Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Leviticus 4;1-35

4  Ndien Jehovah ọdọhọ Moses ete:  “Dọhọ nditọ Israel ete, ‘Edieke ukpọn̄+ eduede anam idiọkn̄kpọ+ ekededi ke otu mme n̄kpọ emi Jehovah okowụkde ete ẹkûnam, onyụn̄ anamde kiet ke otu mmọ:  “‘Edieke oku, kpa enye emi ẹyetde aran,+ anamde idiọkn̄kpọ+ onyụn̄ anamde mbio obio ẹnyene ubiomikpe, do enye enyene ndinọ Jehovah abak ayara enan̄ emi eyede idem ke idiọkn̄kpọ esie+ nte uwa idiọkn̄kpọ.  Enye onyụn̄ enyene ndida ayara enan̄ oro ndi ke iso Jehovah ke inuaotop tent usopidem,+ onyụn̄ enyene ndidori ubọk esie ke ibuot ayara enan̄+ oro, ndien enye enyene ndiwot ayara enan̄ oro ke iso Jehovah.  Ndien oku, kpa enye emi ẹyetde aran,+ enyene ndida ndusụk iyịp ayara enan̄ oro ndụk tent usopidem;  ndien oku enyene ndidebi nnuenubọk+ esie ke iyịp oro nnyụn̄ nsịme ndusụk iyịp oro utịm ikatiaba+ ke iso Jehovah ke iso ikpehe edisana ebiet.  Ndien oku enyene ndiyet ndusụk iyịp oro ke mme nnụk+ itieuwa ufọp edifuọn̄ incense ke iso Jehovah, emi odude ke tent usopidem, ndien enye ọyọduọk iyịp ayara enan̄ oro osụhọde ke ukot+ itieuwa emi ẹsiwade edifọp uwa, emi odude ke enyịnusụn̄ tent usopidem.  “‘Amaedi ofụri ikpọn̄ ayara enan̄ uwa idiọkn̄kpọ, enye ayadian̄ade ikpọn̄ oro ofụhọde ke nsia, kpa ofụri ikpọn̄ emi adianade ke nsia,+  ye ekpụt mbiba ye ikpọn̄ emi adianade ke mmọ, ukem nte enye oro adianade ke isịn. Amaedi ikpọn̄ oro ofụkde esịt, enye ayadian̄ade ikpọn̄ ye mme ekpụt+ oro. 10  Edidi ukem nte enye emi ẹkedian̄arede ke ayara enan̄ uwa ebuana.+ Ndien oku enyene ndifọp mmọ ke itieuwa emi ẹsiwade edifọp uwa.+ 11  “‘Edi amaedi ikpa ayara enan̄ oro ye ofụri obụk ye ibuot ye ukot ye nsia ye ifuọ+ esie, 12  enye enyene ndimen ofụri ayara enan̄ emi n̄wọrọ n̄ka edem itienna+ ke ebiet emi asanade emi ẹsiduọkde ntọn̄ ikpọn̄ uwa,+ ndien enye enyene ndidori unam emi ke ifia mfọp ke ikan̄.+ Ẹnyene ndifọp enye ke ebiet emi ẹsiduọkde ntọn̄ ikpọn̄ uwa. 13  “‘Edieke ofụri esop Israel ẹnamde ndudue,+ esop mînyụn̄ ifiọkke ite imanam kiet ke otu mme n̄kpọ oro Jehovah owụkde mmọ ete ẹkûnam, ntre ẹnyenede ubiomikpe,+ 14  ndien mmọ ẹdifiọk idiọkn̄kpọ oro mmọ ẹkenamde,+ do esop ẹnyene ndinọ abak ayara enan̄ ke uwa idiọkn̄kpọ ẹnyụn̄ ẹnyene ndida enye ndi iso tent usopidem. 15  Ndien mbiowo esop ẹnyene ndidori ubọk ke ibuot ayara enan̄+ oro ke iso Jehovah, ẹnyụn̄ ẹnyene ndiwot ayara enan̄ oro ke iso Jehovah. 16  “‘Ekem oku, kpa enye emi ẹyetde aran,+ ayada ndusụk iyịp ayara enan̄ oro odụk tent usopidem.+ 17  Ndien oku enyene ndidebi nnuenubọk esie ke iyịp oro nsịme utịm ikatiaba ke iso Jehovah, ke iso ikpehe.+ 18  Ndien enye ayada ndusụk iyịp oro eyet ke mme nnụk itieuwa+ emi odude ke iso Jehovah, ke esịt tent usopidem; ndien enye ọyọduọk iyịp oro osụhọde ke ukot itieuwa emi ẹsiwade edifọp uwa+ emi odude ke enyịnusụn̄ tent usopidem. 19  Ndien enye enyene ndidian̄ade ofụri ikpọn̄ esie mfep, mfọp ke itieuwa.+ 20  Enye onyụn̄ enyene ndinam ye ayara enan̄ emi kpa nte akanamde ye ayara enan̄ uwa idiọkn̄kpọ enye eken. Ntem ke enye edinam ye enye; ndien oku enyene ndisio isop+ nnọ mmọ, ndien ẹyefen mmọ. 21  Ndien enye enyene ndimen ayara enan̄ emi n̄wọrọ n̄ka edem itienna n̄kọfọp, kpa nte enye ọkọfọpde akpa ayara enan̄+ oro. Enye edi uwa idiọkn̄kpọ esop.+ 22  “‘Ke ini ọbọn̄+ anamde idiọkn̄kpọ, enye mînyụn̄ ikohokoi inam kiet ke otu mme n̄kpọ oro Jehovah Abasi esie owụkde owo ete okûnam,+ ke ntre enyenede ubiomikpe, 23  mîdịghe ẹnamde enye ọdiọn̄ọ+ ke enye ama anam idiọkn̄kpọ abiat ewụhọ, enye enyene ndida uwa esie ndi, ayara+ eyen ebot emi eyede idem. 24  Ndien enye enyene ndidori ubọk esie ke ibuot+ eyen ebot oro nnyụn̄ n̄wot enye ke ebiet emi ẹsiwotde unam edifọp uwa ke iso Jehovah.+ Enye edi uwa idiọkn̄kpọ.+ 25  Ndien oku enyene ndida ndusụk iyịp uwa idiọkn̄kpọ ke nnuenubọk esie nyet ke nnụk+ itieuwa emi ẹsiwade edifọp uwa, nnyụn̄ nduọk iyịp oro osụhọde ke ukot itieuwa emi ẹsiwade edifọp uwa. 26  Ndien enye ọyọfọp ofụri ikpọn̄ esie ke itieuwa kpa nte ọkọfọpde ikpọn̄ uwa ebuana;+ ndien oku enyene ndisio isop nnọ enye ke idiọkn̄kpọ esie,+ ndien ẹyefen enye. 27  “‘Ndien edieke ukpọn̄ ekededi ke otu mbio obio anamde idiọkn̄kpọ, mînyụn̄ ikohokoi inam kiet ke otu mme n̄kpọ oro Jehovah owụkde owo ete okûnam, ke ntre enyenede ubiomikpe,+ 28  mîdịghe ẹnamde enye ọdiọn̄ọ ke enye ama anam idiọkn̄kpọ, enye enyene ndida uwa esie ndi, uman+ eyen ebot emi eyede idem, ke idiọkn̄kpọ emi enye akanamde. 29  Ndien enye enyene ndidori ubọk esie ke ibuot+ unam uwa idiọkn̄kpọ oro nnyụn̄ n̄wot unam oro kpa ke itie emi ẹkewotde unam edifọp uwa.+ 30  Ndien oku enyene ndida ndusụk iyịp unam emi ke nnuenubọk esie nyet ke mme nnụk+ itieuwa emi ẹsiwade edifọp uwa, ndien enye ọyọduọk iyịp oro osụhọde ke ukot itieuwa oro.+ 31  Ndien enye ayadian̄ade ofụri ikpọn̄+ esie, kpa nte enye akanamde ye ikpọn̄ uwa ebuana;+ ndien oku enyene ndifọp enye ke itieuwa man osio edinem utebe ọnọ Jehovah;+ oku onyụn̄ enyene ndisio isop nnọ enye, ndien ẹyefen enye.+ 32  “‘Edi edieke enye ọnọde eyenerọn̄+ nte uwa idiọkn̄kpọ esie, enye enyene ndinọ uman eyenerọn̄ emi eyede idem.+ 33  Ndien enye enyene ndidori ubọk esie ke ibuot unam uwa idiọkn̄kpọ oro nnyụn̄ n̄wot enye nte uwa idiọkn̄kpọ ke ebiet emi ẹsiwotde unam edifọp uwa.+ 34  Ndien oku enyene ndida ndusụk iyịp uwa idiọkn̄kpọ ke nnuenubọk esie nyet ke nnụk itieuwa emi ẹsiwade edifọp uwa,+ ndien enye ọyọduọk iyịp oro osụhọde ke ukot itieuwa. 35  Ndien enye ayadian̄ade ofụri ikpọn̄ esie kpa nte ẹsinamde ye ikpọn̄ abak okukịm erọn̄ uwa ebuana, ndien oku enyene ndifọp mmọ ke itieuwa ke enyọn̄ uwa Jehovah emi ẹfọpde ke ikan̄;+ ndien oku enyene ndisio isop+ nnọ enye ke idiọkn̄kpọ emi enye akanamde, ndien ẹyefen enye.+

Mme Ikọ Idakisọn̄