Nte oyomde okụbọde

Mek usem

Be ka udiana n̄kpọ

Be ka se isịnede

Be ka se isịnede

Mme Ntiense Jehovah

Efịk

Bible ke Intanet

EDISANA N̄WED ABASI-EDIKABADE EKE OBUFA ERERIMBOT

Judges 4;1-24

4  Ndien nditọ Israel ẹtọn̄ọ ntak ẹnam se idiọkde ke enyịn Jehovah ke Ehud ama akakpa.+  Ntre ke Jehovah ayak+ mmọ esịn ke ubọk Jabin edidem Canaan, emi akakarade ke Hazor;+ ndien etubom ekọn̄ esie ekedi Sisera,+ emi okodụn̄de ke Harosheth+ mme idụt.  Ndien nditọ Israel ẹseme ẹnọ Jehovah,+ koro Jabin ekenyenede mme chariot ukwak ikie usụkkiet emi ẹnyenede ofụt,+ enye ama efịk onyụn̄ ọsọn̄ ido ye nditọ Israel+ ke isua edịp.  Ndien Deborah, prọfet an̄wan,+ kpa n̄wan Lappidoth, ekedi ebiereikpe ke Israel ini oro.  Enye okodụn̄ ke idak eyop Deborah emi okodude ke ufọt Ramah+ ye Bethel+ ke obot obot ikpehe Ephraim; ndien nditọ Israel ẹsika ẹbịne enye do man enye ekpe ikpe ọnọ mmọ.  Enye onyụn̄ ọdọn̄ ẹkot Barak+ eyen Abinoam ke Kedesh-naphtali+ ẹdi, ndien ọdọhọ enye ete: “Nte Jehovah Abasi Israel inọhọ ewụhọ? ‘Ka kada owo tọsịn duop ke otu nditọ Naphtali+ ye ke otu nditọ Zebulun,+ ẹnyụn̄ ẹsuana ẹyọhọ Obot Tabor.+  Ndien nyodụri+ Sisera+ etubom ekọn̄ Jabin+ ye mme chariot ekọn̄ esie ye otu oro ẹdude ye enye nsọk fi ke itịghede mmọn̄ Kishon,+ ndinyụn̄ ntreke ndida enye nsịn fi ke ubọk.’”+  Ntem Barak ọdọhọ enye ete: “Edieke afo editienede mi aka, ami n̄ko nditreke ndika; edi edieke afo mûdutieneke mi, ami ndikaha.”  Ntre enye ọdọhọ ete: “Nditreke nditiene fi n̄ka. Edi, idịghe afo edida ukpono ke usụn̄ emi akade do, koro Jehovah ediyakde Sisera esịn n̄wan+ ke ubọk.” Ntem ke Deborah adaha ke enyọn̄ etiene Barak aka Kedesh.+ 10  Ndien Barak okot Zebulun+ ye Naphtali obon ọtọkiet ndika Kedesh, ndien owo tọsịn duop ẹtiene enye ẹdọk;+ Deborah onyụn̄ etiene enye ọdọk. 11  Ndien Heber+ owo Kenite adian̄ade ọkpọn̄ mme Kenite,+ kpa nditọ Hobab, emi Moses ekedide ebe eyen mmọ,+ onyụn̄ okowụk tent ekpere akamba eto kiet ke Zaanannim, emi odude ke Kedesh. 12  Ekem ẹditịn̄ ẹnọ Sisera ẹte ke Barak eyen Abinoam+ọdọk aka Obot Tabor.+ 13  Inikiet inikiet Sisera obon kpukpru chariot ekọn̄ esie, kpa chariot ukwak ikie usụkkiet emi ẹnyenede ofụt,+ ye kpukpru owo emi ẹdude ye enye ke Harosheth mme idụt ndisụhọde n̄ka itịghede mmọn̄ Kishon.+ 14  Ndien Deborah ọdọhọ Barak ete: “Daha ke enyọn̄, koro mfịn emi edide usen emi Jehovah edidade Sisera esịn fi ke ubọk. Nte Jehovah ibemke fi iso iwọrọ?”+ Ndien Barak oto ke Obot Tabor osụhọde, ndien owo tọsịn duop ẹtiene enye ke edem. 15  Ndien Jehovah ada iso akan̄kan̄ etịmede+ Sisera ye kpukpru chariot ekọn̄ esie ye kpukpru udịmekọn̄ oro, ke iso Barak. Ke akpatre, Sisera osụhọde ke chariot efehe ke ukot. 16  Ndien Barak ebịne+ mme chariot ekọn̄+ ye udịmekọn̄ oro tutu esịm Harosheth mme idụt, tutu kpukpru udịmekọn̄ Sisera ẹduọn̄ọ ke iso akan̄kan̄. Baba owo kiet isụhọke.+ 17  Edi Sisera+ efehe ke ukot aka tent Jael,+ kpa n̄wan Heber owo Kenite,+ koro Jabin edidem Hazor+ okodude ke emem ye mbonufọk Heber owo Kenite. 18  Ekem Jael ọwọrọ edisobo ye Sisera onyụn̄ ọdọhọ enye ete: “Wọn̄ọde di n̄kan̄ emi, ọbọn̄ mi, wọn̄ọde tiene mi ke n̄kan̄ emi. Kûfehe ndịk.” Ntre ke enye ọwọn̄ọde etiene enye onyụn̄ odụk ke tent esie. Ndien enye ada abran̄kịn ofụk enye. 19  Ekem enye ọdọhọ n̄wan emi ete: “Mbọk, nọ mi ekpri mmọn̄ n̄n̄wọn̄, koro itọn̄ asatde mi.” Ntem ke enye afahade ekpeme ikpa+ emi mmọn̄eba ọdọn̄ọde, ọnọ enye mmọn̄eba ọn̄wọn̄,+ ekem ofụk enye. 20  Ndien Sisera ọdọhọ enye ete: “Da ke enyịnusụn̄ tent emi, ndien edieke owo ekededi edide edibụp ete, ‘Ndi owo odu mi?’ dọhọ ete, ‘Ihih!’” 21  Ndien Jael n̄wan Heber emen ọkpọhọ tent ye hammer akama ke ubọk. Ndien ọn̄wọn ebịne enye akada ọkpọhọ oro owụk enye ke etak mban̄+ ọkọn̄ adian ke isọn̄, ke adan̄aemi enye edede ọkpọsọn̄ idap onyụn̄ akpade mba. Ntre enye akpa.+ 22  Ndien, sese! Barak ke ebebịne Sisera. Jael ọwọrọ edi edisobo ye enye onyụn̄ ọdọhọ enye ete: “Di n̄wụt fi owo emi afo oyomde.” Ntre ke enye odụk etiene enye, ndien, sese! Sisera akpade ana do, ye ọkpọhọ ke etak mban̄ esie. 23  Ntem ke Abasi akakan+ Jabin edidem Canaan ke iso nditọ Israel ke usen oro. 24  Ndien nditọ Israel ẹdọdiọn̄ ẹsọn̄ ubọk ẹkan Jabin edidem Canaan,+ tutu mmọ ẹsịbe Jabin edidem+ Canaan ẹfep.

Mme Ikọ Idakisọn̄