Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Leviticus 5;1-19

5  “‘Edieke ukpọn̄+ anamde idiọkn̄kpọ ke emi enye okopde nte ẹsịnde isụn̄i+ an̄wa an̄wa, ndien enye edi ntiense mîdịghe okokụt m̀mê ọfọfiọk, edieke enye mîmenke iketịn̄,+ ndudue esie oyobiom enye.  “‘Mîdịghe ke ini ukpọn̄ otụkde ndedehe n̄kpọ, edide okpo ndedehe unam ikọt m̀mê okpo ndedehe ufene m̀mê okpo ndedehe edibotn̄kpọ emi ẹsan̄ade ke otu+ ke isọn̄, okposụkedi enye mîkọfiọkke,+ enye osụk ededehe onyụn̄ enyene ubiomikpe.+  Mîdịghe edieke enye otụkde ndek+ emi otode owo m̀mê n̄kpọ ekededi emi anamde enye edehe, okposụkedi enye mîkọfiọkke, edi ekem enye edifiọk, enye enyene ubiomikpe.  “‘Mîdịghe edieke ukpọn̄ ọn̄wọn̄ọde un̄wọn̄ọ tutu enye ada inua esie etịn̄ ye unana editịm n̄kere+ ete iyanam idiọk+ m̀mê iyanam eti ke se ededi emi enye ọkọn̄wọn̄ọde+ ye unana editịm n̄kere, okposụkedi enye mîkọfiọkke, edi ekem enye edifiọk, enye enyene ubiomikpe ke kiet ke otu mme n̄kpọ emi.  “‘Ndien ama ekem edieke enye enyenede ubiomikpe ke kiet ke otu mme n̄kpọ emi, enye enyene ndiyarade+ idiọkn̄kpọ esie.  Ndien enye enyene ndida uwa ubiomikpe+ esie nsọk Jehovah ke idiọkn̄kpọ emi enye akanamde, oro edi, uman ke otu ufene, edide uman erọn̄ m̀mê uman+ eyen ebot, ke uwa idiọkn̄kpọ; ndien oku enyene ndisio isop nnọ enye ke idiọkn̄kpọ esie.+  “‘Edi edieke enye mîkemeke ndinọ erọn̄,+ do enye enyene ndida mbomon̄kuku+ iba m̀mê nditọ ibiom iba nsọk Jehovah nte uwa ubiomikpe ke idiọkn̄kpọ emi enye akanamde, kiet ke uwa idiọkn̄kpọ,+ kiet ke edifọp uwa.  Enye enyene ndida mmọ nsọk oku, ndien oku eyebem iso awa enye emi edide eke uwa idiọkn̄kpọ onyụn̄ eyịp+ enye itọn̄ esịbe, edi idisịbeke enye ofụri ofụri.  Ndien enye enyene ndisịme ndusụk iyịp uwa idiọkn̄kpọ emi ke n̄kan̄ itieuwa, edi enyịmi iyịp oro osụhọde ọduọk ke ukot itieuwa.+ Enye edi uwa idiọkn̄kpọ. 10  Ndien enye enyene ndiwa enye eken nte edifọp uwa nte ẹkam ẹsinamde;+ ndien oku oyosio isop+ ọnọ enye ke idiọkn̄kpọ emi enye akanamde, ndien ẹyefen enye.+ 11  “‘Edi edieke enye mînyeneke ukeme+ ndinọ mbomon̄kuku iba m̀mê nditọ ibiom iba, do enye enyene ndidomo eti ndomuyo ke ephah kiet nda mbahade kiet ke itie duop+ ndi nte uwa idiọkn̄kpọ ke idiọkn̄kpọ emi enye akanamde. Enye inyeneke ndisịn aran+ inyụn̄ inyeneke ndidian frankincense, koro enye edide uwa idiọkn̄kpọ.+ 12  Ndien enye enyene ndida enye nsọk oku, ndien oku oyowobi enye ekaubọk kiet nte n̄kpọ editi+ ọfọp ke itieuwa ke enyọn̄ uwa Jehovah emi ẹfọpde ke ikan̄.+ Enye edi uwa idiọkn̄kpọ.+ 13  Ndien oku enyene ndisio isop+ nnọ enye ke idiọkn̄kpọ emi enye akanamde, ekededi ke otu mme idiọkn̄kpọ emi, ndien ẹyefen enye; ndien se isụhọde edinyene oku+ ukem nte uwa n̄kpasịp.’” 14  Ndien Jehovah ọdọhọ Moses ete: 15  “Edieke ukpọn̄ mînamke akpanikọ ke emi enye anamde idiọkn̄kpọ ke ndudue adian ndisana n̄kpọ Jehovah,+ enye enyene ndida okukịm erọn̄ eke eyede idem ke otu ufene nsọk Jehovah, nte uwa ubiomikpe,+ nte ekemde ye ekọmurua shekel+ silver oro ẹnịmde, ke shekel edisana ebiet, nte uwa ubiomikpe. 16  Ndien enye ọyọnọ usiene ke idiọkn̄kpọ emi enye akanamde adian edisana ebiet oyonyụn̄ adian mbahade kiet ke itie ition+ emen ọnọ oku, ndien oku ayada okukịm erọn̄ uwa ubiomikpe osio isop+ ọnọ enye, ndien ẹyefen+ enye. 17  “Ndien edieke ukpọn̄ anamde idiọkn̄kpọ ke emi enye anamde kiet ke otu kpukpru mme n̄kpọ oro Jehovah okowụkde ete ẹkûnam, okposụkedi oro enye mîkọfiọkke,+ enye enyene ubiomikpe, ndien ndudue esie oyobiom enye.+ 18  Ndien enye enyene ndisio okukịm erọn̄ eke eyede idem ke otu ufene nsọk oku, nte ekemde ye ekọmurua oro ẹnịmde, ke uwa ubiomikpe;+ ndien oku oyosio isop+ ọnọ enye ke ndudue esie oro enye mîkokohokoi inam, okposụkedi enye mîkọfiọkke, ndien ẹyefen enye.+ 19  Enye edi uwa ubiomikpe. Ke akpanikọ, enye emenyene ubiomikpe+ ke iso Jehovah.”

Mme Ikọ Idakisọn̄