Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Leviticus 18;1-30

18  Ndien Jehovah ọdọhọ Moses ete:  “Dọhọ nditọ Israel ete, ‘Ami ndi Jehovah Abasi mbufo.+  Mbufo ẹkûnam n̄kpọ ke usụn̄ oro isọn̄ Egypt emi mbufo ẹkedụn̄de ẹnamde;+ ẹkûnyụn̄ ẹnam n̄kpọ ke usụn̄ oro isọn̄ Canaan emi ndidade mbufo ndụk ẹnamde;+ ẹkûnyụn̄ ẹsan̄a ke mme ewụhọ mmọ.  Mbufo ẹnyene ndinịm mme ubiereikpe+ mi, nnyụn̄ n̄kpeme mme ewụhọ+ mi, man mbufo ẹsan̄a ke mmọ.+ Ami ndi Jehovah Abasi mbufo.  Mbufo ẹnyụn̄ ẹnyene ndinịm mme ewụhọ mi ye mme ubiereikpe mi, emi edide edieke owo enịmde, mmọ ẹyenịm owo oro uwem.+ Ami ndi Jehovah.+  “‘Baba owo mbufo kiet okûsan̄a ekpere n̄kpet n̄kpet iman esie ekededi ete ifụhọde enye iferi.+ Ami ndi Jehovah.  Kûfụhọde usọ iferi,+ kûnyụn̄ ufụhọde uka iferi. Enye edi uka. Kûfụhọde enye iferi.  “‘Kûfụhọde n̄wan usọ iferi.+ Enye edi iferi usọ.  “‘Amaedi iferi eyenuka an̄wan m̀mê eyenusọ an̄wan, edide enye amana ke ufọk mbufo m̀mê ke ebiet en̄wen, kûfụhọde mmọ iferi.+ 10  “‘Amaedi iferi eyenan̄wan emi eyen fo eren obonde m̀mê eyenan̄wan emi eyen fo an̄wan amande, kûfụhọde mmọ iferi, koro mmọ ẹdide iferi fo. 11  “‘Amaedi iferi eyenan̄wan n̄wan usọ, kpa eyen emi usọ obonde, sia enye edide eyenusọ an̄wan, kûfụhọde enye iferi. 12  “‘Kûfụhọde eyeneka usọ an̄wan iferi. N̄wan emi edi iyịp kiet ye usọ.+ 13  “‘Kûfụhọde eyeneka uka an̄wan iferi, koro n̄wan emi edide iyịp kiet ye uka. 14  “‘Kûfụhọde eyeneka usọ eren iferi. Kûsan̄a ukpere n̄wan esie. Enye edi n̄wan eyeneka usọ.+ 15  “‘Kûfụhọde n̄wan eyen+ fo iferi. Enye edi n̄wan eyen fo. Kûfụhọde enye iferi. 16  “‘Kûfụhọde n̄wan eyenuka+ iferi. Iferi eyenuka edi oro. 17  “‘Kûfụhọde n̄wan iferi ukọrọ ye eyen esie an̄wan.+ Kûda eyenan̄wan emi eyen esie eren obonde ye eyenan̄wan emi eyen esie an̄wan amande unyụn̄ ufụhọde mmọ iferi. Mmọ ẹdi iyịp kiet. Obukpo ido edi oro.+ 18  “‘Kûdọ n̄wan ukọrọ ye eyeneka esie an̄wan nte n̄wan ufụp,+ unyụn̄ ufụhọde enye iferi, oro edi, ke adan̄aemi n̄wan fo osụk odude ke uwem. 19  “‘Kûnyụn̄ usan̄a ukpere n̄wan ke ini ndek itieisọn̄+ esie unyụn̄ ufụhọde enye iferi.+ 20  “‘Kûnọ n̄wan nsan̄a fo nsene fo unyụn̄ ukabade udehe ke ndinam oro.+ 21  “‘Kûyak ẹda eyen fo ekededi ẹnọ+ Molech.+ Kûsabade+ enyịn̄ Abasi fo ke utọ usụn̄ oro. Ami ndi Jehovah.+ 22  “‘Kûdan̄ ye erenowo+ ukem nte adan̄de ye n̄wan.+ Mbubiam n̄kpọ edi oro. 23  “‘Kûnọ unam ekededi nsene fo+ unyụn̄ ukabade udehe ke ndinam oro, n̄wan okûnyụn̄ ada ke iso unam ndinyene ebuana ye enye.+ Oro edi edibiat ndutịm obot. 24  “‘Kûyak baba kiet ke otu n̄kpọ emi anam fi edehe, koro mme idụt emi ami mbịnde mfep ke iso fo ẹkesabarede idemmọ ke mme n̄kpọ emi.+ 25  Mmọdo isọn̄ oro edehede, ndien ami nyada ufen ndudue esie mmia enye, ndien isọn̄ ọyọkpọhi mme andidụn̄ ọduọk.+ 26  Ndien mbufo ẹnyene ndinịm mme ewụhọ mi ye mme ubiereikpe+ mi, mbufo inyụn̄ inyeneke ndinam baba mbubiam n̄kpọ emi kiet, edide amanaisọn̄ m̀mê esenowo emi odụn̄de ke otu mbufo.+ 27  Koro mbon emi ẹkedude mbemiso mbufo ẹma ẹnam kpukpru mbubiam n̄kpọ emi,+ isọn̄ oro onyụn̄ edehe. 28  Do, isọn̄ idikpọhike mbufo iduọk ke mbufo ndisabade enye kpa nte enye edikpọhide mme idụt oro ẹkebemde mbufo iso ẹdu.+ 29  Edieke owo ekededi anamde kiet ke otu kpukpru mbubiam n̄kpọ emi, ẹnyene ndisịbe mme ukpọn̄ eke ẹnamde n̄kpọ emi mfep ke otu mbio obio mmọ.+ 30  Mbufo ẹnyene ndinịm ibet mi, ẹkûnyụn̄ ẹnam baba mbubiam ido emi kiet, emi mme idụt oro ẹkebemde mbufo iso ẹdu ẹkenamde,+ mbak mmọ ẹdinam mbufo ẹdehe. Ami ndi Jehovah Abasi mbufo.’”

Mme Ikọ Idakisọn̄