokotde enye udia okụtde emi, enye ọdọhọ ke esịt esie ete: “Edieke owo emi ekpedide prọfet,+ enye ọkpọfiọk orụk owo oro n̄wan emi otụkde enye edide, ete enye edi anamidiọk.”+ 40  Edi Jesus ọbọrọ enye ete: “Simon, mmenyene se nyomde nditịn̄ nnọ fi.” Enye ọdọhọ ete: “Andikpep, tịn̄!” 41  “Ọnọ ebuọt kiet ekenyene owo isọn iba; owo kiet akama enye denarius ikie ition,+ edi enye eken akama aba ye duop. 42  Ke ini mmọ mînyeneke se ẹdade ẹsio isọn, enye efen+ mmọ mbiba ke ofụri esịt. Ke ntre, anie ke otu mmọ edima enye akan?” 43  Simon ọbọrọ ete: “N̄kere ke edi owo emi enye ekefende se ikponde ikan ke ofụri esịt.” Enye ọdọhọ enye ete: “Afo emenen.” 44  Ndien enye ọwọn̄ọde ese n̄wan emi onyụn̄ ọdọhọ Simon ete: “Omokụt n̄wan emi? N̄kodụk ufọk fo; afo unọhọ mi mmọn̄+ ndida nyet ukot. Edi n̄wan emi ada mmọn̄eyet esie ebịt mi ukot onyụn̄ ada idet esie ọkwọhọde mi ukot. 45  Afo utịmke mi inua;+ edi n̄wan emi, tọn̄ọ ke ini emi ndụkde ndi, itreke ndida inua ntịm mi ukot ima ima. 46  Afo ukeyetke mi aran ke ibuot;+ edi n̄wan emi ada edifuọn̄ aran ọfiọn̄ọ mi ke ukot. 47  Ke ntak emi, ndọhọ fi nte, okposụkedi idiọkn̄kpọ esie ẹwakde, ẹmefen mmọ,+ koro ima esie okpon; edi owo eke ẹfende enye esisịt, enyene esisịt ima.” 48  Ndien enye ọdọhọ n̄wan oro ete: “Ẹmefen mme idiọkn̄kpọ fo.”+ 49  Edi mmọ emi ẹtiede ke okpokoro ye enye ẹtọn̄ọ ndidọhọ ke esịt mmọ ẹte: “Owo emi edi anie eke akam efende mme idiọkn̄kpọ?”+ 50  Edi enye ọdọhọ n̄wan oro ete: “Mbuọtidem fo anyan̄a fi;+ nyọn̄ ke emem.”+

Mme Ikọ Idakisọn̄