Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Leviticus 15;1-33

15  Ndien Jehovah ọdọhọ Moses ye Aaron ete:  “Mbufo ẹdọhọ nditọ Israel ẹte, ‘Edieke n̄kpọ ọwọrọde+ erenowo ke ndido idan̄ esie, se iwọrọde enye ke idem edehe.  Ndien n̄kpọ emi ọwọrọde enye ke idem ayanam enye edehe: Edide n̄kpọ ọwọwọrọ enye ke ndido idan̄ m̀mê n̄kpọ oro ọwọrọde esesịri enye ndido idan̄, emi edi ndek esie.  “‘Bed ekededi emi owo oro n̄kpọ ọwọrọde ke idem anade eyedehe, n̄kpọ ekededi eke enye onyụn̄ etiede ke esịt eyedehe.  Ndien owo eke otụkde bed owo emi enyene ndiyet ọfọn̄ esie nnyụn̄ nyere mmọn̄, ndien eyedehe tutu esịm mbubreyo.+  Ndien owo ekededi emi etiede ke n̄kpọ emi owo oro n̄kpọ ọwọrọde ke idem eketiede enyene ndiyet+ ọfọn̄ esie, nnyụn̄ nyere mmọn̄, ndien enye eyedehe tutu esịm mbubreyo.  Ndien owo ekededi eke otụkde owo emi n̄kpọ ọwọrọde+ ke idem enyene ndiyet ọfọn̄ esie, nnyụn̄ nyere mmọn̄, ndien enye eyedehe tutu esịm mbubreyo.+  Ndien edieke owo emi n̄kpọ ọwọrọde ke idem afiaride owo emi asanade etap, enye enyene ndiyet ọfọn̄ esie nnyụn̄ nyere mmọn̄, ndien enye eyedehe tutu esịm mbubreyo.  Ndien ifịm+ edem enan̄-mbakara emi owo oro n̄kpọ ọwọrọde ke idem okodorode eyedehe. 10  Ndien owo ekededi eke otụkde se ededi emi owo oro etiede eyedehe tutu esịm mbubreyo; ndien owo ekededi emi emende mme n̄kpọ oro enyene ndiyet ọfọn̄ esie, nnyụn̄ nyere mmọn̄, ndien enye eyedehe tutu esịm mbubreyo. 11  Ndien edieke owo oro n̄kpọ ọwọrọde+ ke idem otụkde owo ekededi ke ini enye mîyetke ubọk ke mmọn̄, owo emi enyene ndiyet ọfọn̄ esie nnyụn̄ nyere mmọn̄, ndien enye eyedehe tutu esịm mbubreyo. 12  Ndien ẹnyene ndibom+ esombat emi owo oro n̄kpọ ọwọrọde ke idem otụkde; ẹnyụn̄ ẹnyene ndida mmọn̄ ndarade n̄kpọ udọn̄ mmọn̄ ekededi emi ẹdade eto+ ẹnam. 13  “‘Edi edieke udọn̄ọ emi akanamde n̄kpọ ọwọrọ owo ke idem okụrede, do enye enyene ndibat usen itiaba eke ẹdinamde enye asana,+ ndien eyet ọfọn̄ esie onyụn̄ eyet idem ke mmọn̄ idịm;+ ndien enye ayasana. 14  Ndien ke ọyọhọ usen itiaita enye enyene ndida mbomon̄kuku+ iba m̀mê nditọ ibiom iba, ndien enye enyene ndidi ke iso Jehovah ke enyịnusụn̄ tent usopidem nnyụn̄ nyak mmọ nnọ oku. 15  Ndien oku ayawa mmọ, kiet nte uwa idiọkn̄kpọ, enye eken nte edifọp uwa;+ oku onyụn̄ enyene ndisio isop nnọ enye ke iso Jehovah kaban̄a n̄kpọ emi ọwọrọde enye ke idem. 16  “‘Ndien edieke nsene+ ọwọrọde erenowo ke idem, do enye enyene ndiyet ofụri idem esie ke mmọn̄, ndien enye eyedehe tutu esịm mbubreyo. 17  Ndien ẹnyene ndida mmọn̄ nyet ọfọn̄ ekededi ye ikpa ekededi emi nsene oro otụkde, ndien enye eyedehe tutu esịm mbubreyo.+ 18  “‘Edieke erenowo adan̄de ye n̄wan ndien nsene ọwọrọ, mmọ ẹnyene ndiyere mmọn̄, ndien mmọ ẹyedehe+ tutu esịm mbubreyo. 19  “‘Ndien edieke n̄kpọ ọwọrọde n̄wan ke idem, ndien se iwọrọde enye ke idem edi iyịp,+ enye enyene ndidu ke ndek+ itieisọn̄+ esie usen itiaba, ndien owo ekededi eke otụkde enye eyedehe tutu esịm mbubreyo. 20  Ndien n̄kpọ ekededi eke enye anade ke esịt ke ini ndek itieisọn̄ esie eyedehe,+ n̄kpọ ekededi eke enye onyụn̄ etiede ke esịt eyedehe. 21  Ndien owo ekededi eke otụkde bed esie enyene ndiyet ọfọn̄ esie, enye onyụn̄ enyene ndiyere mmọn̄, ndien eyedehe tutu esịm mbubreyo.+ 22  Ndien owo ekededi eke otụkde n̄kpọ ekededi emi enye eketiede ke esịt enyene ndiyet ọfọn̄ esie, enye onyụn̄ enyene ndiyere mmọn̄, ndien eyedehe tutu esịm mbubreyo.+ 23  Ndien edieke enye eketiede ke bed m̀mê ke n̄kpọ efen, owo eke otụkde+ n̄kpọ oro eyedehe tutu esịm mbubreyo. 24  Ndien edieke erenowo adan̄de ye n̄wan ndien ndek itieisọn̄ esie eyere enye,+ eren emi eyedehe ke usen itiaba, ndien bed ekededi oro erenowo emi anade ke esịt eyedehe. 25  “‘Amaedi n̄wan emi iyịp ọwọrọde enye ke idem ebịghi ke ediwak usen+ ke ini mîsịmke ini emi enye esidude ke ndek itieisọn̄,+ mîdịghe edieke iyịp ọwọrọde enye ke idem ebịghi akan ini ndek itieisọn̄ esie, ofụri usen emi iyịp ọwọrọde enye ke idem editie nte mme usen emi enye odude ke ndek itieisọn̄ esie. Enye edehe. 26  Bed ekededi emi enye anade ke esịt ke usen ekededi emi iyịp osụk ọwọrọde enye ke idem editie nte bed ini ndek itieisọn̄+ esie, ndien n̄kpọ ekededi emi enye etiede ke esịt eyedehe kpa nte edide ke ini ndek itieisọn̄ esie. 27  Ndien owo ekededi emi otụkde+ mme n̄kpọ oro eyedehe, enye onyụn̄ enyene ndiyet ọfọn̄ esie nnyụn̄ nyere mmọn̄, ndien eyedehe tutu esịm mbubreyo. 28  “‘Edi edieke n̄wan asanade koro n̄kpọ emi ọkọwọrọde enye ke idem okụrede, enye enyene ndibat usen itiaba nnọ idemesie, ndien ke oro ebede enye ayasana.+ 29  Ndien ke ọyọhọ usen itiaita enye enyene ndida mbomon̄kuku+ iba m̀mê nditọ ibiom iba nsọk oku ke enyịnusụn̄ tent usopidem.+ 30  Ndien oku ayada kiet awa nte uwa idiọkn̄kpọ onyụn̄ ada enye eken awa nte edifọp uwa;+ oku oyonyụn̄ osio isop+ ọnọ enye ke iso Jehovah kaban̄a ndek emi ọkọwọrọde enye ke idem. 31  “‘Ndien mbufo ẹnyene ndidian̄ade nditọ Israel n̄kpọn̄ ndek mmọ, mbak mmọ ẹdikpan̄a ke ndek mmọ ke ini mmọ ẹsabarede tent utuakibuot mi, emi odude ke ufọt mmọ.+ 32  “‘Emi edi ibet emi aban̄ade erenowo emi n̄kpọ ọwọrọde+ enye ke idem ye erenowo emi nsene+ ọwọrọde enye ke idem onyụn̄ anamde enye edehe; 33  ye n̄wan emi odude ke ndek itieisọn̄+ esie, ye owo ekededi emi n̄kpọ ọwọrọde+ enye ke idem, edide eren m̀mê n̄wan, onyụn̄ edide erenowo emi adan̄de ye n̄wan eke edehede.’”

Mme Ikọ Idakisọn̄