Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Leviticus 19;1-37

19  Ndien Jehovah ọdọhọ Moses ete:  “Dọhọ ofụri esop nditọ Israel ete, ‘Mbufo ẹnyene ndidi edisana,+ koro ami Jehovah Abasi mbufo ndide edisana.+  “‘Mbufo kiet kiet ẹnyene ndibak ete ye eka mbufo,+ ẹnyụn̄ ẹnyene ndinịm mme sabbath mi.+ Ami ndi Jehovah Abasi mbufo.  Mbufo ẹkûtiene mme abasi oro mînyeneke ufọn,+ ẹkûnyụn̄ ẹtara n̄kpọ ẹnam mme abasi ẹnọ idem mbufo.+ Ami ndi Jehovah Abasi mbufo.  “‘Edieke mbufo ẹwade uwa ebuana ẹnọ Jehovah,+ mbufo ẹnyene ndiwa enye ke usụn̄ emi enye edinyịmede uwa mbufo.+  Mbufo ẹdita uwa mbufo ke usen emi mbufo ẹwade enye ye ke ndan̄nsiere, edi ẹnyene ndifọp se isụhọde isịm ọyọhọ usen ita ke ikan̄.+  Edieke ẹtade enye ke ọyọhọ usen ita, n̄kpọ ndek edi oro.+ Ndinyịmeke uwa oro.+  Owo eke atade, ndudue esie oyobiom enye,+ koro enye asabarede edisana n̄kpọ Jehovah; ndien ẹnyene ndisịbe ukpọn̄ oro mfep ke otu mbio obio esie.  “‘Ndien ke ini mbufo ẹkpen̄ede ukpen̄e ke in̄wan̄ mbufo, kûkpen̄e se idude ke adan̄a in̄wan̄ fo uma, kûnyụn̄ utan̄ se ibọhọde fi iduọn̄ọ.+ 10  N̄ko, kûtet se isụhọde+ ke in̄wan̄ vine fo, kûnyụn̄ utan̄ grape* fo emi ẹduọn̄ọde ke in̄wan̄ vine fo. Kpọn̄ mmọ nọ owo ukụt ye esenowo.+ Ami ndi Jehovah Abasi mbufo. 11  “‘Mbufo ẹkûyịp inọ,+ ẹkûbian̄a abian̄a,+ ẹkûnyụn̄ ẹnam n̄kpọ ke abian̄a ye nsan̄a mbufo.+ 12  Mbufo ẹkûnyụn̄ ẹtomo enyịn̄ mi ke nsu,+ ntem asabarede enyịn̄ Abasi fo. Ami ndi Jehovah. 13  Kûtụk ekemmọ owo,+ kûnyụn̄ uwo n̄wo.+ Kûyak okụk owo emi afo ekpede utom esịne fi ke ubọk eyo esiere.+ 14  “‘Kûsụn̄i inan, kûnyụn̄ unịm n̄kpọ iduọ ke usụn̄ unọ nnan;+ bak Abasi fo.+ Ami ndi Jehovah. 15  “‘Mbufo ẹkûnam se ikwan̄ade ke ikpe. Kûnam n̄kpọ ye ubuene ke asari,+ kûnyụn̄ unam n̄kpọ ye akwa owo ke uma.+ Kpe ikpe nsan̄a fo nte enende. 16  “‘Kûsan̄a udọk edidọk ke otu mbio obio fo.+ Kûnyụn̄ uyom iyịp ekemmọ owo.+ Ami ndi Jehovah. 17  “‘Kûsua eyenusọ ke esịt fo.+ Kûtre ndisua nnọ nsan̄a fo+ mbak afo udutiene ubuana ke idiọkn̄kpọ esie. 18  “‘Kûsio nditọ obio fo usiene,+ kûnyụn̄ unyene udu ke esịt uban̄a mmọ;+ ndien afo enyene ndima mbọhọidụn̄ fo nte idemfo.+ Ami ndi Jehovah. 19  “‘Mbufo ẹnyene ndinịm mme ewụhọ mi: Kûyak orụk ufene fo kiet odoro orụk efen. Kûnyụn̄ utọ orụk n̄kpasịp iba ke in̄wan̄,+ kûnyụn̄ usịne ọfọn̄idem eke ẹbuakde nsio nsio urụk iba ẹdọk.+ 20  “‘Edieke erenowo adan̄de ye n̄wan ndien nsene ọwọrọ, ke ini n̄wan emi edide ofụn an̄wan emi ẹkenịmde ẹnọ owo efen, ndien owo ikafakke ofụn an̄wan oro, enye ikonyụn̄ iwọrọke ufụn, ẹnyene ndinọ ufen. Yak ẹkûwot mmọ, koro ofụn an̄wan emi mîkọwọrọke ufụn. 21  Ndien eren oro enyene ndida uwa ubiomikpe esie nsọk Jehovah ke enyịnusụn̄ tent usopidem, okukịm erọn̄ kiet nte uwa ubiomikpe.+ 22  Ndien oku enyene ndida okukịm erọn̄ uwa ubiomikpe oro nsio isop nnọ eren oro ke iso Jehovah ke idiọkn̄kpọ emi enye akanamde; ndien ẹyefen enye idiọkn̄kpọ emi enye akanamde.+ 23  “‘Ndien ke ini mbufo ẹdidụkde isọn̄ oro, ẹdinyụn̄ ẹtọde eto ekededi emi edinọde mbufo udia, mbufo ẹnyene ndida mbun̄wụm esie nte se idehede, nte “edụt” esie. Enye editie nte edụt ọnọ mbufo ke isua ita. Owo inyeneke ndidia enye. 24  Edi ke ọyọhọ isua inan̄ ofụri mfri+ esie edidi edisana n̄kpọ idara ini usọrọ ọnọ Jehovah.+ 25  Ndien mbufo ẹmekeme ndidia mfri esie ke ọyọhọ isua ition man mbun̄wụm esie asiaha ọnọ mbufo.+ Ami ndi Jehovah Abasi mbufo. 26  “‘Ẹkûta baba n̄kpọ kiet ẹkọrọ ye iyịp.+ “‘Ẹkûmụm ndomo,+ ẹkûnyụn̄ ẹbre mfọni.+ 27  “‘Ẹkûfat idet etak mban̄ mbufo adiana, ẹkûnyụn̄ ẹkwat mben ntan̄ebek mbufo.+ 28  “‘Ẹkûkpi idem mbufo ẹban̄a ukpọn̄ emi akpade,+ ẹkûnyụn̄ ẹkpi idiọn̄ọ ke idem. Ami ndi Jehovah. 29  “‘Kûsabade eyenan̄wan fo ke ndinam enye edi akpara,+ mbak isọn̄ edinam use, obukpo ido+ edinyụn̄ ọyọhọ ke isọn̄. 30  “‘Mbufo ẹnyene ndinịm mme sabbath mi,+ nnyụn̄ n̄wụt ukpono nnọ edisana ebiet mi.+ Ami ndi Jehovah. 31  “‘Ẹkûkabade ẹtiene mme obụp ekpo,+ ẹkûnyụn̄ ẹka ẹtiene mme etịn̄ ini iso,+ mbak mmọ ẹdisabade mbufo. Ami ndi Jehovah Abasi mbufo. 32  “‘Daha da ke iso owo iwat,+ kpono akani owo,+ nyụn̄ bak Abasi fo.+ Ami ndi Jehovah. 33  “‘Edieke esenowo odụn̄de ye afo ke isọn̄ mbufo, mbufo inyeneke ndifiomo enye.+ 34  Mbufo ẹnyene ndida esenowo emi odụn̄de ye mbufo nte amanaisọn̄; afo onyụn̄ enyene ndima enye nte idemfo,+ koro mbufo ẹkedide isenowo ke isọn̄ Egypt.+ Ami ndi Jehovah Abasi mbufo. 35  “‘Mbufo ẹkûnam se ikwan̄ade ke ini ẹkpede ikpe+ ẹnyụn̄ ẹdomode uniọn̄ ye udobi+ m̀mê ke ini ẹdomode n̄kpọ ekededi eke etiede mmọn̄-mmọn̄. 36  Mbufo ẹnyụn̄ ẹnyene udomon̄kpọ eke enende+ ye itiat udobi eke enende ye ephah eke enende ye hin eke enende. Ami ndi Jehovah Abasi mbufo emi n̄kadade mbufo n̄wọrọ ke isọn̄ Egypt. 37  Ntre mbufo ẹnịm kpukpru mme ewụhọ mi ye mme ubiereikpe mi, ẹnyụn̄ ẹnam mmọ.+ Ami ndi Jehovah.’”

Mme Ikọ Idakisọn̄

“Mfri vine.”