Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Leviticus 6;1-30

6  Ndien Jehovah ọdọhọ Moses ete:  “Edieke ukpọn̄ anamde idiọkn̄kpọ ke emi enye mînamke akpanikọ inọ Jehovah+ onyụn̄ abian̄ade+ ufan esie ke n̄kpọ oro ẹnọde enye akama m̀mê ke n̄kpọ ubiọn̄ oro ẹyakde ẹsịn enye ke ubọk+ m̀mê ke n̄kpọ oro enye owode m̀mê otụkde ufan esie,+  mîdịghe enye okụt n̄kpọ eke osopde+ ndien akan̄ ete imọ ikwe onyụn̄ ọn̄wọn̄ọ un̄wọn̄ọ ke nsu+ ke n̄kpọ ekededi ke otu kpukpru n̄kpọ eke enye anamde onyụn̄ eduede ke esịt;  ama ekem edieke enye anamde idiọkn̄kpọ onyụn̄ enyenede ubiomikpe,+ enye enyene ndifiak nnọ n̄kpọ oro enye ọkọbọde ke n̄wo m̀mê n̄kpọ n̄kanubọk oro enye ọkọbọde ke utụk m̀mê n̄kpọ oro ẹkenọde enye akama m̀mê n̄kpọ oro okosopde, emi enye okokụtde,  m̀mê n̄kpọ ekededi eke enye ọkọn̄wọn̄ọde un̄wọn̄ọ ke nsu aban̄a, ndien enye enyene ndinọ usiene,+ nnyụn̄ ndian mbahade kiet ke itie ition. Enye ọyọnọ andinyene n̄kpọ emi ke usen emi ẹbiomde enye ikpe.  Ndien enye ayada okukịm erọn̄+ eke eyede idem ke otu erọn̄ ọsọk oku ete ọnọ Jehovah nte uwa ubiomikpe esie, kpa nte ekemde ye ekọmurua oro ẹkenịmde ẹte ẹnọ ke uwa ubiomikpe.+  Ndien oku oyosio isop+ ọnọ enye ke iso Jehovah, ndien ẹyefen enye ke n̄kpọ ekededi ke otu kpukpru mme n̄kpọ emi enye akanamde oro ikpe obiomde enye.”  Ndien Jehovah ọdọhọ Moses ete:  “Wụk Aaron ye nditọiren esie ete, ‘Emi edi ibet edifọp uwa:+ Edifọp uwa enyene ndidu ke enyọn̄ otụn̄ikan̄ itieuwa ke ofụri okoneyo tutu eyo esiere, ikan̄ itieuwa oro onyụn̄ enyene ndisak. 10  Ndien oku enyene ndisịne ọfọn̄utom esie emi ẹdade linen ẹnam,+ onyụn̄ esịne ibio ọfọn̄ukot linen+ ke idak. Ndien enye enyene ndision̄o ntọn̄ ikpọn̄ edifọp uwa+ emi ikan̄ esitade kpukpru ini ke itieuwa, enye onyụn̄ enyene ndibon enye ke n̄kan̄ itieuwa. 11  Enye enyene ndision̄o ọfọn̄+ esie nnyụn̄ mmen ọfọn̄ efen nsịne, ndien emen ntọn̄ ikpọn̄ uwa aka ebiet emi asanade ke edem itienna.+ 12  Ndien ẹnyene ndinam ikan̄ aka iso asak ke itieuwa. Enye inyeneke ndinịme. Ndien oku enyene ndidọn̄ ifia+ kpukpru usenubọk nnyụn̄ ntịm edifọp uwa ndori, nnyụn̄ mfọp ikpọn̄ uwa ebuana do.+ 13  Ẹnyene ndinam ikan̄+ aka iso asak ke itieuwa. Enye inyeneke ndinịme. 14  “‘Emi edi ibet uwa n̄kpasịp:+ Mbufo nditọiren Aaron, ẹda enye ẹdi ke iso Jehovah ke iso itieuwa. 15  Ndien kiet ke otu mmọ oyowobi ndusụk eti ndomuyo uwa n̄kpasịp ke ekaubọk esie adian ye ndusụk aran ye kpukpru frankincense emi ẹdude ke enyọn̄ uwa n̄kpasịp, ndien yak enye ọfọp enye ke itieuwa nte n̄kpọ editi+ man osio edinem utebe ọnọ Jehovah. 16  Ndien Aaron ye nditọiren esie ẹyeta se isụhọde.+ Ẹdita enye nte uyo eke leaven mîdụhe+ ke edisana ebiet. Mmọ ẹdita enye ke okụre tent usopidem. 17  Owo inyeneke ndisịn n̄kpọ eke leaven+ odude ke esịt nsan̄. Mmada enye nnọ mmọ nte udeme mmọ ke uwa mi emi ẹfọpde ke ikan̄.+ Enye edi ata edisana n̄kpọ,+ ukem nte uwa idiọkn̄kpọ ye uwa ubiomikpe. 18  Kpukpru irenowo+ ke otu nditọ Aaron ẹdita enye. Enye edi udeme mmọ ke nsinsi+ ke ofụri emana mbufo, ke mme uwa eke ẹfọpde ke ikan̄ ẹnọ Jehovah. Kpukpru n̄kpọ eke ẹtụkde mmọ ẹyedi edisana.’” 19  Ndien Jehovah ọdọhọ Moses ete: 20  “Emi edi uwa+ oro Aaron ye nditọiren esie ẹdidade ẹsọk Jehovah ke usen emi ẹyetde enye aran:+ eti ndomuyo emi ẹdomode ephah+ kiet ẹda mbahade kiet ke itie duop kpukpru ini nte uwa n̄kpasịp,+ ubak ke usenubọk, ubak ke mbubreyo. 21  Ẹyebuak aran ẹsan̄ enye ke akpan̄kpan̄.+ Tịm buak enye da di. Afo edinọ uwa n̄kpasịp emi ẹsan̄de mi mbak mbak man osio edinem utebe ọnọ Jehovah. 22  Ndien oku, kpa enye emi ẹyetde aran ke otu nditọiren esie ndida itie esie,+ ediwa. Emi edi nsinsi ewụhọ: Ẹdifọp enye ofụri ofụri nte uwa+ ẹnọ Jehovah. 23  Ndien ẹnyene ndifọp kpukpru uwa n̄kpasịp emi oku+ ọnọde ofụri ofụri. Owo inyeneke ndidia enye.” 24  Ndien Jehovah ọdọhọ Moses ete: 25  “Dọhọ Aaron ye nditọiren esie ete, ‘Emi edi ibet uwa idiọkn̄kpọ:+ Ẹdiwot unam uwa idiọkn̄kpọ ke ebiet+ emi ẹsiwotde unam edifọp uwa ke iso Jehovah. Enye edi ata edisana n̄kpọ.+ 26  Oku emi awade enye kaban̄a idiọkn̄kpọ edita.+ Ẹdita enye ke edisana ebiet+ ke okụre+ tent usopidem. 27  “‘Kpukpru n̄kpọ eke ẹtụkde obụk unam emi ẹdidi edisana,+ ndien ke ini owo esịmede iyịp unam emi ke ọfọn̄,+ afo ediyet se enye esịmede iyịp ke edisana ebiet.+ 28  Ndien ẹnyene ndibom esombat+ emi ẹdade ẹtem unam emi. Edi edieke ẹketemde enye ke eso okpoho, ẹnyene nditụk enye nnyụn̄ nda mmọn̄ ndarade. 29  “‘Kpukpru irenowo ke otu mme oku ẹdita enye.+ Enye edi ata edisana n̄kpọ.+ 30  Edi ẹkûta uwa idiọkn̄kpọ emi ẹdade ndusụk iyịp+ esie ẹdụk tent usopidem ndisio isop ke edisana ebiet. Ẹnyene ndifọp enye ke ikan̄.

Mme Ikọ Idakisọn̄