Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Leviticus 2;1-16

2  “‘Edieke ukpọn̄ oyomde ndiwa uwa n̄kpasịp+ nnọ Jehovah, yak uwa esie edi eti ndomuyo;+ ndien enye enyene nditọhọ aran nsịn nnyụn̄ ndian frankincense.  Ndien enye enyene ndida uwa esie nsọk nditọiren Aaron, kpa mme oku, oku onyụn̄ enyene ndiwobi eti ndomuyo oro ekaubọk kiet, esịn aran ye kpukpru frankincense esie; ndien enye enyene ndifọp enye ke itieuwa nte n̄kpọ editi,+ nte uwa emi ẹfọpde ke ikan̄ man osio edinem utebe ọnọ Jehovah.  Ndien ubak uwa n̄kpasịp emi osụhọde enyene Aaron ye nditọiren esie,+ nte ata edisana n̄kpọ+ ke uwa emi ẹfọpde ke ikan̄ ẹnọ Jehovah.  “‘Ndien edieke afo awade uwa n̄kpasịp emi ẹkesan̄de ke usan̄uyo, enye enyene ndidi eti ndomuyo, ekara+ uyo eke leaven mîdụhe emi ẹbuakde aran m̀mê mfefere uyo eke leaven mîdụhe+ emi ẹyetde aran.+  “‘Ndien edieke uwa fo edide uwa n̄kpasịp emi ẹsan̄de ke akpan̄kpan̄,+ enye enyene ndidi eti ndomuyo emi ẹbuakde aran, eke leaven mîdụhe.  Bụn̄ enye mbio mbio, nyụn̄ tọhọ aran ke esịt.+ Enye edi uwa n̄kpasịp.  “‘Ndien edieke uwa fo edide uwa n̄kpasịp emi ẹfran̄de ke aran ke eso ufran̄n̄kpọ, ẹkpenyene ndida eti ndomuyo ye aran nnam enye.  Nyụn̄ da uwa n̄kpasịp oro ẹdade mme n̄kpọ emi ẹnam sọk Jehovah; ndien ẹnyene ndiyak enye nnọ oku ndien oku ayada enye asan̄a ekpere itieuwa.  Ndien oku enyene ndiwobi ndusụk uwa n̄kpasịp emi nte n̄kpọ editi+ mfọp ke itieuwa, nte uwa eke ẹwade ke ikan̄ man osio edinem utebe ọnọ Jehovah.+ 10  Ndien ubak uwa n̄kpasịp emi osụhọde enyene Aaron ye nditọiren esie, nte ata edisana n̄kpọ ke uwa emi ẹfọpde ke ikan̄+ ẹnọ Jehovah. 11  “‘Mbufo inyeneke ndiwa baba uwa n̄kpasịp kiet emi leaven odude ke esịt+ nnọ Jehovah, koro mbufo mînyeneke ndifọp ndomuyo eke leaven odude ye aranọkwọk* nte uwa emi ẹfọpde ke ikan̄, nnọ Jehovah. 12  “‘Mbufo ẹdida mmọ ẹsọk Jehovah nte uwa akpa mbun̄wụm,+ edi ẹkûdori mmọ ke itieuwa man osio edinem utebe. 13  “‘Nyụn̄ sịn inụn̄+ ke kpukpru uwa n̄kpasịp emi afo awade; kûnyụn̄ uyak inụn̄ ediomi+ Abasi fo anana ke uwa n̄kpasịp fo. Nọ inụn̄ dian ke kpukpru uwa fo. 14  “‘Ndien edieke afo adade akpa mfri eke adatde ọsọk Jehovah nte uwa n̄kpasịp, da mbuot obufa wheat emi ẹfọpde ke ikan̄, kpa obufa wheat eke owo mîtịmke ọdọrọ, nte akpa mfri eke adatde+ emi edide uwa n̄kpasịp fo. 15  Tọhọ aran ke esịt nyụn̄ dian frankincense. Enye edi uwa n̄kpasịp.+ 16  Ndien oku enyene ndifọp ubak esie nte n̄kpọ editi,+ oro edi, ndusụk wheat eke owo mîtịmke ọdọrọ mi ye aran, ọkọrọ ye kpukpru frankincense esie, nte uwa eke ẹwade ke ikan̄ ẹnọ Jehovah.

Mme Ikọ Idakisọn̄

Nte an̄wan̄ade, emi ikedịghe aran oro ọkwọk osiode, edi ekedi inịn̄e mmọn̄ fig m̀mê eke mme mfri eken.