Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Luke 10;1-42

10  Ke mme n̄kpọ emi ẹma ẹkebe, Ọbọn̄ emek owo ata ye duop+ en̄wen onyụn̄ osio mmọ ọdọn̄ ẹsan̄a iba iba+ ẹbem enye iso ẹka ẹkedụk kpukpru obio ye ebiet eke enye ke idemesie oyomde ndika.  Ekem enye ọdọhọ mmọ ete: “Ke akpanikọ, idọk+ okpon, edi mme anamutom+ iwakke. Mmọdo, ẹben̄e+ Enyene-idọk ẹte enye osio mme anamutom+ ọnọ ẹdi ke idọk esie.  Ẹka. Sese! Mmosio mbufo ndọn̄ nte nditọerọn̄+ ke ufọt mme wolf.  Ẹkûkama ekpatokụk, m̀mê ekpri ekpat udia,+ m̀mê ikpaukot, ẹkûnyụn̄ ẹtuak ẹda ẹkọm+ owo ke usụn̄.  Ufọk ekededi eke mbufo ẹdụkde, ẹbem iso ẹdọhọ ẹte, ‘Emem akpakam odu ke ufọk emi.’+  Ndien edieke eyen emem odude do, emem mbufo oyodoro enye ke idem.+ Edi edieke eyen emem mîdụhe, emem mbufo ayafiak etiene mbufo.+  Ntre ẹtie ke ufọk oro,+ ẹdia ẹnyụn̄ ẹn̄wọn̄ n̄kpọ emi mmọ ẹnọde,+ koro anamutom odot n̄kpọ eyenutom.+ Ẹkûkpụhọ itie emi mbufo ẹdan̄de ke esịt ẹsan̄a ke ufọk ke ufọk.+  “N̄ko, ebiet ekededi eke mbufo ẹdụkde ke obio ndien mmọ ẹdara mbufo, ẹdia n̄kpọ eke ẹnịmde mbufo ke iso,  ẹnyụn̄ ẹkọk+ mbon udọn̄ọ emi ẹdude do, ẹnyụn̄ ẹdọhọ mmọ ẹte, ‘Obio ubọn̄+ Abasi amasan̄a ekpere mbufo.’ 10  Edi ebiet ekededi eke mbufo ẹdụkde ke obio ndien mmọ idarake+ mbufo, ẹwọrọ ẹka ikpọ efak esie ẹnyụn̄ ẹdọhọ ẹte, 11  ‘Kpa ntan obio mbufo, eke adianade nnyịn ke ikpat, ke nnyịn iken̄ ibon inọ mbufo.+ Edi, ẹfiọk emi ẹte, obio ubọn̄ Abasi amasan̄a ekpere.’ 12  Ndọhọ mbufo nte n̄kpọ ọyọfọn ye Sodom+ ke usen oro akan ye obio oro. 13  “Mbọm fo, Chorazin!+ Mbọm fo, Bethsaida!+ koro edieke ẹkpekenamde ke Tyre ye Sidon mme utom odudu emi ẹkenamde ke esịt mbufo, mmọ ẹkpekekabade esịt anyan ini ko ẹsịne ọfọn̄ ntuan̄a ẹtie ke ntọn̄.+ 14  Mmọdo n̄kpọ ọyọfọn ye Tyre ye Sidon ke ini ikpe akan ye mbufo.+ 15  Ndien afo, Capernaum, nte afo eyemenede idem okon̄ esịm ikpaenyọn̄?+ Ẹyesụhọde fi ẹsịm Udi!*+ 16  “Owo eke akpan̄de utọn̄+ ọnọ mbufo, akpan̄ ọnọ mi n̄ko. Owo eke onyụn̄ esịnde mbufo esịn mi n̄ko. Akan oro, owo eke esịnde mi esịn+ n̄ko enye emi okosiode mi ọdọn̄.” 17  Ekem mbet ata ye duop oro ẹnyọn̄ọ ẹdi ye idatesịt, ẹdidọhọ ẹte: “Ọbọn̄, kpa mme demon ẹsụk ibuot+ ẹnọ nnyịn ke enyịn̄ fo.” 18  Ndien enye ọdọhọ mmọ ete: “Mma n̄kụt Satan otode ke heaven ọduọ+ nte emịnen̄mịnen̄. 19  Sese! Mmọnọ mbufo odudu ndidịghi urụkikọt+ ye ikpeyen+ ke ikpat, nnyụn̄ n̄kara ofụri odudu asua,+ ndien baba n̄kpọ kiet idinamke mbufo idiọk. 20  Edi, ẹkûdara ẹban̄a emi, ẹte mme spirit ẹsụk ibuot ẹnọ mbufo, edi ẹdara koro ẹma ẹwet enyịn̄+ mbufo ke heaven.” 21  Kpa ke ini oro enye okop idatesịt etieti+ ke edisana spirit onyụn̄ ọdọhọ ete: “Mmotoro fi an̄wan̄wa, Ete, Ọbọn̄ enyọn̄ ye isọn̄, koro afo etịmde edịp mbon ọniọn̄+ ye mbon ikike mme n̄kpọ emi, onyụn̄ ayararede mmọ ọnọ nseknditọ. Ih, O Ete, koro afo enyịmede ete edi ntem. 22  Ete mi amayak kpukpru n̄kpọ esịn mi ke ubọk,+ ndien baba owo kiet ifiọkke enye emi Eyen edide ke mîbọhọke Ete;+ baba owo kiet inyụn̄ ifiọkke enye emi Ete edide ke mîbọhọke Eyen,+ ye enye emi Eyen enyịmede ndiyarade enye nnọ.” 23  Ekem enye ọwọn̄ọde ese mme mbet, sụk mmọ ikpọn̄, onyụn̄ ọdọhọ ete: “Mbon emi enyịn mmọ okụtde mme n̄kpọ eke mbufo ẹkụtde ẹkop inemesịt.+ 24  Koro ndọhọ mbufo nte, Ama ọdọn̄ ediwak mme prọfet ye ndidem ndikụt+ mme n̄kpọ emi mbufo ẹkụtde mi edi mmọ ikekwe, ndinyụn̄ n̄kop mme n̄kpọ emi mbufo ẹkopde mi edi mmọ ikokopke.” 25  Ndien, sese! owo kiet emi ọfiọkde Ibet+ adaha ke enyọn̄, ete idomo enye ise, onyụn̄ obụp ete: “Andikpep, ndinam nso man nnyene nsinsi uwem?”+ 26  Enye ọbọrọ enye ete: “Ẹwet nso ke Ibet?+ Afo okot didie?” 27  Enye ọbọrọ ete: “‘Afo enyene ndima Jehovah Abasi fo ke ofụri esịt fo ye ke ofụri ukpọn̄ fo ye ke ofụri ukeme fo ye ke ofụri ekikere fo,’+ onyụn̄ ‘ama mbọhọidụn̄ fo nte idemfo.’”+ 28  Enye ọdọhọ owo emi ete: “Afo ọmọbọrọ nte enende; ‘ka iso nam emi ndien afo eyenyene uwem.’”+ 29  Edi, sia oyomde ndiwụt ete imọ imenen, owo emi obụp Jesus ete: “Anie edi mbọhọidụn̄ mi nan̄a?”+ 30  Jesus ọbọrọ ete: “Owo kiet okoto Jerusalem osụhọde aka Jericho ndien ọkọduọ ke ubọk mbon n̄wo, emi ẹkesion̄ode enye ọfọn̄ ke idem ẹnyụn̄ ẹmiade enye, ndien ẹdaha ẹkpọn̄ enye, enye onyụn̄ ekpere ndikpa. 31  Edi, ke ukem ini oro, oku kiet osụhọde edi ke usụn̄ oro, ndien, ke ini okụtde enye, asan̄a ebe ke n̄kan̄ eken.+ 32  Kpasụk ntre, eyen Levi kiet osụhọde esịm ebiet oro, okụt enye, onyụn̄ asan̄a ebe ke n̄kan̄ eken.+ 33  Edi owo Samaria+ kiet emi asan̄ade ke usụn̄ oro edisịm ebiet emi enye odude, okụt enye, mbọm onyụn̄ anam enye. 34  Ntre enye asan̄a ekpere, ọtọhọ aran ye wine ke unan esie, onyụn̄ ọbọp mmọ.+ Ndien emen enye odori ke enan̄ esiemmọ onyụn̄ ada enye aka ufọkisen onyụn̄ ese aban̄a enye. 35  Ndien ke ndan̄nsiere enye osio denarius iba ọnọ enyene ufọkisen, onyụn̄ ọdọhọ ete, ‘Se enye enyịn, ndien se ededi emi edibiatde akan oro, nyosio nnọ fi mma mfiak ndi mi.’ 36  Anie ke otu owo ita oro ke afo ekere ke edi mbọhọidụn̄+ owo emi ọkọduọde ke ubọk mbon n̄wo?” 37  Enye ọbọrọ ete: “Owo emi akatuade enye mbọm.”+ Jesus ndien ọdọhọ enye ete: “Afo ka kanam+ kpasụk ntre.” 38  Edikem nte mmọ ẹsan̄ade ẹka, enye odụk obio-in̄wan̄ kiet. Ndien n̄wan kiet emi ekerede Martha+ ada enye nte esenowo odụk ufọk. 39  N̄wan emi n̄ko enyene eyeneka an̄wan emi ekerede Mary, ndien enye etie ke isọn̄ ke ukot+ Ọbọn̄ akpan̄ utọn̄ okop ikọ esie. 40  Edi, ediwak utom eke Martha an̄wanade ndinam ẹwọn̄ọde enye ntịn̄enyịn.+ Ntre, enye edi edidọhọ ete: “Ọbọn̄, nte afo ukereke emi eyeneka mi ọkpọn̄de utom ọnọ mi ikpọn̄?+ Dọhọ enye edi edin̄wam mi nan̄a.” 41  Ọbọn̄ ọbọrọ enye ete: “Martha, Martha, afo amayak ediwak n̄kpọ ẹtịmede fi esịt ye ekikere.+ 42  Ibat ibat n̄kpọ,+ m̀mê n̄kpọ kiet kpọt, ke ẹyom. Amaedi Mary, enye emek eti udeme+ eke owo mîdibọhọ enye.”

Mme Ikọ Idakisọn̄

Gr., “Hades.” Se N̄w. Ik. 5.