Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Leviticus 27;1-34

27  Ndien Jehovah ọdọhọ Moses ete:  “Dọhọ nditọ Israel ete, ‘Edieke owo anamde san̄asan̄a uwa akan̄a+ ke ndinọ Jehovah mme ukpọn̄ nte ekemde ye ekọmurua oro ẹnịmde,  ekọmurua oro ẹnịmde ama edi eke erenowo isua edịp esịm isua ata, yak ekọmurua oro edi shekel silver aba ye duop ke shekel edisana ebiet.  Edi ama edi n̄wan, yak ekọmurua oro ẹnịmde edi shekel edịp ye duop.  Ndien edieke edide eyen isua ition esịm isua edịp, ekọmurua oro ẹnịmde ke eke erenowo edidi shekel edịp, ndien eke an̄wan edidi shekel duop.  Ndien edieke edide eyen ọfiọn̄ kiet esịm eyen isua ition, ekọmurua oro ẹnịmde ke eke erenowo edidi shekel silver ition,+ ndien ekọmurua oro ẹnịmde ke eke an̄wan edidi shekel silver ita.  “‘Edi edieke edide owo isua ata dọk, onyụn̄ edide erenowo, ekọmurua oro ẹnịmde edidi shekel efịt, eke an̄wan edidi shekel duop.  Edi edieke enye ebuenede tutu enye ikemeke ndikpe ekọmurua oro ẹnịmde,+ enye ndien enyene ndida owo oro ndi ke iso oku, oku onyụn̄ enyene ndikọm urua ibuot owo oro.+ Se andikan̄a akan̄a ekemede ndinọ+ ke oku edikọm urua ibuot owo oro.  “‘Ndien edieke edide utọ unam emi ẹsiwade ẹnọ Jehovah, kpukpru se enye edinọde Jehovah ẹyekabade ẹdi edisana n̄kpọ.+ 10  Enye ikemeke ndinọ efen ke itie esie, inyụn̄ ikemeke ndida se ifọnde n̄kpụhọ ye se idiọkde m̀mê ndida se idiọkde n̄kpụhọ ye se ifọnde. Edi edieke enye osụk oyomde ndida unam kiet n̄kpụhọ ye efen, unam oro ye enye oro ẹdade ẹkpụhọ ẹyekabade ẹdi edisana n̄kpọ. 11  Ndien edieke edide ndedehe+ unam emi owo mîsiwaha inọ Jehovah,+ enye ndien enyene ndimen unam oro ndi ke iso oku.+ 12  Ndien oku enyene ndikọm urua unam oro, edide eti m̀mê idiọk. Se oku enịmde edidi ekọmurua+ esie. 13  Edi edieke enye oyomde ndifak unam oro, enye enyene ndida mbahade ekọmurua oro kiet ke itie ition+ ndian ke ekọmurua oro ẹnịmde. 14  “‘Ndien edieke owo enịmde ufọk esie san̄asan̄a nte edisana n̄kpọ ọnọ Jehovah, oku enyene ndikọm urua ufọk oro, edide eti m̀mê idiọk.+ Se oku enịmde edidi ekọmurua esie. 15  Edi edieke andinịm ufọk oro san̄asan̄a oyomde ndifak ufọk esie, enye enyene ndida mbahade ekọmurua oro kiet ke itie ition ndian ke ekọmurua oro ẹnịmde;+ ndien ufọk oro ayakabade edi esie. 16  “‘Ndien edieke owo osiode ndusụk ke otu in̄wan̄ emi enye enyenede+ enịm san̄asan̄a ọnọ Jehovah, ẹnyene ndibiere ekọmurua esie ntiene udomo n̄kpasịp emi ẹkemede ndisuan ke in̄wan̄ oro: edieke edide udomo homer+ barley kiet, do ekọmurua edidi shekel silver aba ye duop. 17  Edieke enye osiode in̄wan̄ esie enịm san̄asan̄a ke isua Jubilee,+ in̄wan̄ oro edikpa ekọmurua oro ẹnịmde. 18  Ndien edieke enye osiode in̄wan̄ esie enịm san̄asan̄a ke Jubilee ama ekebe, oku enyene ndibat se idide ekọmurua nnọ enye etiene ibat isua emi ẹsụhọde mbemiso isua Jubilee efen, ndien ẹnyene ndisio n̄kpọ ke ekọmurua oro ẹnịmde.+ 19  Edi edieke andisio in̄wan̄ oro nnịm san̄asan̄a edifakde in̄wan̄ esie, enye enyene ndida mbahade ekọmurua oro kiet ke itie ition ndian ke ekọmurua oro ẹnịmde, ndien ayafiak edi inyene esie.+ 20  Edieke enye mîfakke in̄wan̄ oro, edi ẹnyamde ẹnọ owo efen, owo idikemeke ndifak enye aba. 21  Ndien in̄wan̄ emi ẹsanade ẹyak ke Jubilee edidi edisana n̄kpọ ọnọ Jehovah, nte in̄wan̄ emi ẹyakde ẹnọ.+ Oku edinyene enye.+ 22  “‘Ndien edieke enye osiode in̄wan̄ emi enye ekedepde enịm san̄asan̄a ọnọ Jehovah, emi mîdịghe kiet ke otu in̄wan̄ emi edide udeme esie,+ 23  oku enyene ndibat se idide ekọmurua in̄wan̄ oro nnọ enye tutu esịm isua Jubilee, ndien enye enyene ndikpe ekọmurua oro ẹnịmde ke usen oro.+ Emi edi edisana n̄kpọ ọnọ Jehovah.+ 24  Ke isua Jubilee, in̄wan̄ oro ayafiak edi inyene owo emi enye ọkọbọde edep, oro edi, owo emi isọn̄ oro ekedide udeme esie.+ 25  “‘Ẹdibat kpukpru ekọmurua oro ẹnịmde ke shekel edisana ebiet. Shekel oro edidi gerah edịp.+ 26  “‘Sụk akpa eyen unam, emi amanade nte akpa eyen emi edide eke Jehovah+ ke owo mîdisioho inịm san̄asan̄a. Edide ayara enan̄ m̀mê erọn̄, enye enyene Jehovah.+ 27  Ndien edieke edide kiet ke otu ndedehe unam,+ enye onyụn̄ oyomde ndifak enye ke ekọmurua oro ẹnịmde, enye ndien enyene ndida mbahade ekọmurua oro kiet ke itie ition ndian.+ Edi edieke mîfakke, ẹnyene ndinyam ke ekọmurua oro ẹnịmde. 28  “‘Owo inyeneke ndinyam baba n̄kpọ kiet ke otu ofụri se enye enyenede, oro ẹyakde ẹnọ, emi owo ayakde ọnọ Jehovah ete ẹsobo,+ edide ke otu ubonowo m̀mê ke otu unam m̀mê ke otu in̄wan̄ esie, owo inyụn̄ inyeneke ndifak n̄kpọ baba kiet oro ẹkeyakde ẹnọ.+ Emi edi ata edisana n̄kpọ ọnọ Jehovah. 29  Mbufo inyeneke ndifak owo emi ẹsiode ke otu ubonowo ẹnịm ẹnọ nsobo.+ Ẹkûtre ndiwot enye.+ 30  “‘Ndien kpukpru ọyọhọ mbak duop+ ke isọn̄ ye ke n̄kpasịp in̄wan̄ ye mfri eto, ẹnyene Jehovah. Emi edi edisana n̄kpọ ọnọ Jehovah. 31  Ndien edieke owo osụk oyomde ndifak ekededi ke otu ọyọhọ mbak duop esie, enye enyene ndisio mbahade ekọmurua oro kiet ke itie ition ndian.+ 32  Amaedi kpukpru mbahade kiet ke itie duop ke enan̄ ye ke erọn̄, kpukpru se isan̄ade ibe ke idak esan̄,+ mbahade ufene oro kiet ke itie duop edidi edisana n̄kpọ ọnọ Jehovah. 33  Enye inyeneke ndidụn̄ọde nse m̀mê edi eti m̀mê idiọk, inyụn̄ inyeneke ndikpụhọ enye. Edi edieke enye osụk oyomde ndikpụhọ, unam oro ye enye oro ẹdade ẹkpụhọ ẹyekabade ẹdi edisana n̄kpọ.+ Owo idikemeke ndifak ufene oro.’” 34  Mmọ emi ẹdi mme ewụhọ+ oro Jehovah ọkọnọde Moses ete ọnọ nditọ Israel ke Obot Sinai.+

Mme Ikọ Idakisọn̄