Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Leviticus 17;1-16

17  Ndien Jehovah ọdọhọ Moses ete:  “Dọhọ Aaron ye nditọiren esie ye kpukpru nditọ Israel ete, ‘Ntem ke Jehovah owụk mbufo ete:  “‘“Amaedi owo ekededi ke ufọk Israel emi owotde ayara enan̄ m̀mê abak okukịm erọn̄ m̀mê ebot ke itienna m̀mê owotde ke edem itienna  mînyụn̄ idaha enye idi ke enyịnusụn̄ tent usopidem+ idinọ nte uwa emi ẹwade ẹnọ Jehovah ke iso tent utuakibuot Jehovah, owo oro eyenyene ubiomikpe iyịp. Enye ọduọk iyịp, ndien ẹnyene ndisịbe owo oro mfep ke otu mbio obio+ esie,  man nditọ Israel ẹkpeda uwa mmọ, emi mmọ ẹsiwade ke an̄wa+ ẹdi, ndien mmọ ẹnyene ndida mmọ nsọk oku+ ẹte ada ọnọ Jehovah ke enyịnusụn̄ tent usopidem, mmọ ẹnyụn̄ ẹnyene ndiwa unam emi nte uwa ebuana emi ẹwade ẹnọ Jehovah.+  Ndien oku enyene ndisịme iyịp ke itieuwa+ Jehovah ke enyịnusụn̄ tent usopidem, nnyụn̄ mfọp ikpọn̄+ man osio edinem utebe ọnọ Jehovah.+  Ntre mmọ idiwaha uwa aba inọ mme demon emi ẹbietde ebot+ emi mmọ ẹnyenede oburobụt ebuana.+ Emi edidi nsinsi ewụhọ ọnọ mbufo, ke ofụri emana mbufo.”’  “Afo enyene ndidọhọ mmọ ete, ‘Amaedi owo ekededi ke ufọk Israel m̀mê esenowo emi odụn̄de ke otu mbufo emi awade edifọp uwa+ m̀mê uwa ekededi  mînyụn̄ idaha enye idi ke enyịnusụn̄ tent usopidem idiwa inọ Jehovah,+ ẹnyene ndisịbe owo oro mfep ke otu mbio obio esie.+ 10  “‘Amaedi owo ekededi ke ufọk Israel m̀mê esenowo emi odụn̄de ke otu mbufo emi adiade orụk iyịp+ ekededi, ndinenke iso ye ukpọn̄+ oro adiade iyịp, nyonyụn̄ nsịbe enye mfep ke otu mbio obio esie. 11  Koro uwem unam odu ke iyịp,+ ami mmonyụn̄ nda enye ndori ke itieuwa nnọ mbufo ndisio isop+ nnọ ukpọn̄ mbufo, koro edi iyịp+ osio isop,+ sia uwem odude ke iyịp. 12  Ntak edi oro ndọhọde nditọ Israel nte: “Baba ukpọn̄ kiet okûdia iyịp, baba esenowo kiet eke odụn̄de ke otu mbufo+ okûnyụn̄ adia iyịp.”+ 13  “‘Amaedi owo ekededi ke otu nditọ Israel m̀mê esenowo emi odụn̄de ke otu mbufo emi ebịnde ikọt omụm unam m̀mê inuen oro ẹkemede ndita, enye enyene ndiduọk iyịp esie ke isọn̄+ nnyụn̄ nda ntan mfụk.+ 14  Koro uwem kpukpru orụk unam edide iyịp esie, sia uwem odude ke iyịp. Mmọdo ndọhọde nditọ Israel nte: “Mbufo ẹkûdia iyịp unam ekededi, koro uwem kpukpru orụk unam edide iyịp esie.+ Ẹnyene ndisịbe owo ekededi emi adiade iyịp mfep.”+ 15  Amaedi ukpọn̄ ekededi emi atade unam eke akpade ikpọn̄ m̀mê emi unam ikọt awaide,+ edide enye edi amanaisọn̄ m̀mê esenowo, enye enyene ndiyet ọfọn̄ esie nnyụn̄ nyere mmọn̄, nnyụn̄ ndehe tutu esịm mbubreyo;+ ndien enye ayasana. 16  Edi edieke enye mîyetke ọfọn̄ esie, mînyụn̄ iyereke mmọn̄, ndudue esie oyobiom enye.’”+

Mme Ikọ Idakisọn̄