Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Judges 5;1-31

5  Ndien Deborah+ ye Barak+ eyen Abinoam+ ẹkwọ ikwọ+ ke usen oro, ẹte:   “Mbufo ẹtoro Jehovah,+ Ke ndiyak idet Israel ọkọri ọduọhọ ọnọ ekọn̄, Ke mme owo ndinọ idem unyịme unyịme.+   Mbufo ndidem+ ẹkop; mbufo ikpọ owo ẹnyụn̄ ẹkpan̄ utọn̄: Nyọkwọ nnọ Jehovah, ih, nyọkwọ. Nyọkwọ edinem ikwọ+ nnọ Jehovah, kpa Abasi Israel.+   Jehovah, ke ini afo otode ke Seir+ ọwọrọ, Ke ini afo otode ke in̄wan̄ Edom+ asan̄a, Isọn̄ enyek,+ enyọn̄ onyụn̄ ọtọi mmọn̄,+ Ikpaenyọn̄ onyụn̄ ọtọi mmọn̄.   Mme obot ẹfen̄e ẹkpọn̄ iso Jehovah,+ Sinai+ emi efehe ọkpọn̄ iso Jehovah,+ kpa Abasi Israel.+   Ke eyo Shamgar+ eyen Anath, Ke eyo Jael,+ mme afan̄usụn̄ ẹkena ukpọk, Ndien mme asan̄a ọkpọusụn̄ ẹkesan̄a ke n̄kanade n̄kanade afan̄usụn̄.+   Mme andidụn̄ ke obio oro mînyeneke ibibene ikodụhe aba, mmọ ikodụhe+ aba ke Israel, Tutu ami, Deborah,+ ndaha nda, Tutu ndaha nda nte eka ke Israel.+   Mmọ ẹma ẹmek mbufa abasi.+ Adan̄aoro ke ekọn̄ okodu ke mme inuaotop.+ Owo ikekwe otuekọn̄ m̀mê eduat ndomokiet, Ke otu owo tọsịn aba ke Israel.+   Esịt mi ada ye mme etubom ekọn̄ Israel,+ Emi ẹnọde idem unyịme unyịme ke otu kpukpru owo.+ Mbufo ẹtoro Jehovah.+ 10  Mbufo emi ẹwatde uman ass+ emi ẹdide utouto ye ndatndat, Mbufo emi ẹtiede ke nti ubrin̄kpọ isọn̄ufọk, Ye mbufo emi ẹsan̄ade ke usụn̄, Ẹkere!+ 11  Ẹkop uyo ndusụk mme okoi mmọn̄ ke mme itie ukoi mmọn̄,+ Do ke mmọ ẹbụk ndinen edinam Jehovah,+ Ndinen edinam ikọt esie emi ẹdụn̄de ke obio oro mînyeneke ibibene ke Israel. Adan̄aoro ke ikọt Jehovah ẹkenam isan̄ ẹsụhọde ke inuaotop. 12  O Deborah,+ demede, demede; Demede, demede, nyụn̄ kwọ ikwọ!+ Barak,+ eyen Abinoam,+ daha ke enyọn̄, nyụn̄ tan̄ mbuotekọn̄ fo nyọn̄! 13  Adan̄aoro ke mme andibọhọ ẹkesụhọde ẹbịne ikpọ owo; Ikọt Jehovah ẹnyụn̄ ẹsụhọde ẹtiene mi ẹte in̄wana ye n̄kpọsọn̄ owo. 14  Mmọ ẹketo ke Ephraim ẹdi ke unaisọn̄ itịghede,+ Ẹsan̄a ye afo, O Benjamin, ke otu ikọt fo. Mme etubom ẹto ke Machir+ ẹsụhọde ẹdi, Mme andikama n̄kpọ ewetn̄wed+ ẹnyụn̄ ẹto ke Zebulun. 15  Mbọn̄ Issachar+ ẹkenyụn̄ ẹdu ye Deborah, Issachar ye Barak+ ẹnyụn̄ ẹdu. Ẹkedọn̄ enye asan̄a ke ukot+ ke unaisọn̄ itịghede. Ediwak mbon esien Reuben ẹma ẹdụn̄ọde esịt+ mmọ. 16  Nso inam afo eketiede ke ass ke ufọt ekpat ifụm esie mbiba, Man okop ifiom emi ẹfride ẹnọ ufene?+ Koro ediwak mbon esien Reuben ẹma ẹdụn̄ọde esịt+ mmọ. 17  Gilead odu ke ebietidụn̄ esie ke edem Jordan oko;+ Ndien nso inam Dan okosụk odụn̄de ke nsụn̄ikan̄?+ Asher onyụn̄ etiede sụn̄ ke mbeninyan̄, Enye osụk odu+ ke esụkmbehe esie. 18  Mbon Zebulun ẹma ẹsịn ukpọn̄ mmọ ke itiendịk, ẹkpere ndikpan̄a;+ Ntre n̄ko ye Naphtali+ ke mme edikon̄ ebiet.+ 19  Ndidem ẹwọrọ ẹdi, mmọ ẹn̄wana; Adan̄aoro ke ndidem Canaan ẹken̄wana en̄wan+ Ke Taanach+ ke mmọn̄ Megiddo.+ Mmọ ikadaha+ silver ndomokiet ke udori. 20  Mme ntantaọfiọn̄ ẹda ke ikpaenyọn̄ ẹn̄wana,+ Mmọ ẹda ke usụn̄ mmọ ẹn̄wana ye Sisera. 21  Mmọn̄ Kishon emen mmọ efep,+ Idịm eset, kpa mmọn̄ Kishon.+ O ukpọn̄ mi, afo ama edịghi mbon uko ke ikpat.+ 22  Adan̄aoro ke mme ikpat enan̄-mbakara ẹkedịghi isọn̄+ Koro nyara enan̄-mbakara esie ẹkebarade itọk. 23  Ndien angel Jehovah+ ọdọhọ ete, ‘Mbufo ẹsụn̄i+ Meroz,’ ‘Ẹdọdiọn̄ ẹsụn̄i mme andidụn̄ enye, Koro mmọ mîkọwọrọke idin̄wam Jehovah, Ikọwọrọke idin̄wam Jehovah an̄wana ye n̄kpọsọn̄ owo.’ 24  Jael+ kpa n̄wan Heber owo Kenite+ ọyọbọ itoro akan ke otu iban, Ọyọbọ itoro+ akan ke otu iban emi ẹdụn̄de ke tent. 25  Sisera okoyom mmọn̄, edi n̄wan emi ọnọ enye mmọn̄eba; Ọnọ enye edibari mmọn̄eba+ ke akwa usan mbọn̄. 26  Enye anyan ubọk esie emen ọkpọhọ tent, Onyụn̄ anyan ubọk nnasia esie emen hammer mbon ọkpọsọn̄ utom.+ Enye onyụn̄ ọkọn̄ Sisera ke hammer, ekịm enye ibuot etịbi,+ Enye esịbe onyụn̄ asuan enye etak mban̄. 27  Sisera osụhọ enye ke n̄kpatian̄ ukot, do ke enye ọkọduọ, osụhọde ana do; Sisera osụhọ enye ke n̄kpatian̄ ukot, do ke enye ọkọduọ; Ke ebiet emi enye osụhọde, do ke enye akpa ana.+ 28  N̄wan kiet etie onyụn̄ọ ke window onyụn̄ etie ebet enye, Eka Sisera etie ke ndudu oro ẹkpanade-kpana+ obụp, ‘Nso inam chariot ekọn̄ esie ebịghide ndinyọn̄ ndi?+ Nso inam ntịm ikpat chariot esie ebịghide ntem?’+ 29  Mbon ọniọn̄ ke otu mbọn̄ iban+ esie ẹbọrọ enye, Enye n̄ko ọnọ idemesie ibọrọ, 30  ‘Ndi mmọ ikwe, ndi mmọ idemeke mme n̄kpọ mbụme,+ Ẹnọ kpukpru irenowo+ n̄wan kiet m̀mê iba, Ẹdeme mbụme ndiye uduot ọfọn̄idem ẹnọ Sisera, mbụme ndiye uduot ọfọn̄idem Ọfọn̄idem emi ẹkịmde ẹdọn̄ fansi, ndiye uduot ọfọn̄idem, ọfọn̄idem iba emi ẹkịmde ẹdọn̄ fansi Ndida mbana itọn̄ irenowo emi ẹtan̄de mbụme?’ 31  Kpasụk ntre yak kpukpru mme asua fo ẹkpan̄a ẹtak,+ O Jehovah, Yak etie ye mbon ima+ fo nte ini utịn asiahade ye ọyọhọ uyama esie.”+ Ndien isọn̄ oro ana sụn̄ ke isua aba.+

Mme Ikọ Idakisọn̄