Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Luke 3;1-38

3  Ke ọyọhọ isua efịt emi Tiberius Caesar akarade, ke ini Pontius Pilate edide andikara Judea, Herod+ onyụn̄ edide andikara n̄kann̄kụk Galilee, edi Philip eyenete esie edide andikara n̄kann̄kụk edem Ituraea ye Trachonitis, Lysanias onyụn̄ edide andikara n̄kann̄kụk Abilene,  ke eyo ọbọn̄ oku Annas ye Caiaphas,+ uyo Abasi esịm John+ eyen Zechariah ke wilderness.+  Ntre enye asan̄a ke ofụri n̄kann̄kụk Jordan, ọkwọrọ baptism nte idiọn̄ọ edikabade esịt man ẹfen mme idiọkn̄kpọ,+  kpa nte ẹwetde ke n̄wed ikọ prọfet Isaiah ẹte: “Ẹkpan̄ utọn̄! Owo ke ofiori ke wilderness ete, ‘Mbufo ẹdiọn̄ usụn̄ Jehovah, ẹnen̄ede ọkpọusụn̄ esie.+  Ẹnyene ndisịri kpukpru itịghede, nnyụn̄ nsuan kpukpru ikpọ ye n̄kpri obot ẹkabade unaisọn̄, ndien ana mme usụn̄ eke ẹkwan̄ade ẹkabade ẹdi nnennen, n̄kpotụk n̄kpotụk ebiet ẹnyụn̄ ẹdọnọ;+  ndien kpukpru obụkidem ẹyekụt usụn̄ edinyan̄a Abasi.’”+  Ntre enye ọdọhọ otuowo emi ẹwọn̄ọde ẹdidọhọ enye enịm mmimọ baptism ete: “Mbufo nditọ ibọm,+ anie okowụk mbufo mbara ete ẹfehe ẹbọhọ iyatesịt eke edide?+  Ẹsion̄o ndien mfri eke odotde ye edikabade esịt.+ Ẹkûnyụn̄ ẹdọhọ ke esịt mbufo ẹte, ‘Nnyịn imenyene Abraham nte ete.’ Koro ndọhọ mbufo nte Abasi enyene odudu ndinam mme itiat emi ẹdaha ẹda ẹdi nditọ Abraham.  Ke akpanikọ, ekụri ododu ke etak eto; ke ntre, ẹnyene ndikpi kpukpru eto eke mîn̄wụmke eti mfri nduọk nnyụn̄ ntop nsịn ke ikan̄.”+ 10  Ndien otuowo ẹbụp enye ẹte: “Nso, ndien, ke nnyịn idinam?”+ 11  Enye ọbọrọ mmọ ete: “Yak owo eke enyenede ọfọn̄ idakidem iba adian̄ade ọnọ owo eke mînyeneke, yak owo eke onyụn̄ enyenede se adiade anam kpa ntre.”+ 12  Edi mme ọbọ a-tax nde ẹdi ndina baptism, mmọ ẹnyụn̄ ẹbụp enye ẹte: “Andikpep, nnyịn inyene ndinam nso?”+ 13  Enye ọbọrọ mmọ ete: “Ẹkûbọ n̄kpọ ẹkan okụk tax.”+ 14  N̄ko, mbonekọn̄ ẹbụp enye ẹte: “Nnyịn n̄ko inyene ndinam nso?” Ndien enye ọbọrọ mmọ ete: “Ẹkûfịna owo ẹkûnyụn̄ ẹdori owo ndomokiet ikọ,+ edi ẹyụhọ ke se ẹnọde mbufo.”+ 15  Edi nte mme owo ẹtiede ẹbet ye idotenyịn, kpukpru owo ẹnyụn̄ ẹkerede ke esịt mmọ ẹban̄a John ẹte: “M̀mê enye akpakam edi Christ?”+ 16  John ọnọ ibọrọ, ọdọhọde kpukpru mmọ ete: “Ke akpanikọ, ami nnịm mbufo baptism ke mmọn̄; edi owo emi enyenede odudu akan mi ke edi, emi mmendotke nditat urụk ikpaukot esie.+ Enye eyenịm mbufo baptism ke edisana spirit ye ikan̄.+ 17  Udọk usakn̄kpọ esie odu enye ke ubọk ndida nnam ọtọ udịghi wheat esie etịm asana nnyụn̄ ntan̄+ wheat mbon ke ufọk ubonn̄kpọ esie, edi enye ọyọfọp mbio+ ke ikan̄+ eke owo mîdikemeke ndinịme.” 18  Ntre enye ọnọ n̄ko ediwak item efen onyụn̄ aka iso nditan̄a eti mbụk nnọ mbio obio. 19  Edi Herod andikara n̄kann̄kụk oro, emi enye akasuade ọnọ ke ntak Herodias n̄wan eyenete esie ye ke ntak kpukpru ndiọi edinam oro Herod akanamde,+ 20  adian emi n̄ko ke kpukpru mme edinam oro: enye ọkọbi John ke ufọk-n̄kpọkọbi.+ 21  Edikem ke ini kpukpru owo ẹma ẹkena baptism, Jesus+ n̄ko onyụn̄ anade baptism, ndien nte enye ọbọn̄de akam, enyọn̄+ eberede 22  ndien edisana spirit osụhọde ke mbiet ibiom edidoro enye ke idem, ndien uyo oto ke heaven ọwọrọ ete: “Afo edi edima Eyen mi; mmenyịme fi.”+ 23  N̄ko-n̄ko, Jesus ekedi n̄kpọ nte isua edịp ye duop+ ke ini enye ọtọn̄ọde utom esie,+ ẹkenyụn̄ ẹkere ke enye edi, eyen+ Joseph,+ eyen Heli, 24  eyen Matthat, eyen Levi, eyen Melchi, eyen Jannai, eyen Joseph, 25  eyen Mattathias, eyen Amos, eyen Nahum, eyen Esli, eyen Naggai, 26  eyen Maath, eyen Mattathias, eyen Semein, eyen Josech, eyen Joda, 27  eyen Joanan, eyen Rhesa, eyen Zerubbabel,+ eyen Shealtiel,+ eyen Neri, 28  eyen Melchi, eyen Addi, eyen Cosam, eyen Elmadam, eyen Er, 29  eyen Jesus, eyen Eliezer, eyen Jorim, eyen Matthat, eyen Levi, 30  eyen Symeon, eyen Judas, eyen Joseph, eyen Jonam, eyen Eliakim, 31  eyen Melea, eyen Menna, eyen Mattatha, eyen Nathan,+ eyen David,+ 32  eyen Jesse,+ eyen Obed,+ eyen Boaz,+ eyen Salmon,+ eyen Nahshon,+ 33  eyen Amminadab,+ eyen Arni,+ eyen Hezron,+ eyen Perez,+ eyen Judah,+ 34  eyen Jacob,+ eyen Isaac,+ eyen Abraham,+ eyen Terah,+ eyen Nahor,+ 35  eyen Serug,+ eyen Reu,+ eyen Peleg,+ eyen Eber,+ eyen Shelah,+ 36  eyen Cainan, eyen Arpachshad,+ eyen Shem,+ eyen Noah,+ eyen Lamech,+ 37  eyen Methuselah,+ eyen Enoch,+ eyen Jared,+ eyen Mahalaleel,+ eyen Cainan,+ 38  eyen Enosh,+ eyen Seth,+ eyen Adam,+ eyen Abasi.

Mme Ikọ Idakisọn̄