Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Judges 6;1-40

6  Ekem nditọ Israel ẹnam se idiọkde ke enyịn Jehovah.+ Ntre Jehovah ayak mmọ esịn Midian+ ke ubọk ke isua itiaba.  Ndien ubọk Midian ọsọn̄ akan eke Israel.+ Ke ntak Midian, nditọ Israel ẹnam itie ubonn̄kpọ ke idak obot ye ke abaitiat ye ke mme itie emi ẹsọn̄de ndidụk.+  Edikem ke adan̄aemi Israel ẹtọde n̄kpasịp,+ Midian ye Amalek+ ye Nditọ Edem Usiahautịn+ ẹdọk ẹdi, ih, mmọ ẹdọk ẹdi ndin̄wana ye mmọ.  Ndien mmọ ẹnam nna ẹnyụn̄ ẹn̄wana ye mmọ ẹnyụn̄ ẹbiat mbun̄wụm isọn̄ tutu ẹkesịm Gaza, inyụn̄ iyakke se ẹdade ẹdu uwem m̀mê erọn̄ m̀mê ayara enan̄ m̀mê ass ndomokiet osụhọ ke Israel.+  Koro mmọ ẹsan̄ade ye ufene ye mme tent mmọ ẹdọk ẹdi. Mmọ ẹwak nte n̄kukun̄kpọyọriyọ,+ mmọ ye camel mmọ ẹwak tutu inyeneke ibat;+ ẹnyụn̄ ẹdụk ẹdi ndibiat isọn̄.+  Ndien Israel enen̄ede odu ke unana ke ntak Midian; nditọ Israel ẹnyụn̄ ẹseme ẹnọ Jehovah ẹyom un̄wam.+  Edikem sia nditọ Israel ẹsemede ẹnọ Jehovah ẹyom un̄wam ke ntak Midian,+  Jehovah ọdọn̄ owo kiet, emi edide prọfet,+ ete ọkọdọhọ nditọ Israel ete: “Ntem ke Jehovah Abasi Israel ọdọhọ ete, ‘Ami n̄kada mbufo n̄wọrọ ke Egypt+ nnyụn̄ nsio mbufo ke ufọk ufụn.+  Ntre mma nnyan̄a mbufo nsio ke ubọk Egypt ye ke ubọk kpukpru mbon emi ẹkefịkde mbufo nnyụn̄ mbịn mmọ mfep ke iso mbufo nnyụn̄ nda isọn̄+ mmọ nnọ mbufo. 10  Ndien ndọhọ mbufo nte: “Ami ndi Jehovah Abasi mbufo.+ Ẹkûfehe mme abasi mme Amorite+ emi mbufo ẹdụn̄de+ ke isọn̄ mmọ.” Edi mbufo ikokopke uyo mi.’”+ 11  Ekem angel Jehovah edi+ edisụhọde etie ke idak akamba eto kiet ke Ophrah, kpa eto emi enyenede Joash owo Abi-ezer,+ ke adan̄aemi Gideon+ eyen esie eyịbide wheat ke obube unyịmi wine man ọsọsọp emen enye efep mbak mbon Midian ẹdikụt. 12  Ekem angel Jehovah ọbiọn̄ọde enye ke iso onyụn̄ ọdọhọ enye ete: “Jehovah omodu ye afo,+ afo ọkpọsọn̄ owo uko.” 13  Ndien Gideon ọdọhọ enye ete: “Mbọk, ọbọn̄ mi, edieke Jehovah odude ye nnyịn, ntak emi kpukpru n̄kpọ emi ẹwọrọde nnyịn,+ enye ndien kpukpru mme utịbe edinam+ oro mme ete nnyịn ẹkebụkde ẹnọ nnyịn+ ẹte, ‘Nte Jehovah ikadaha nnyịn ke Egypt iwọrọ idọk?’+ Ndien, ke emi, Jehovah ọmọkpọn̄ nnyịn,+ onyụn̄ ayak nnyịn esịn Midian ke ekaubọk.” 14  Ntem Jehovah ọwọn̄ọde iso ese enye onyụn̄ ọdọhọ ete: “Da odudu fo emi ka,+ ndien afo ayanyan̄a Israel osio Midian ke ekaubọk.+ Nte idịghe ami ndọn̄ fi?”+ 15  Ekem Gideon ọdọhọ enye ete: “Mbọk, Jehovah, ndida nso nnyan̄a Israel?+ Sese! Tọsịn mi ekpri akan ke esien Manasseh, ami nnyụn̄ ndi n̄kpri-n̄kan ke ufọk ete mi.”+ 16  Edi Jehovah ọdọhọ enye ete: “Koro ami nyodu ye afo,+ afo oyonyụn̄ owot Midian+ nte owo kiet.” 17  Ntem Gideon ọdọhọ enye ete: “Ke emi, edieke edide mmokụt mfọn ke iso fo,+ nọ mi idiọn̄ọ ndida mfiọk ke edi afo etịn̄ ikọ ye ami.+ 18  Mbọk, kûdaha ukpọn̄ ebiet emi tutu ndi ndisịm+ nnyụn̄ nda enọ ndinịm fi ke iso.”+ Ndien angel oro ọdọhọ enye ete: “Nyetie mi mbet tutu afo afiak edi.” 19  Ndien Gideon adaha okowot eyen ebot+ onyụn̄ ada ephah ndomuyo kiet anam edisan̄ uyo eke leaven mîdụhe.+ Enye esịn unam oro ke akpasa, onyụn̄ esịn mmọn̄ efere ke eso utemudia, ndien ada ọsọk enye ke idak akamba eto, ekenịm do ọnọ enye. 20  Ndien angel ata Abasi ọdọhọ enye ete: “Men unam emi ye uyo eke leaven mîdụhe ka kodori ke akamba itiat oko+ nyụn̄ n̄wan̄a mmọn̄ efere oro duọk do.” Ndien enye anam ntre. 21  Ndien angel Jehovah anyan iso esan̄ oro odude enye ke ubọk otụk unam oro ye uyo eke leaven mîdụhe, ikan̄ onyụn̄ obụbede ke itiat ata unam oro ye uyo eke leaven mîdụhe.+ Ndien angel Jehovah oro osop enye ke enyịn. 22  Ekem Gideon edifiọk ke ekedi angel Jehovah.+ Ke ndondo oro Gideon ọdọhọ ete: “O Jehovah, Akakan Ọbọn̄ Andikara, ami mmokụt angel Jehovah iso ye iso!”+ 23  Edi Jehovah ọdọhọ enye ete: “Yak emem odu ye afo.+ Kûfehe ndịk.+ Afo udukpaha.”+ 24  Ntre Gideon anam itieuwa+ do ọnọ Jehovah, ndien ẹkot+ ebiet oro Jehovah-shalom tutu esịm mfịn emi. Enye osụk ododu ke Ophrah+ ke Abi-ezer. 25  Edikem ke okoneyo usen oro Jehovah ọdọhọ enye ete: “Da abak ayara enan̄, kpa ayara enan̄ ete fo, oro edi, udiana abak ayara enan̄ emi edide isua itiaba, nyụn̄ wụri itieuwa Baal+ emi enyenede usọ, nyụn̄ sịbe eto utuakibuot oro adade ekpere enye duọk.+ 26  Da mme itiat emi nam itieuwa nọ Jehovah Abasi fo ke enyọn̄ ọkpọsọn̄ ebiet emi, nyụn̄ da udiana abak ayara enan̄ oro nam edifọp uwa ke ifia eto utuakibuot emi afo edisịbede.” 27  Ntem Gideon ada owo duop ke otu ikọt esie aka akanam kpa nte Jehovah eketemede enye;+ edi sia enye efehede ufọk ete esie ye mbio obio esie etieti, enye inamke uwemeyo, edi aka akanam okoneyo.+ 28  Ke ini mbio obio oro ẹbakde ẹdemede ke usenubọk nte ido akam esidide, sese! ẹma ẹwụri itieuwa Baal ẹnyụn̄ ẹsịbe eto utuakibuot+ emi akadade ekpere enye ẹduọk, ẹnyụn̄ ẹwa udiana abak ayara enan̄ ke itieuwa oro ẹkenamde. 29  Ndien mmọ ẹbụp kiet eken ẹte: “Anie owo anam n̄kpọ emi?” Ndien mmọ ẹsan̄a ẹbụp ẹnyụn̄ ẹyom. Ke akpatre mmọ ẹdọhọ ẹte: “Gideon eyen Joash anam n̄kpọ emi.” 30  Ntre mbio obio oro ẹdọhọ Joash ẹte: “Sio eyen fo di man iwot enye,+ koro enye owụride itieuwa Baal, onyụn̄ esịbede eto utuakibuot oro akadade ekpere ọduọk.” 31  Ntem Joash+ ọdọhọ kpukpru mbon oro ẹkedide ẹbịne enye+ ete: “Ndi mbufo ẹyom nditịn̄ ikọ ke ibuot Baal man mbufo ẹkpenyan̄a enye? Owo ekededi eke editịn̄de ikọ ke ibuot esie ayakpa kpa usenubọk+ emi. Edieke enye edide Abasi,+ yak enye etịn̄ ikọ idemesie,+ koro owo okowụride itieuwa esie.” 32  Ndien enye osio Gideon enyịn̄ Jerubbaal+ ke usen oro, ete: “Yak Baal etịn̄ ikọ idemesie, koro owo okowụride itieuwa+ esie.” 33  Ndien ofụri Midian+ ye Amalek+ ye Nditọ Edem Usiahautịn+ ẹsop idem nte owo kiet+ ẹsan̄a ẹbe ẹnyụn̄ ẹkenam nna ke unaisọn̄ itịghede Jezreel.+ 34  Ndien spirit+ Jehovah edidoro Gideon ke idem, enye onyụn̄ efri nnụk,+ ndien mbon Abi-ezer+ ẹwọrọ ẹtiene enye. 35  Enye onyụn̄ osio mme isụn̄utom+ ọdọn̄ ke ofụri Manasseh, mmọ n̄ko ẹnyụn̄ ẹwọrọ ẹtiene enye. Enye n̄ko ọdọn̄ mme isụn̄utom ke Asher ye Zebulun ye Naphtali, mmọ ẹnyụn̄ ẹdọk ẹdisobo ye enye. 36  Ekem Gideon ọdọhọ ata Abasi ete: “Edieke edide ami ke afo edida anyan̄a Israel, kpa nte afo ọkọn̄wọn̄ọde,+ 37  sese, ami mmọn̄ mbri idet erọn̄ ke ọtọ udịghi wheat. Edieke mbara odude ke idet erọn̄ oro kpọt edi ofụri isọn̄ asat, do nyada oro mfiọk nte ke ami ke afo edida anyan̄a Israel, kpa nte afo ọkọn̄wọn̄ọde.” 38  Ndien edi kpa ntre. Ke ini enye abakde edemede ke ndan̄nsiere onyụn̄ enyịmide idet erọn̄ oro, mmọn̄ emi ọkọwọrọde ke idet erọn̄ oro ama ọyọhọ akamba usan. 39  Nte ededi, Gideon ọdọhọ ata Abasi ete: “Kûyat esịt ye ami, yak ntịn̄ ikọ ini kiet emi kpọt. Mbọk, yak nda idet erọn̄ emi nnam udomo ini kiet efen kpọt. Mbọk, yak idet erọn̄ kpọt asat, mbara onyụn̄ ọyọhọ ke ofụri isọn̄.” 40  Ndien Abasi anam kpasụk ntre ke okoneyo oro; idet erọn̄ kpọt asat, ndien mbara ọyọhọ ke ofụri isọn̄.

Mme Ikọ Idakisọn̄