Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Luke 16;1-31

16  Ndien enye ọdọhọ mme mbet n̄ko ete: “Owo kiet ekenyene inyene onyụn̄ enyene akama-ukpọhọde,+ ekem ẹdisian enye ẹte owo emi ke atahade inyene esie.+  Ntre enye okot owo oro onyụn̄ obụp enye ete, ‘Nso ke n̄kop emi mban̄a fi? Nam ibat+ ban̄a itieutom fo nte akama-ukpọhọde, koro mûdukaha iso aba ndikama ufọk.’  Ndien akama-ukpọhọde oro ọdọhọ ke esịt esie ete, ‘Nso ke ndinam, koro eteufọk+ mi ọmọn̄ edibọ mi itie akama-ukpọhọde? Nnyeneke odudu nditịbi isọn̄, ndiben̄e eben̄e edi mi n̄kpọ bụt.  Aha! Mmọfiọk se ndinamde, man, ke ini ẹdibọde mi itie akama-ukpọhọde, mme owo ẹkpeda mi ẹsịn ke ufọk mmọ.’+  Ndien enye okot owo kiet kiet emi ẹkamade eteufọk esie isọn onyụn̄ obụp akpa owo ete, ‘Akama eteufọk mi ifan̄?’  Enye ọbọrọ ete, ‘Aban̄ aran olive ikie.’ Enye ọdọhọ owo oro ete, ‘Fiak bọ n̄wed ediomi fo, sụhọde tetie, sọsọp wet aba ye duop.’  N̄ko, enye obụp owo en̄wen ete, ‘Afo nde, akama ifan̄?’ Enye ọbọrọ ete, ‘Cor wheat ikie.’ Enye ọdọhọ owo oro ete, ‘Fiak bọ n̄wed ediomi fo nyụn̄ wet anan̄.’  Ndien eteufọk otoro akama-ukpọhọde emi, okposụkedi anamde ukwan̄ido, koro enye adade ata ọniọn̄+ anam n̄kpọ; koro nditọ editịm n̄kpọ emi ẹnyenede ata ọniọn̄ ke edinam mmọ ye mbon emana mmọ ẹkan nditọ un̄wana.+  “N̄ko, ndọhọ mbufo nte, Ẹda inyene ukwan̄ido+ ẹkọ mme ufan ẹnịm ẹnọ idem mbufo,+ man, ke ini emi mîdụhe aba, mmọ ẹkpeda mbufo ẹdụk ke nsinsi ebietidụn̄.+ 10  Owo eke anamde akpanikọ ke ata ekpri n̄kpọ anam akpanikọ n̄ko ke akamba n̄kpọ, owo eke onyụn̄ akwan̄ade ke ata ekpri n̄kpọ akwan̄a n̄ko ke akamba n̄kpọ.+ 11  Ke ntre, edieke mbufo mînamke akpanikọ ke inyene ukwan̄ido, anie ediyak ata inyene esịn mbufo ke ubọk?+ 12  N̄ko edieke mbufo mînamke akpanikọ ye se idide eke owo en̄wen,+ anie edinọ mbufo se idide eke mbufo? 13  Baba eyenufọk kiet ikemeke ndidi ofụn nnọ eteufọk iba; koro, enye ayasua kiet onyụn̄ ama eken, mîdịghe enye ayadiana ye kiet onyụn̄ esịn enye eken ke ndek. Mbufo ikemeke ndidi ifịn nnọ Abasi ye Inyene.”+ 14  Edi mme Pharisee, emi ẹkedide mme ama okụk, ẹkpan̄ utọn̄ ẹkop kpukpru ikọ emi, ẹnyụn̄ ẹsak enye nsahi.+ 15  Mmọdo enye ọdọhọ mmọ ete: “Mbufo ẹdi mmọ eke ẹbatde idem ke edinen ke iso owo,+ edi Abasi ọfiọk esịt mbufo;+ koro se idide akwa n̄kpọ ke enyịn owo edi mbubiam n̄kpọ ke enyịn Abasi.+ 16  “Ibet ye mme Prọfet ẹkedu tutu esịm ini John.+ Ọtọn̄ọde ke ini oro ẹmetan̄a obio ubọn̄ Abasi nte eti mbụk, ndien kpukpru orụk owo ke ẹnyanarede ẹbịne ndidụk ke esịt.+ 17  Ke akpanikọ, edi mmemmem n̄kpọ enyọn̄ ye isọn̄ ndibe mfep+ akan ubak+ abisi kiet ke Ibet nditre ndisu.+ 18  “Owo ekededi eke osiode n̄wan esie ndọ onyụn̄ ọdọde efen esịn efịbe, ndien owo eke ọdọde n̄wan emi ebe osiode ndọ esịn efịbe.+ 19  “Edi owo+ inyene kiet okodu, emi esisịnede ọfọn̄ uduot mmọn̄ibọn̄ ye ọfọn̄ linen, onyụn̄ ada ediwak nsọn̄urua n̄kpọ okop inem uwem ke usen ke usen.+ 20  Edi ẹsimen eben̄e eben̄e kiet emi ekerede Lazarus, emi inia ẹyọhọde enye idem, ẹkenịm ke inuaotop esie 21  enye esinyụn̄ oyom ndidia mme n̄kpọ emi ẹdon̄orede ke okpokoro owo inyene emi ẹduọn̄ọ. N̄ko, mme ebua ẹsidi ẹdidei inia esie. 22  Edikem eben̄e eben̄e oro akpa,+ ndien mme angel ẹmen enye ẹkenịm ke ikpanesịt+ Abraham.+ “N̄ko, owo inyene oro akpa,+ ndien ẹbụk enye. 23  Ndien enye odu ke ndutụhọ+ ke Udi* onyụn̄ emenede enyịn okụt Abraham anyan ebiet ye Lazarus nte odude ke ikpanesịt esie. 24  Ntre enye ofiori ete, ‘Ete Abraham,+ tua mi mbọm nyụn̄ dọn̄ Lazarus ekedebi iso nnuenubọk esie ke mmọn̄ edibịt mi edeme,+ koro ndude ke ọkpọsọn̄ ubiak ke ufiop ikan̄ emi.’+ 25  Edi Abraham ọdọhọ ete, ‘Eyen, ti ete afo ama ọbọ nti n̄kpọ fo ọyọhọ ọyọhọ ke eyouwem fo, edi Lazarus ọkọbọ ndiọi. Edi, ke emi, enye ke okop ndọn̄esịt mi edi afo ke odu ke ọkpọsọn̄ ubiak.+ 26  Ndien akan oro, akamba ukpe+ odu ke ufọt nnyịn ye mbufo,+ man mmọ eke ẹyomde ndito mi ntiene mbufo ẹkûkeme, owo okûnyụn̄ ekeme ndito do ndi mi.’+ 27  Edi, enye ọdọhọ ete, ‘Ke ntre mmeben̄e fi, ete, nte ọdọn̄ enye aka ufọk ete mi, 28  koro mmenyene nditọete iren ition, man enye ọkọnọ mmọ ọyọhọ ikọ ntiense, mbak mmọ n̄ko ẹdidụk ebiet ndutụhọ emi.’ 29  Edi Abraham ọdọhọ ete, ‘Mmọ ẹnyene Moses+ ye mme Prọfet;+ yak mmọ ẹkpan̄ utọn̄ ẹnọ mmọ emi.’+ 30  Edi enye ọdọhọ ete, ‘Baba, ete Abraham, edieke owo otode ke otu mme akpan̄kpa etiene mmọ, mmọ ẹyekabade esịt.’ 31  Edi enye ọdọhọ ete, ‘Edieke mmọ mîkpan̄ke utọn̄ inọ Moses+ ye mme Prọfet, mmọ idinịmke ke akpanikọ owo okpototo ke otu mme akpan̄kpa eset.’”

Mme Ikọ Idakisọn̄

Gr., “Hades.”