Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Luke 15;1-32

15  Edi kpukpru mme ọbọ a-tax+ ye mme anamidiọk+ ẹdọdiọn̄ ẹsan̄a ẹkpere enye ndikop ikọ esie.  Mmọdo mme Pharisee ye mme scribe* ẹkụni, ẹte: “Owo emi adadara mme anamidiọk onyụn̄ adia n̄kpọ ye mmọ.”+  Edi enye ọnọ mmọ uwụtn̄kpọ emi, ete:  “Anie ke otu mbufo emi enyenede erọn̄ ikie, ndien kiet ke otu mmọ osop, mîdikpọn̄ke anan̄ ye efịtenan̄ ke wilderness ika ikoyom kiet emi osopde tutu okụt enye?+  Ndien ama okụt enye, emen odori ke afara esie onyụn̄ adara.+  Ndien ke ini esịmde ufọk, enye okot mme ufan esie ye mbọhọidụn̄ esie ẹdi, ọdọhọ mmọ ete, ‘Ẹtiene mi ẹdara koro mmokụt erọn̄ mi emi okosopde.’+  Ndọhọ mbufo nte, ntem ke idatesịt edidu ke heaven aban̄a anamidiọk kiet emi akabarede esịt+ akan ndinen owo anan̄ ye efịtenan̄ emi mînyeneke se ẹkabarede esịt ẹban̄a.+  “Mîdịghe, ewe n̄wan eke enyenede okụk drachma duop, ndien okụk drachma kiet ọbọhọ enye osop, mîdidomoke utuenikan̄ ikpọri ufọk inyụn̄ itịm iyom tutu okụt enye?  Ndien ama okụt, enye okot iban emi ẹdide mme ufan ye mbọhọidụn̄ esie obon ọtọkiet onyụn̄ ọdọhọ ete, ‘Ẹtiene mi ẹdara koro mmokụt okụk drachma emi ọkọbọhọde mi osop.’ 10  Ntem, ndọhọ mbufo nte, idatesịt odu ke otu mme angel Abasi aban̄a anamidiọk kiet emi akabarede esịt.”+ 11  Ekem enye ọdọhọ ete: “Owo kiet ekenyene nditọiren iba.+ 12  Ndien udọ ọdọhọ ete esie ete, ‘Ete, nọ mi udeme inyene mi.’+ Ntem ke enye edeme inyene+ esie ọnọ mmọ. 13  Edikem, usen ifan̄ ke oro ebede, udọ atan̄ kpukpru inyene esie adaha aka anyan idụt, ndien do ke enye atahade inyene esie ke ndidu etịme etịme uwem.+ 14  Ke ini enye ama akatahade kpukpru ama, ọkpọsọn̄ akan̄ etịbe ke ofụri idụt oro, enye onyụn̄ ọtọn̄ọ ndidu ke unana. 15  Enye akam aka akadian idem ye kiet ke otu nditọ idụt oro, enye oro onyụn̄ ọdọn̄ enye aka in̄wan̄ esie ọkọbọk mme edi.+ 16  Enye esinyụn̄ oyom ndidia mfri eto carob emi mme edi ẹdiade, baba owo kiet inyụn̄ inọhọ enye n̄kpọ.+ 17  “Ke ini enyịn edide edin̄wan̄a enye, enye ọdọhọ ete, ‘Se adan̄a ediwak mbonutom ete mi emi ẹnyenede udia barasuene, edi ami mi mmọn̄ ndikpa biọn̄! 18  Nyadaha mbịne+ ete mi n̄kọdọhọ enye nte: “Ete, mmanam idiọkn̄kpọ ndian heaven nnyụn̄ nnam ndian fi.+ 19  Ndotke aba ndikere eyen fo. Da mi nte kiet ke otu mbonutom fo.”’ 20  Ntre enye adaha ke enyọn̄ etiene ete esie. Ke adan̄aemi enye odude kan̄a anyan usụn̄, ete esie ada okụt enye, mbọm onyụn̄ anam enye, ndien enye efehe akawan̄a enye ke itọn̄ onyụn̄ etịm enye inua ima ima. 21  Edi eyen ọdọhọ enye ete, ‘Ete, mmanam idiọkn̄kpọ ndian heaven nnyụn̄ nnam ndian fi.+ Ndotke aba ndikere eyen fo. Da mi nte kiet ke otu mbonutom.’+ 22  Edi ete ọdọhọ ifịn esie ete, ‘Ẹwara! ẹda ewụra eke ọfọnde akan ẹdisịne+ enye, ẹnyụn̄ ẹsịne enye n̄kpanuen ke ubọk ye ikpaukot ke ukot.+ 23  Ẹnyụn̄ ẹda eyenenan̄ eke enyenede isek+ ẹdiwot, ẹyak nnyịn idia inyụn̄ idara, 24  koro eyen mi emi ama akpa onyụn̄ ọtọn̄ọ ntak odu uwem;+ enye ama osop ndien imokụt enye.’ Ndien mmọ ẹtọn̄ọ ndidara. 25  “Edi akpan+ esie okodu ke in̄wan̄; ndien nte enye asan̄ade ekpere ufọk, enye okop mbre ikwọ ye unek. 26  Ntre enye okot kiet ke otu mme asan̄autom obụp se mme n̄kpọ emi ẹwọrọde. 27  Enye oro ọbọrọ enye ete, ‘Eyenuka+ ọmọnyọn̄ edi, ndien ete+ fo owot eyenenan̄ eke enyenede isek, koro okụtde enye ye nsọn̄idem.’ 28  Edi enye ayat esịt inyụn̄ inyịmeke ndidụk ufọk. Ekem ete esie ọwọrọ edi edikpe enye ubọk.+ 29  Enye ọbọrọ ete esie ete, ‘Sese mmodụk ufụn nnọ fi adan̄a ediwak isua emi, akanam nnyụn̄ mbiatke ewụhọ fo, edi akananam afo unọhọ mi ndomo eyen ebot kiet ete nda ndara ye mme ufan mi.+ 30  Edi ndondo oro eyen fo+ emi akataharede inyene fo ye mme akpara+ ọnyọn̄de edi, afo owot eyenenan̄ eke enyenede isek ọnọ enye.’+ 31  Edi ete esie ọdọhọ enye ete, ‘Eyen, afo odu ye ami kpukpru ini, kpukpru se idide okịm ẹdi okwo;+ 32  edi nnyịn inyene ndidara nnyụn̄ nnem esịt, koro eyenuka emi ama akpa ekem edidu uwem, enye ama osop ndien imokụt enye.’”+

Mme Ikọ Idakisọn̄

Se ik. id. Lu 5:21.