Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Leviticus 9;1-24

9  Edikem ke ọyọhọ usen itiaita+ Moses okot Aaron ye nditọiren esie ye mbiowo Israel ẹdi.  Ndien enye ọdọhọ Aaron ete: “Da eyen enan̄ ke uwa idiọkn̄kpọ+ ye okukịm erọn̄ ke edifọp uwa,+ mmọ emi ẹyede idem, nyụn̄ da mmọ di ke iso Jehovah.+  Edi dọhọ nditọ Israel ete, ‘Mbufo ẹda okpo ebot+ kiet ke uwa idiọkn̄kpọ ye eyen enan̄ ye abak okukịm erọn̄+ isua kiet emi ẹyede idem ke edifọp uwa,  ye ayara enan̄ ye okukịm erọn̄ ke uwa ebuana+ ndiwa mmọ ke iso Jehovah, ye uwa n̄kpasịp+ emi ẹbuakde aran, koro mfịn emi ke Jehovah ediwụt mbufo idem.’”+  Ndien mmọ ẹda se Moses okowụkde mmọ ẹdi ke iso tent usopidem. Ekem ofụri esop ẹsan̄a ẹkpere ẹnyụn̄ ẹdida ke iso Jehovah.+  Ndien Moses ọdọhọ ete: “Ntem ke Jehovah owụk mbufo ete ẹnam, man Jehovah okpowụt mbufo ubọn̄ esie.”+  Ekem Moses ọdọhọ Aaron ete: “San̄a kpere itieuwa nyụn̄ kawa uwa idiọkn̄kpọ+ ye edifọp uwa fo, nyụn̄ sio isop+ ibuot fo ye eke ufọk fo; ndien wa uwa mbio obio+ nyụn̄ sio isop+ ibuot mmọ, kpa nte Jehovah okowụkde.”  Kpa idahaoro Aaron asan̄a ekpere itieuwa onyụn̄ owot eyen enan̄ uwa idiọkn̄kpọ esiemmọ.+  Ekem nditọiren Aaron ẹmen iyịp+ ẹnọ enye ndien enye edebi nnuenubọk esie ke iyịp+ oro onyụn̄ eyet ke mme nnụk itieuwa,+ enye onyụn̄ ọduọk iyịp oro osụhọde ke ukot itieuwa. 10  Ndien enye emen ikpọn̄+ ye ekpụt ye ikpọn̄ oro ofụkde esịt emi ẹdade ẹto uwa idiọkn̄kpọ ọfọp ke ikan̄ ke itieuwa,+ kpa nte Jehovah okowụkde Moses. 11  Enye onyụn̄ ọfọp obụk ye ikpa ke ikan̄ ke edem itienna.+ 12  Ekem enye owot unam edifọp uwa ndien nditọiren Aaron ẹmen iyịp ẹnọ enye, enye onyụn̄ esịme iyịp oro akanade itieuwa.+ 13  Ndien mmọ ẹmen edifọp uwa ke mbak ke mbak ọkọrọ ye ibuot ẹnọ enye, ndien enye ọfọp mmọ ke itieuwa.+ 14  N̄ko, enye eyet nsia ye ukot onyụn̄ odori mmọ ke enyọn̄ edifọp uwa ọfọp ke itieuwa.+ 15  Ndien enye emen uwa mbio obio+ edinọ onyụn̄ emen ebot uwa idiọkn̄kpọ mbio obio owot onyụn̄ awa kaban̄a idiọkn̄kpọ, kpa nte enye akanamde ke akpa. 16  Ekem enye ada edifọp uwa edinọ onyụn̄ awa enye nte ẹkam ẹsiwade.+ 17  Ekem enye ada uwa n̄kpasịp+ edinọ onyụn̄ owobi ndusụk ọyọhọ ubọk esie onyụn̄ ọfọp ke itieuwa, adian ye edifọp uwa usenubọk.+ 18  Ekem enye owot ayara enan̄ ye okukịm erọn̄ uwa ebuana+ emi ẹnyenede mbio obio. Ndien nditọiren Aaron ẹmen iyịp ẹnọ enye ndien enye esịme iyịp oro akanade itieuwa.+ 19  Amaedi mbak ayara enan̄ oro ẹnyenede isek+ ye ikpọn̄ ikpọn̄ isịm+ okukịm erọn̄ ye ikpọn̄ emi ofụhọde ke nsia ye mme ekpụt ye ikpọn̄ emi ofụkde esịt, 20  mmọ ẹdori mbak oro ẹnyenede isek ke ikọn̄esịt,+ ekem enye ọfọp mbak oro ẹnyenede isek ke itieuwa. 21  Edi Aaron ofụn̄ ikọn̄esịt ye ukot nnasia aka iso afiak edem nte edifụn̄ uwa+ ke iso Jehovah, kpa nte Moses okowụkde. 22  Ekem Aaron emenede ubọk ọdiọn̄ mme owo+ onyụn̄ osụhọde edi+ ke ama akawa uwa idiọkn̄kpọ ye edifọp uwa ye uwa ebuana. 23  Ke akpatre Moses ye Aaron ẹdụk tent usopidem, ekem ẹwọn̄ọ ẹdi ẹdidiọn̄ mbio obio.+ Ndien Jehovah owụt kpukpru owo ubọn̄ esie,+ 24  ndien ikan̄ oto iso Jehovah+ edita edifọp uwa ye mbak oro ẹnyenede isek emi ẹdorode ke itieuwa. Ke ini kpukpru owo ẹkụtde n̄kpọ emi, mmọ ẹsio n̄kpo+ ẹnyụn̄ ẹduọ ẹkịbi iso mmọ ke isọn̄.

Mme Ikọ Idakisọn̄