Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Leviticus 22;1-33

22  Ndien Jehovah ọdọhọ Moses ete:  “Dọhọ Aaron ye nditọiren esie ete mmọ ẹdian̄ade idem ẹkpọn̄ ndisana n̄kpọ nditọ Israel, ẹkûnyụn̄ ẹsabade edisana enyịn̄ mi+ ke mme n̄kpọ oro mmọ ẹnamde ẹsana ẹnọ mi.+ Ami ndi Jehovah.  Dọhọ mmọ ete, ‘Ke ofụri emana mbufo, owo ekededi ke otu kpukpru nditọ mbufo emi edisan̄ade ekpere ndisana n̄kpọ emi nditọ Israel ẹdinamde ẹsana ẹnọ Jehovah, ke adan̄aemi ndek esie osụk odude enye ke idem,+ ẹnyene ndisịbe ukpọn̄ oro mfep ke iso mi. Ami ndi Jehovah.  Baba owo kiet ke otu nditọ Aaron emi ọdọn̄ọde akpamfia+ m̀mê emi n̄kpọ ọwọrọde enye ke idem+ inyeneke ndidia ndisana n̄kpọ ibọhọke enye asana,+ kpa ntre ke edi ye owo emi otụkde owo ekededi emi ukpọn̄ eke akpade anamde enye edehe+ m̀mê owo emi nsene ọwọrọde enye ke idem,+  m̀mê owo emi otụkde ndedehe unam ekededi emi ẹsan̄ade ke otu+ m̀mê emi otụkde owo emi ndek esie anamde enye edehe.+  Ukpọn̄ eke otụkde n̄kpọ ekededi ke otu emi eyedehe tutu esịm mbubreyo, inyụn̄ inyeneke ndidia n̄kpọ ekededi ke otu ndisana n̄kpọ, edi enye enyene ndiyere mmọn̄.+  Ke ini utịn osopde, enye n̄ko ayasana, ndien ke oro ebede, enye ekeme ndidia ndisana n̄kpọ, koro emi edide uyo esie.+  N̄ko enye inyeneke ndita unam ekededi emi akpade ikpọn̄ m̀mê emi unam efen awaide, mbak emi edinam enye edehe.+ Ami ndi Jehovah.  “‘Ndien mmọ ẹnyene ndinịm ibet mi, mbak mmọ ẹdinam idiọkn̄kpọ, ẹdinyụn̄ ẹkpan̄a+ ke ntak oro koro mmọ ẹsabarede ndisana n̄kpọ oro. Ami ndi Jehovah emi nnamde mmọ ẹsana. 10  “‘Ndien esenowo* inyeneke ndidia edisana n̄kpọ ekededi.+ Owo baba kiet emi odụn̄de ye oku m̀mê owo emi ẹkpede utom inyeneke ndidia edisana n̄kpọ ekededi. 11  Edi edieke oku edepde ukpọn̄, nte ukpọn̄ emi enye adade okụk esie edep, enye ekeme nditiene ndia. Amaedi ifịn emi ẹmanade ke ufọk esie, mmọ ẹkeme nditiene nta uyo esie.+ 12  Ndien edieke eyenan̄wan oku ọdọde esenowo, n̄wan oro inyeneke ndidia se itode etịbe ndisana n̄kpọ. 13  Edi edieke eyenan̄wan oku edide ebeakpa m̀mê ẹsiode enye ndọ, enye mînyụn̄ inyeneke eyen, enye onyụn̄ ọnyọn̄de edidu ke ufọk ete esie nte emi okodude ke ini uyen esie,+ enye ekeme ndita ndusụk uyo ete esie;+ edi baba esenowo kiet iditaha. 14  “‘Edi edieke owo adiade edisana n̄kpọ ke ndudue,+ enye enyene ndidian mbahade kiet ke itie ition+ ke se enye ọnọde ke usiene, onyụn̄ enyene ndida edisana n̄kpọ oro nsọk oku. 15  Ntre mme oku inyeneke ndisabade ndisana n̄kpọ nditọ Israel emi mmọ ẹnọde Jehovah,+ 16  nnyụn̄ nnam mbio obio ẹnyene ubiomikpe ke mmọ ndidia ndisana n̄kpọ mmọ; koro ami ndi Jehovah emi nnamde mmọ ẹsana.’” 17  Ndien Jehovah ọdọhọ Moses ete: 18  “Dọhọ Aaron ye nditọiren esie ye kpukpru nditọ Israel ete, ‘Amaedi owo ekededi ke ufọk Israel m̀mê esenowo emi odụn̄de ke Israel, emi adade uwa esie edi,+ kaban̄a akan̄a+ mmọ ekededi m̀mê kaban̄a uwa unyịmesịt+ ekededi, emi mmọ ẹnọde Jehovah nte edifọp uwa, 19  man nnyịme ndibọ+ mbufo enye enyene ndiye idem,+ edi ayara ke otu enan̄, edi abak okukịm erọn̄ m̀mê okpo ebot. 20  Mbufo ẹkûwa unam ekededi emi obiomode ndo,+ koro mmendinyịmeke ndibọ mbufo. 21  “‘Ndien edieke owo adade uwa ebuana+ ọsọk Jehovah man osio se enye akakan̄ade+ mîdịghe ọnọde nte uwa unyịmesịt, edide osio ke otu enan̄ m̀mê ke otu erọn̄, enye enyene ndiye idem, man nnyịme ndibọ. Enye inyeneke ndibiomo ndo ndomokiet. 22  Mbufo inyeneke ndinọ Jehovah se idide nnan m̀mê se ibụn̄ọde ukot m̀mê ubọk m̀mê emi enyenede unan m̀mê nturitụt m̀mê atakde mfat ke idem m̀mê emi okpo atade ke idem,+ mbufo inyụn̄ inyeneke ndida mmọ ndori ke itieuwa nte uwa emi ẹfọpde ke ikan̄+ ẹnọ Jehovah. 23  Amaedi ayara enan̄ m̀mê erọn̄ emi ndido esie kiet ọniọn̄de m̀mê omụhọde akaha,+ afo emekeme ndiwa enye nte uwa unyịmesịt; edi ndinyịmeke ndibọ enye nte akan̄a. 24  Mbufo inyụn̄ inyeneke ndinọ Jehovah unam emi nsen ekpọrọ+ ẹfịmide m̀mê ẹnuahade m̀mê ẹsịbede ẹfep m̀mê ẹsiode osio, mbufo inyụn̄ inyeneke ndiwa mmọ ke isọn̄ mbufo. 25  Ndien mbufo inyeneke ndibọ esenowo baba n̄kpọ emi kiet ke ubọk n̄wa nte uyo Abasi mbufo, koro mmọ mîfọnke. Mmọ ẹbiomo ndo.+ Ndinyịmeke ndibọ+ mmọ ke ubọk mbufo.’” 26  Ndien Jehovah ọdọhọ Moses ete: 27  “Edieke ayara enan̄ m̀mê abak okukịm erọn̄ m̀mê ebot amanade, enye oyodu ye eka esie ke usen itiaba,+ edi ọtọn̄ọde ke ọyọhọ usen itiaita ka iso, nnyenyịme ndibọ enye ke ubọk mbufo nte uwa, kpa uwa emi ẹfọpde ke ikan̄ ẹnọ Jehovah. 28  Amaedi ayara enan̄ ye erọn̄, mbufo inyeneke ndiwot mmọ ye nditọ mmọ usen kiet.+ 29  “Ndien edieke mbufo ẹwade uwa ekọm ẹnọ Jehovah,+ mbufo ẹnyene ndiwa ke usụn̄ oro ndinyịmede ndibọ mbufo. 30  Ke usen oro ke ẹdita enye.+ Mbufo ẹkûsụhọ enye eyo esiere.+ Ami ndi Jehovah. 31  “Ndien mbufo ẹnyene ndinịm mme ewụhọ mi nnyụn̄ nnam mmọ.+ Ami ndi Jehovah. 32  Mbufo inyụn̄ inyeneke ndisabade edisana enyịn̄ mi,+ ẹnyụn̄ ẹnyene ndinịm mi ke edisana ke otu nditọ Israel.+ Ami ndi Jehovah emi nnamde mbufo ẹsana,+ 33  Ami emi n̄kadade mbufo n̄wọrọ ke isọn̄ Egypt man ndi Abasi mbufo.+ Ami ndi Jehovah.”

Mme Ikọ Idakisọn̄

Oro edi, owo emi mîtoho ubon Aaron.