Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Judges 8;1-35

8  Ndien mbon Ephraim ẹbụp enye ẹte: “Nso ke afo akanam nnyịn ntem ke emi mûkokotke nnyịn ke ini akakade ndin̄wana ye Midian?”+ Ndien mmọ ẹtọhọ+ ye enye etieti.  Ekem enye ọbọrọ mmọ ete: “Nso ke ami nnam emi emende udomo ye se mbufo ẹnamde?+ Nte nsụhọ eke Ephraim+ ẹtan̄de ifọnke ikan grape* eke Abi-ezer+ ẹtetde?  Abasi ama ada mbọn̄ Midian kpa Oreb ye Zeeb+ esịn mbufo ke ubọk, ndien nso ke ami nnam emi emende udomo ye se mbufo ẹnamde?” Do ke esịt okosụhọ mmọ ke enye ama eketịn̄ ikọ emi.+  Ekem Gideon ye owo ikie ita oro ẹdude ye enye ẹdisịm Jordan, ẹsan̄a ẹbe, ẹnyụn̄ ẹkpa mba, edi ke ẹbebịne.  Ndien enye ọdọhọ mbon Succoth+ ete: “Mbọk, mbufo ẹnọ mbon emi ẹsan̄ade ye ami ekara uyo,+ koro mmọ ẹkpade mba ndien ami ke mbebịne Zebah+ ye Zalmunna,+ kpa ndidem Midian.”  Edi mbọn̄ Succoth ẹbụp enye ẹte: “Nte afo omomụm Zebah ye Zalmunna kan̄a eke akpanamde ẹnọ udịmekọn̄ fo uyo?”+  Ndien Gideon ọbọrọ ete: “Ntak edi oro ndidade eto n̄kukịm+ wilderness mmia mbufo ke ini Jehovah ediyakde Zebah ye Zalmunna esịn mi ke ubọk.”  Ndien enye oto do ọdọk aka Penuel+ onyụn̄ eketịn̄ ikọ ye mmọ kpasụk ntre, edi mbon Penuel ẹbọrọ enye ukem nte mbon Succoth ẹkebọrọde.  Ntem enye ọdọhọ mbon Penuel n̄ko ete: “Mma nnyọn̄ ndi ke ifụre, nyowụri tọwa+ emi.” 10  Ndien Zebah ye Zalmunna+ ẹkedu ke Karkor, udịmekọn̄ mmọ ẹnyụn̄ ẹdu ye mmọ, ofụri mbon emi ẹkesụhọde ke itienna ke otu Nditọ Edem Usiahautịn+ ẹnyụn̄ ẹdi n̄kpọ nte owo tọsịn efịt; ndien mbon oro ẹkeduọn̄ọde ke otu irenowo oro ẹkesikamade akan̄kan̄ ẹkedi owo tọsịn ikie ye edịp.+ 11  Gideon onyụn̄ asan̄a usụn̄ mbon emi ẹdụn̄de ke mme tent ọdọk ke edem usiahautịn Nobah ye Jogbehah+ onyụn̄ okosobo itienna ke adan̄aemi mbon itienna oro ẹdude ke ndueidem.+ 12  Ke ini Zebah ye Zalmunna ẹfehede, enye ebịne mmọ ke ndondo oro tutu okomụm ndidem Midian mbiba oro kpa Zebah ye Zalmunna,+ onyụn̄ anam idem enyek ofụri itienna oro. 13  Ndien Gideon eyen Joash asan̄a usụn̄ emi ọdọkde aka Heres ọnyọn̄ ekọn̄. 14  Enye omụm akparawa kiet emi edide owo Succoth+ ke usụn̄ onyụn̄ obụp enye mbụme.+ Ntre enye ewet enyịn̄ mbọn̄+ Succoth ye mbiowo esie, irenowo ata ye efịteba ọnọ enye. 15  Ndien enye aka ebịne mbon Succoth ọkọdọhọ ete: “Sese Zebah ye Zalmunna emi mbufo ẹkesụn̄ide mi, ẹdọhọ ẹte, ‘Nte afo omomụm Zebah ye Zalmunna kan̄a eke akpanamde ẹnọ udịmekọn̄ fo emi ẹkpade mba uyo?’”+ 16  Ekem enye ada mbiowo obio oro ye eto n̄kukịm wilderness ekpep mbon Succoth n̄kpọ.+ 17  Ndien enye owụri+ tọwa Penuel,+ onyụn̄ owot irenowo obio oro. 18  Ekem enye obụp Zebah ye Zalmunna+ ete: “Nso orụk mme owo ke mbufo ẹkewot ke Tabor?”+ Mmọ ẹnyụn̄ ẹbọrọ ẹte: “Mmọ kiet kiet ẹketie nte afo, mmọ ẹkebiet nditọ edidem.” 19  Ndien enye ọdọhọ ete: “Mmọ ẹkedi nditọeka mi, nditọ emi eka mi akamande. Ma uwem Jehovah, edieke mbufo ẹkpekenịmde mmọ uwem, ami n̄kpowotke mbufo.”+ 20  Ndien enye ọdọhọ Jether akpan esie ete: “Daha ke enyọn̄, wot mmọ.” Edi akparawa oro esịn ndisio akan̄kan̄ esie, koro enye efehede ndịk, sia enye okosụk edide akparawa.+ 21  Ntre, Zebah ye Zalmunna ẹdọhọ ẹte: “Afo daha ke enyọn̄ wot nnyịn, koro nte owo etiede, ntre ke odudu+ esie onyụn̄ etie.” Ndien Gideon adaha ke enyọn̄ owot+ Zebah ye Zalmunna onyụn̄ ọkọn̄ọde n̄kpọmbana emi ebietde ọfiọn̄ ke itọn̄ camel mmọ. 22  Edikem nditọ Israel ẹdọhọ Gideon ẹte: “Di andikara nnyịn,+ afo ye eyen fo ọkọrọ ye eyeyen fo, koro afo anyan̄ade nnyịn osio Midian ke ubọk.”+ 23  Edi Gideon ọdọhọ mmọ ete: “Ami ndikarake mbufo, eyen mi idinyụn̄ ikarake mbufo.+ Jehovah edikara mbufo.”+ 24  Ndien Gideon ọdọhọ mmọ ete: “Yak mben̄e mbufo n̄kpọ: Mbufo owo kiet kiet ẹnọ mi n̄kpanuen+ ibuo ke n̄kpọ mbụme mbufo.” (Mmọ ẹma ẹnyene n̄kpanuen ibuo gold, sia mmọ ẹkedide nditọ Ishmael.)+ 25  Ntem mmọ ẹdọhọ ẹte: “Nnyịn iditreke ndinọ fi.” Ndien mmọ ẹtat ọfọn̄ kiet ẹnịm, owo kiet kiet onyụn̄ otop n̄kpanuen ibuo ke n̄kpọ mbụme esie esịn do. 26  Ndien udobi n̄kpanuen ibuo gold oro enye ekeben̄ede esịm shekel gold tọsịn kiet ikie itiaba, ọkọrọ ye n̄kpọmbana+ emi ebietde ọfiọn̄ ye mme n̄kpanuen utọn̄ ye ọfọn̄ idet erọn̄ emi enyenede uduot mmọn̄ibọn̄+ emi ndidem Midian oro ẹkesịnede, n̄ko ye mme n̄kpọitọn̄ oro ẹkekọn̄ọde mme camel mmọ ke itọn̄.+ 27  Ndien Gideon ada enye anam ephod+ kiet enịm ke obio esie, ke Ophrah;+ ndien ofụri Israel ẹtuak ibuot* ẹnọ ephod oro,+ enye onyụn̄ akabade edi afia ọnọ Gideon ye mbonufọk+ esie. 28  Ntem nditọ Israel ẹkan Midian,+ mmọ inyụn̄ imenekede ibuot aba; ndien isọn̄ oro ana sụn̄ ke isua aba ke eyo Gideon.+ 29  Ndien Jerubbaal+ eyen Joash adaha ọnyọn̄, okodụn̄ ke ufọk esiemmọ. 30  Ndien Gideon ekenyene nditọiren ata ye duop+ oro enye okobonde, koro enye ọkọdọde ediwak iban. 31  Ndien n̄wanesa esie oro okodude ke Shechem aman eyeneren n̄ko ọnọ enye. Ntre enye osio enye enyịn̄ Abimelech.+ 32  Ekem Gideon eyen Joash akpa ke enye ama ọkọsọn̄ etieti ẹnyụn̄ ẹbụk enye ke itie ubụkowo Joash ete esie ke Ophrah eke mme Abi-ezer.+ 33  Edikem ke ndondo oro Gideon akpade nditọ Israel ẹfiak ẹtuak ibuot* ẹnọ Baal,+ tutu mmọ ẹmek Baal-berith nte abasi+ mmọ. 34  Ndien nditọ Israel itịghi Jehovah Abasi+ mmọ, emi akanyan̄ade mmọ osio ke ubọk kpukpru mme asua mmọ oro ẹkedude ẹkanade mmọ;+ 35  mmọ ikonyụn̄ iwụtke mbonufọk Jerubbaal, kpa Gideon, ima-mfọnido+ ke kpukpru nti n̄kpọ oro enye akanamde ọnọ Israel.+

Mme Ikọ Idakisọn̄

“Mfri vine.”
At. Ed., “ẹnyene oburobụt ebuana ye enye.”
Se ik. id. uf. 27.