Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Judges 7;1-25

7  Ndien Jerubbaal,+ oro edi, Gideon,+ ye kpukpru mbon oro ẹdude ye enye, ẹbak ẹdaha ẹda ẹnyụn̄ ẹkenam nna ke obube mmọn̄ Harod; itienna Midian onyụn̄ odu ke edem edere itienna Gideon, ke obot Moreh, ke unaisọn̄ itịghede.  Ndien Jehovah ọdọhọ Gideon ete: “Mbon emi ẹdude ye afo ẹwak ẹkaha se nyakde Midian nsịn mmọ ke ubọk.+ Mbak Israel ẹdinam inua,+ ẹte, ‘N̄kada ubọk mi nnyan̄a idemmi.’+  Ndien, ke emi, mbọk, bụp kpukpru owo, ete, ‘Anie owo okop ndịk onyụn̄ enyek idem? Yak enye ọnyọn̄.’”+ Ntre ke Gideon esịn mmọ ke udomo. Ndien, owo tọsịn edịp ye iba ẹnyọn̄ọ, ndien osụhọ owo tọsịn duop.  Edi Jehovah ọdọhọ Gideon ete: “Mmọ ẹsụk ẹwawak ẹkaha.+ Nam mmọ ẹsụhọde ẹka mmọn̄ man nsịn mmọ do ke udomo nnọ fi. Ndien owo ekededi eke ndidọhọde fi, ‘Owo emi edika ye afo,’ kpa enye edika ye afo, edi owo ekededi eke ndidọhọde fi, ‘Owo emi idisan̄ake ye afo ika,’ enye n̄ko idisan̄ake ye afo ika.”  Ntre enye anam mmọ ẹsụhọde ẹka mmọn̄.+ Ndien Jehovah ọdọhọ Gideon ete: “Afo oyosio kpukpru owo eke ẹdideide mmọn̄ ke edeme nte ebua edeide, enịm n̄kan̄ kiet, onyụn̄ osio kpukpru owo eke ẹtọn̄ọde-tọn̄ọ ẹdọn̄ ẹn̄wọn̄ mmọn̄,+ enịm n̄kan̄ kiet n̄ko.”  Ndien ibat mbon oro ẹkoide mmọn̄ ke ekaubọk mmọ ẹn̄wọn̄ ẹdi owo ikie ita. Amaedi kpukpru mbon eken, mmọ ẹketọtọn̄ọ ẹdọn̄ ẹn̄wọn̄ mmọn̄.  Ndien Jehovah ọdọhọ Gideon ete: “Ami ndida owo ikie ita emi ẹkoide mmọn̄ ke ekaubọk ẹn̄wọn̄ mi nnyan̄a mbufo, nyonyụn̄ nyak Midian nsịn fi ke ubọk.+ Amaedi kpukpru mbon eken, yak mmọ kiet kiet ẹnyọn̄ọ ebiet mmọ.”  Ntre mbon emi ẹbọ mmọ udia ye mme nnụk+ mmọ, ndien enye ọnọ kpukpru irenowo Israel kiet kiet ẹnyọn̄ọ ufọk mmọ; owo ikie ita ẹnyụn̄ ẹsụhọ ye enye. Ndien itienna Midian odu ke usụk usụk ke unaisọn̄ itịghede+ emi enye odude.  Edikem ke okoneyo+ oro Jehovah ọdọhọ enye ete: “Daha ke enyọn̄ nyụn̄ sụhọde ka itienna, koro mmayak enye nsịn fi ke ubọk.+ 10  Edi edieke ndịk anamde fi ndisụhọde n̄ka, san̄a ye Purah asan̄autom fo sụhọde ka itienna.+ 11  Afo onyụn̄ enyene ndikpan̄ utọn̄ ke se mmọ ẹtịn̄de,+ ndien ubọk ọyọsọn̄ fi,+ ndien afo oyosụhọde aka itienna oro.” Ndien enye ye Purah, asan̄autom esie, ẹsụhọde ẹka mben itienna emi mbonekọn̄ ẹdude. 12  Ndien Midian ye Amalek ye kpukpru Nditọ Edem Usiahautịn+ ẹnam nna ke unaisọn̄ itịghede, mmọ ẹnyụn̄ ẹwak nte n̄kukun̄kpọyọriyọ;+ camel+ mmọ ẹnyụn̄ ẹwak nte ntan mbeninyan̄ tutu inyeneke ibat. 13  Ekem Gideon edi edisịm, ndien, sese! owo kiet ke obụk ndap ọnọ nsan̄a esie, enye onyụn̄ ọdọhọ ete: “Kop ndap emi n̄kadabade mi.+ Sese! n̄kadaba nte ekara uyo barley kiet ewerede akanade edidụk itienna Midian. Ekem uyo oro edidụk tent, ọtọ enye, enye ọduọ,+ ndien uyo oro ọwọn̄ọde tent oro enịm ekari, tent oro onyụn̄ ọduọ ana ke isọn̄.” 14  Ndien nsan̄a esie ọbọrọ+ enye ete: “Emi idịghe n̄kpọ efen ikan akan̄kan̄ Gideon+ eyen Joash, owo Israel. Ata Abasi+ amayak Midian ye ofụri itienna emi esịn enye ke ubọk.”+ 15  Edikem ke adan̄aemi Gideon okopde ndap emi ye se enye ọwọrọde,+ enye atuak ibuot ọnọ Abasi.+ Ekem enye afiak ọnyọn̄ itienna Israel onyụn̄ ọkọdọhọ ete: “Mbufo ẹdaha ke enyọn̄,+ koro Jehovah amada udịmekọn̄ Midian esịn mbufo ke ubọk.” 16  Ndien enye abahade owo ikie ita oro esịn ke udịm ita onyụn̄ esịn kpukpru mmọ nnụk+ ye ikpọ aban̄ ke ubọk, esịn nsadan̄ ikan̄ ke esịt ikpọ aban̄ oro. 17  Ndien enye ọdọhọ mmọ ete: “Mbufo ẹse mi, ẹnyụn̄ ẹnam nte ami nnamde. Ndien ke ini nsịmde mben itienna oro, se ami ndinamde, kpa ntre ke mbufo ẹdinam. 18  Ke ini ami ye kpukpru mbon emi ẹdude ye ami idifride nnụk, mbufo n̄ko ẹyefri, ẹsan̄a n̄ko ẹkanade itienna+ oro, ẹnyụn̄ ẹdọhọ ẹte, ‘Akan̄kan̄ Jehovah+ ye eke Gideon!’” 19  Ekem Gideon ye owo ikie emi ẹdude ye enye ẹdi ẹdisịm mben itienna oro ke ntọn̄ọ ini ukpeme+ ufọt okoneyo. Mmọ ndisụk n̄kụre ndinịm mbon ukpeme edi oro. Ndien mmọ ẹfri nnụk,+ ẹnyụn̄ ẹyak ikpọ aban̄ oro mmọ ẹkekamade ke ubọk+ ẹtọ ẹnuak mbai mbai. 20  Ekem udịm ita oro ẹfri nnụk+ ẹnyụn̄ ẹbom ikpọ aban̄ oro ndien ẹkama nsadan̄ ikan̄ ke ubọk ufien ẹnyụn̄ ẹkama nnụk ke ubọk nnasia ndifri, ẹnyụn̄ ẹfiori ẹte: “Akan̄kan̄ Jehovah+ ye eke Gideon!” 21  Ndien mmọ owo kiet kiet ẹtuak ẹda ke itie mmọ ẹkanade itienna oro ẹkụk, ofụri itienna oro ẹtịbi itọk, ẹfiori n̄kpo ẹnyụn̄ ẹfen̄e.+ 22  Ndien owo ikie ita+ oro ẹka iso ndifri nnụk,+ Jehovah onyụn̄ anam mbon Midian ẹda akan̄kan̄ mmọ ẹn̄wana ye kiet eken ke itienna;+ ndien mmọ ẹdọdiọn̄ ẹfen̄e ke itienna tutu ẹkesịm Beth-shittah, ẹbe ẹsịm Zererah, ye mben Abel-meholah+ emi ekperede Tabbath. 23  Ndien ẹkot nditọ Israel ke Naphtali+ ye Asher+ ye ofụri Manasseh+ ndisop idem, nnyụn̄ n̄ka iso mbịne+ Midian. 24  Ndien Gideon ọdọn̄ mme isụn̄utom ẹka ke ofụri obot obot ikpehe Ephraim,+ ete: “Ẹsụhọde ẹbịne Midian ẹnyụn̄ ẹbem mmọ iso ẹkeda mmọn̄ Beth-barah ye Jordan ẹnyene.” Ntem ke ẹkot ofụri mbon Ephraim ẹdisop idem, ndien mmọ ẹka ẹkeda mmọn̄+ oro ẹnyene tutu esịm Beth-barah ye Jordan. 25  Mmọ n̄ko ẹmụm mbọn̄ Midian iba, oro edi, Oreb ye Zeeb;+ ẹnyụn̄ ẹwot Oreb ke itiat Oreb,+ ndien ẹwot Zeeb ke obube unyịmi wine Zeeb. Ndien ẹka iso ẹbịne Midian,+ ẹnyụn̄ ẹda ibuot Oreb ye eke Zeeb ẹsọk Gideon ke ikpehe Jordan.+

Mme Ikọ Idakisọn̄