Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Luke 22;1-71

22  Ekem usọrọ uyo eke leaven mîdụhe, emi ekerede Passover,+ asan̄a ekpere.  N̄ko, mbọn̄ oku ye mme scribe* ke ẹyom eti usụn̄ nte mmọ ẹkpesan̄ade ẹwot enye,+ koro mmọ ẹfehede mbio obio.+  Edi Satan odụk Judas esịt, enye emi ẹkotde Iscariot, emi ẹkebatde ẹsịn ke otu mbet duopeba;+  ndien enye adaha aka ekenyene nneme ye mbọn̄ oku ye mme etubom temple aban̄a eti usụn̄ nte edisan̄ade ada enye ọnọ mmọ.+  Ndien mmọ ẹdat esịt ẹnyụn̄ ẹnyịme ndinọ enye okụk silver.+  Ntre enye enyịme, onyụn̄ ọtọn̄ọ ndiyom eti ifet ndida enye nnọ mmọ ke ini otuowo mîdụhe ikpere.+  Ekem esịm usen usọrọ uyo eke leaven mîdụhe, emi anade ẹwot unam uwa passover;+  ndien enye osio Peter ye John ọdọn̄, ete: “Ẹka ẹketịm passover ẹben̄e+ ẹnịm ẹnọ nnyịn man nnyịn idia.”  Mmọ ẹbụp enye ẹte: “M̀mọ̀n̄ ke afo oyom nnyịn itịm n̄kpọ iben̄e inịm?” 10  Enye ọbọrọ mmọ ete:+ “Sese! Ke ini mbufo ẹdụkde obio, owo kiet emi obiomde aban̄ mmọn̄ oyosobo ye mbufo. Ẹtiene enye ẹdụk ufọk emi enye edidụkde.+ 11  Mbufo ẹnyụn̄ ẹdọhọ enyeneufọk oro ẹte, ‘Andikpep ọdọhọ fi ete: “Ubet isen emi ami ndidiade passover ye mme mbet mi odu m̀mọ̀n̄?”’+ 12  Ndien owo oro oyowụt mbufo akwa ubet enyọn̄ emi ẹbanade. Ẹtịm n̄kpọ do ẹben̄e.”+ 13  Ntre mmọ ẹdaha ẹka ẹkekụt kpa nte enye ọkọdọhọde mmọ, ndien mmọ ẹtịm n̄kpọ ẹben̄e passover.+ 14  Ndien ke ini emi hour oro ekemde, enye etie ke okpokoro, mme apostle ẹnyụn̄ ẹdu ye enye.+ 15  Ndien enye ọdọhọ mmọ ete: “Ama ọdọn̄ mi etieti ndidia passover emi ye mbufo mbemiso n̄kụtde ndutụhọ; 16  koro ndọhọ mbufo nte, Ndidiaha enye aba tutu enye ọwọrọ osu ke obio ubọn̄ Abasi.”+ 17  Ndien, enye emen cup,+ ọnọ ekọm onyụn̄ ọdọhọ ete: “Ẹbọ emi ẹn̄wọn̄ ke otu idem mbufo; 18  koro ndọhọ mbufo nte, Ọtọn̄ọde ke emi ndin̄wọn̄ke aba mfri vine emi tutu obio ubọn̄ Abasi edi.”+ 19  N̄ko, enye emen uyo,+ ọnọ ekọm, obụn̄, onyụn̄ ayak ọnọ mmọ, ete: “Emi ada aban̄a idem mi+ eke ẹdinọde kaban̄a mbufo.+ Ẹka iso ẹnam emi nditi mi.”+ 20  N̄ko, enye anam kpasụk ntre ye cup+ ke mmọ ẹma ẹkedia udia mbubreyo ẹma, onyụn̄ ọdọhọ ete: “Cup emi ada aban̄a obufa ediomi+ eke ẹnamde ẹbe ke iyịp mi,+ emi ẹdiduọkde kaban̄a mbufo.+ 21  “Edi, sese! ubọk andida mi nnọ+ odu ye ami ke okpokoro.+ 22  Koro Eyen owo ọmọn̄ ọnyọn̄ kpa nte ẹkenịmde;+ edi, mbọm owo oro adade enye ọnọ!”+ 23  Ntre mmọ ẹtọn̄ọ ndineme ke otu idemmọ m̀mê anie ke otu mmimọ edinam emi.+ 24  Nte ededi, ọkpọsọn̄ eneni etịbe ke otu mmọ aban̄a m̀mê anie ke otu mmọ edi andikpon n̄kan.+ 25  Edi enye ọdọhọ mmọ ete: “Ndidem mme idụt ẹkara mmọ ke ọkpọsọn̄ ubọk, ndien ẹkot mbon oro ẹnyenede odudu ke idem mme idụt mme Anamufọn.+ 26  Nte ededi mbufo inyeneke ndinam ntre.+ Edi yak enye emi okponde akan ke otu mbufo akabade etie nte andikpri n̄kan,+ enye emi onyụn̄ anamde n̄kpọ nte etubom akabade etie nte asan̄autom.+ 27  Koro anie owo edi andikpon n̄kan, ndi enye emi etiede ke okpokoro m̀mê enye emi asan̄ade utom? Nte idịghe enye emi etiede ke okpokoro? Edi ami ndu ke otu mbufo nte enye emi asan̄ade utom.+ 28  “Nte ededi, mbufo ẹdi mmọ emi ẹsọn̄ọde ẹda+ ye ami ke idomo mi;+ 29  mmonyụn̄ nnam ediomi ye mbufo, kpa nte Ete mi akanamde ediomi+ ye ami, kaban̄a obio ubọn̄,+ 30  man mbufo ẹkpedia+ ẹnyụn̄ ẹn̄wọn̄ n̄kpọ ke okpokoro mi ke obio ubọn̄ mi,+ ẹnyụn̄ ẹtie ke mme ebekpo+ ẹkpe ikpe ẹnọ esien Israel duopeba. 31  “Simon, Simon, sese! Satan+ emeben̄e oyom ndibọ mbufo man asak mbufo nte wheat.+ 32  Edi mmanam n̄kpeubọk+ mban̄a fi nte mbuọtidem fo okûmem; ndien afo n̄ko, ke ini editọn̄ọde ntak ọsọn̄ idem, sọn̄ọ+ nditọete fo idem.” 33  Ekem enye ọdọhọ enye ete: “Ọbọn̄, mmeben̄e idem nditiene fi ndụk ke n̄kpọkọbi ye n̄kpa.”+ 34  Edi enye ọdọhọ ete: “Peter, ndọhọ fi nte, Ekikọ idikpọkke mfịn emi tutu afo akan̄ utịm ikata ete imọ ifiọkke mi.”+ 35  Enye obụp mmọ n̄ko ete: “Ke ini n̄kosiode mbufo ndọn̄+ utom nte ẹkûkama ekpatokụk ye ekpri ekpat udia ye ikpaukot, nte n̄kpọ ama anana mbufo?” Mmọ ẹbọrọ ẹte: “Baba!” 36  Ndien enye ọdọhọ mmọ ete: “Edi ke emi yak owo eke enyenede ekpatokụk emen, onyụn̄ ada ekpri ekpat udia n̄ko; owo eke mînyụn̄ inyeneke akan̄kan̄, yak enye anyam ewụra esie edep. 37  Koro ndọhọ mbufo nte se ẹkewetde enyene ndisu mi ke idem, oro edi, ‘Ẹnyụn̄ ẹbat enye ẹsịn ke otu mme abiatibet.’+ Koro se ẹketịn̄de ẹban̄a mi enyene ndisu.”+ 38  Ndien mmọ ẹdọhọ ẹte: “Ọbọn̄, sese! akan̄kan̄ iba mi.” Enye ọdọhọ mmọ ete: “Oro ekem.” 39  Enye ọwọrọ aka Obot Olive nte ido esie edide; mme mbet ẹnyụn̄ ẹtiene enye.+ 40  Ke ini esịmde ebiet oro, enye ọdọhọ mmọ ete: “Ẹbọn̄ akam, mbak mbufo ẹdidụk idomo.”+ 41  Ndien enye esịk ọkpọn̄ mmọ ke n̄kpọ nte ubọk iyịrọ kiet, ọkọtọn̄ọ edọn̄ ọbọn̄ akam, 42  ete: “Ete, edieke afo enyịmede, men cup emi kpọn̄ mi. Edi, yak okûdi uduak mi,+ edi yak edi uduak fo ada itie.”+ 43  Ndien angel oto ke heaven ọbiọn̄ọde enye ke iso edisọn̄ọ enye idem.+ 44  Edi ke ini enye odude ke ọkpọsọn̄ ubiak, enye ọdọdiọn̄ esịn ifịk ọbọn̄ akam;+ ndien ibibiak esie akabade etie nte ntọi iyịp eke ẹtọide ke isọn̄.+ 45  Ndien enye adaha ke akam, etiene mme mbet onyụn̄ okokụt nte mmọ ẹdede ọnọ mfụhọ;+ 46  ndien enye obụp mmọ ete: “Ntak emi mbufo ẹdede? Ẹdaha ke enyọn̄ ẹbọn̄ akam, mbak mbufo ẹdidụk idomo.”+ 47  Ke adan̄aemi enye osụk etịn̄de ikọ, sese! otuowo, ndien owo emi ekerede Judas, kiet ke otu mbet duopeba, ada mmọ usụn̄;+ ndien enye asan̄a ekpere Jesus ete itịm enye inua.+ 48  Edi Jesus obụp enye ete: “Judas, nte afo ada ntịminua ada Eyen owo ọnọ?”+ 49  Ke ini mbon oro ẹdude ye enye ẹkụtde se iyomde nditịbe, mmọ ẹbụp ẹte: “Ọbọn̄, nte nnyịn isio akan̄kan̄ in̄wana?”+ 50  Owo kiet ke otu mmọ ama akam ekpi ofụn akwa oku, onyụn̄ esịbe enye utọn̄ nnasia.+ 51  Edi Jesus ọbọrọ ete: “Ẹyak etre adan̄aoro.” Ndien enye otụk utọn̄ oro onyụn̄ emen adian.+ 52  Jesus ndien ọdọhọ mbọn̄ oku ye mme etubom temple ye mbiowo emi ẹdide ndimụm enye ete: “Nte mbufo ẹkama akan̄kan̄ ye okpoyon̄ ẹwọn̄ọ ẹdi ndimụm mi nte n̄kpọ eke ẹbịnede owo n̄wo?+ 53  Ke adan̄aemi n̄kodude ye mbufo ke temple+ ke usen ke usen, mbufo ikanyanakede ubọk iyom ndinam mi n̄kpọ.+ Edi emi edi ini+ mbufo ye eke odudu+ ekịm.”+ 54  Edi mmọ ẹmụm enye ẹnyụn̄ ẹda+ enye ẹka ufọk akwa oku;+ edi Peter etiene nsannsan.+ 55  Ke ini mmọ ẹma ẹkebara ikan̄ ke ufọt esịt okụre ẹnyụn̄ ẹsụhọde ẹtie ọtọkiet, Peter etetie ke ufọt mmọ.+ 56  Edi ofụn an̄wan kiet okụt nte enye etiede ewebe ikan̄ ndien owụk enyịn ese enye ete: “Owo emi n̄ko okodu ye enye.”+ 57  Edi enye akan̄,+ ọdọhọ ete: “N̄wan owo, ndiọn̄ọke enye.”+ 58  Ndien ke ekpri ini ebede, owo en̄wen okụt enye onyụn̄ ọdọhọ ete: “Afo nde edi kiet ke otu mmọ.” Edi Peter ọdọhọ ete: “Da, ndịghe.”+ 59  Ndien ke n̄kpọ nte hour kiet ama ekebe, eren en̄wen ọsọn̄ọ eyịre ete: “Ke akpanikọ, owo emi nde okodu ye enye; koro, ke nditịm ntịn̄, enye edi eyen Galilee!”+ 60  Edi Peter ọbọrọ ete: “Da, mfiọkke se afo etịn̄de.” Ndien kpa idaha oro, ke adan̄aemi enye osụk etịn̄de ntem, ekikọ ọkpọk.+ 61  Ndien Ọbọn̄ ọwọn̄ọde ese Peter, Peter onyụn̄ eti ikọ Ọbọn̄ ke ini enye ọkọdọhọde ete: “Mbemiso ekikọ ọkpọk mfịn emi, afo ayakan̄ mi utịm ikata.”+ 62  Ndien enye ọwọrọ an̄wa akatua etieti.+ 63  Ekem mme owo emi ẹkpemede enye ẹtọn̄ọ ndisak enye nsahi+ nnyụn̄ nyịbi+ enye;+ 64  mmọ ẹnyụn̄ ẹda n̄kpọ ẹbọp enye enyịn ẹbụp enye ẹte: “Sian nnyịn ise. Anie eyịbi fi?”+ 65  Ndien mmọ ẹka iso ẹtịn̄ ediwak ikọ isụn̄i+ efen ẹdian enye. 66  Edikem ke eyo esierede, otu mbiowo obio, mbọn̄ oku ye mme scribe, ẹsop idem ọtọkiet,+ mmọ ẹnyụn̄ ẹdụri enye ẹdụk ufọkesop Sanhedrin mmọ, ẹte:+ 67  “Edieke afo edide Christ,+ sian nnyịn.” Edi enye ọdọhọ mmọ ete: “N̄kpetetịn̄ nnọ mbufo, mbufo idinịmke ke akpanikọ.+ 68  Akan oro, edieke mbụpde mbufo mbụme, mbufo idibọrọke.+ 69  Edi, ọtọn̄ọde ke emi, Eyen owo+ editie ke okopodudu ubọk nnasia+ Abasi.”+ 70  Ndien mmọ kpukpru ẹbụp ẹte: “Nte afo, ke ntre, edi Eyen Abasi?” Enye ọbọrọ mmọ ete: “Mbufo ke idem mbufo ẹmetịn̄ ẹte+ ami ndi enye.” 71  Mmọ ẹte: “Ntak emi nnyịn iyomde ntiense efen?+ Koro nnyịn ke idem nnyịn imokop ke inua esiemmọ.”+

Mme Ikọ Idakisọn̄

Se ik. id. Lu 5:21.