Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Leviticus 21;1-24

21  Ndien Jehovah ọdọhọ Moses ete: “Dọhọ mme oku, nditọiren Aaron, ete, ‘Baba owo kiet okûsabade idem aban̄a ukpọn̄ eke akpade ke otu mbio obio esie.+  Edi owo emi edide iyịp kiet ye enye onyụn̄ ekperede enye, eka esie ye ete esie ye eyen esie eren ye eyen esie an̄wan ye eyeneka esie eren  ye eyeneka esie an̄wan, emi mîfiọkke erenowo onyụn̄ ekperede enye, mînyụn̄ inyeneke ebe, ke enye ekeme ndisabade idem.  Enye okûsabade idem aban̄a n̄wan emi enyenede ebe ke otu mbio obio esie ndien ke ntre anamde idem esie edehe.  Mmọ inyeneke ndinam ibọ ke ibuot mmọ,+ inyụn̄ inyeneke ndikwat mben ntan̄ebek mmọ,+ inyụn̄ inyeneke ndikpi idem.+  Mmọ ẹnyene ndidi edisana nnọ Abasi mmọ,+ inyụn̄ inyeneke ndisabade enyịn̄ Abasi mmọ,+ koro mmọ ẹdide mbon oro ẹfọpde uwa Jehovah ke ikan̄, kpa uyo Abasi mmọ;+ mmọ ẹnyụn̄ ẹnyene ndidi edisana.+  Mmọ inyeneke ndidọ akpara+ m̀mê n̄wan emi ẹma ẹkesabade; mmọ inyụn̄ inyeneke ndidọ+ n̄wan emi ebe ama okosio ndọ,+ koro oku edide edisana ọnọ Abasi esie.  Ntre afo enyene ndinam enye asana,+ koro edi enye awa uyo Abasi fo. Enye edidi edisana ọnọ fi,+ koro ami Jehovah, emi nnamde mbufo ẹsana, ndide edisana.+  “‘Ndien edieke eyenan̄wan oku asabarede idem ke ndisan̄a akpara, edi ete esie ke enye asabade. Ẹnyene ndifọp eyenan̄wan oro ke ikan̄.+ 10  “‘Ndien amaedi akwa oku ke otu nditọete esie emi ẹditọhọde enye edisana aran* ke ibuot+ ẹkenyụn̄ ẹdade odudu ẹsịn enye ke ubọk ẹyọhọ* ẹte esịne mme ọfọn̄ oro,+ enye inyeneke ndiyak idet asuahade enye ke ibuot,+ inyụn̄ inyeneke ndiwai ọfọn̄ esie.+ 11  Ndien enye inyeneke ndisan̄a n̄kpere ukpọn̄ ekededi eke akpade.+ Enye inyeneke ndisabade idem mban̄a ete esie m̀mê eka esie. 12  Enye inyụn̄ inyeneke ndiwọrọ n̄kpọn̄ edisana ebiet inyụn̄ inyeneke ndisabade edisana ebiet Abasi esie,+ koro idiọn̄ọ uyakidem nnọ, kpa edisana aran* Abasi+ esie, eyerede enye ke idem. Ami ndi Jehovah. 13  “‘Ndien enye enyene ndidọ n̄wan emi mîfiọkke erenowo.+ 14  Amaedi ebeakpa m̀mê n̄wan emi ẹma ẹkesio ndọ ye n̄wan emi ẹma ẹkesabade, m̀mê akpara, enye inyeneke ndidọ baba mmọ emi kiet, edi enye enyene ndidọ n̄wan emi mîfiọkke erenowo ke otu mbio obio esie. 15  Ndien enye inyeneke ndisabade mfri esie ke otu mbio obio esie,+ koro ami ndi Jehovah emi nnamde enye asana.’”+ 16  Ndien Jehovah ọdọhọ Moses ete: 17  “Dọhọ Aaron ete, ‘Baba owo kiet ke otu mfri fo ke ofụri emana mmọ emi obiomode ndo+ okûsan̄a ekpere ndiwa uyo Abasi esie.+ 18  Edieke owo ekededi obiomode ndo, enye inyeneke ndisan̄a n̄kpere: nnan m̀mê mbụn̄ọ m̀mê owo eke obiomode ndo ke ibuo m̀mê owo emi ndido esie kiet ọniọn̄de akaha,+ 19  m̀mê owo emi ukot m̀mê ubọk obụn̄ọde, 20  m̀mê ekụn̄ m̀mê owo emi edide ọkpọ ọkpọ* m̀mê owo emi enyịn odorode okpot m̀mê owo emi atakde mfat ke idem m̀mê owo emi okpo atade ke idem m̀mê owo emi nsen ekpọrọ anuahade.+ 21  Owo ekededi ke otu mfri Aaron oku emi obiomode ndo inyeneke ndisan̄a n̄kpere nnyụn̄ mfọp uwa Jehovah ke ikan̄.+ Enye obiomo ndo. Enye inyeneke ndisan̄a n̄kpere nnyụn̄ n̄wa uyo Abasi esie.+ 22  Enye ekeme ndita uyo Abasi esie emi ẹdade ẹto ata ndisana n̄kpọ+ ye emi ẹdade ẹto ndisana n̄kpọ.+ 23  Edi yak enye okûsan̄a ekpere ikpehe,+ okûnyụn̄ asan̄a ekpere itieuwa,+ koro enye obiomode ndo;+ enye inyụn̄ inyeneke ndisabade edisana ebiet+ mi, koro ami ndi Jehovah emi nnamde mmọ ẹsana.’”+ 24  Ntem ke Moses emen ikọ emi etịn̄ ọnọ Aaron ye nditọiren esie ye kpukpru nditọ Israel.

Mme Ikọ Idakisọn̄

Se ik. id. Le 10:7.
Se ik. id. Ex 28:41.
Se ik. id. Le 10:7.
Eyedi emi aban̄a owo oro edide ata isọ m̀mê emi edide ọkpọ ọkpọ ke ntak udọn̄ọ.