Be ka se isịnede

Be ka udiana n̄kpọ

Be ka se isịnede

Mme Ntiense Jehovah

Efịk

Bible ke Intanet | EDISANA N̄WED ABASI-EDIKABADE EKE OBUFA ERERIMBOT

Judges 2;1-23

2  Ekem angel+ Jehovah oto Gilgal+ ọdọk aka Bochim+ ọkọdọhọ ete: “Ami n̄kada mbufo n̄wọrọ ke Egypt man nda mbufo ndisịn ke isọn̄ emi n̄kọn̄wọn̄ọde nnọ mme ete ete+ mbufo. Ndien mma ndọhọ mbufo nte, ‘Tutu amama ndibiatke ediomi emi n̄kanamde ye mbufo.+  Mbufo ẹkûnyụn̄ ẹdụk ediomi ye mme andidụn̄ isọn̄ emi.+ Mbufo ẹnyụn̄ ẹwụri mme itieuwa mmọ.’+ Edi mbufo ikopke uyo mi.+ Ntak emi mbufo ẹnamde n̄kpọ emi?+  Ntre, ami ndọhọ nte, ‘Ndibịnke mmọ mfep ke iso mbufo, ndien mmọ ẹyekabade ẹdi afia ẹnọ mbufo,+ mme abasi mmọ ẹyenyụn̄ ẹdi n̄kpọ etabi ẹnọ mbufo.’”+  Edikem ke ndondo oro angel Jehovah okụrede nditịn̄ ikọ emi nnọ nditọ Israel, kpukpru owo ẹmenede uyo ẹtua eyet.+  Ntem ke mmọ ẹsio ebiet oro enyịn̄ Bochim. Ndien mmọ ẹwa uwa do ẹnọ Jehovah.  Ke Joshua ama okosio nditọ Israel unyọn̄, mmọ ẹnyọn̄ọ ẹka udeme isọn̄ mmọ kiet kiet, ẹkeda ẹnyene.+  Ndien kpukpru owo ẹka iso ndinam n̄kpọ Jehovah ke ofụri ini emi Joshua odude uwem ye ke ofụri ini uwem kpukpru mbiowo emi ẹkesụk ẹdude uwem ke Joshua ama akakpa, oro ẹkenyụn̄ ẹkụtde kpukpru ikpọ n̄kpọ oro Jehovah akanamde ọnọ Israel.+  Ekem Joshua eyen Nun, kpa asan̄autom Jehovah, akpa ke esịmde isua ikie ye duop.+  Ndien mmọ ẹbụk enye ke udeme obio esie ke Timnath-heres+ ke obot obot ikpehe Ephraim, ke edem edere Obot Gaash.+ 10  Ndien ofụri emana oro n̄ko ẹkpan̄a ẹtiene mme ete ete mmọ,+ emana efen onyụn̄ adaha ada ke mmọ ẹma ẹkebe ẹfep, kpa emana oro mîkọdiọn̄ọke Jehovah ye mme n̄kpọ oro enye akanamde ọnọ Israel.+ 11  Nditọ Israel ẹnyụn̄ ẹnam se idiọkde ke enyịn Jehovah,+ ẹnyụn̄ ẹnam n̄kpọ ẹnọ Baal.+ 12  Ntem ke mmọ ẹkpọn̄ Jehovah Abasi mme ete mmọ emi akadade mmọ ọwọrọ ke isọn̄ Egypt+ ẹnyụn̄ ẹtiene mme abasi efen ke otu mme abasi idụt oro ẹkekande mmọ ẹkụk,+ ẹnyụn̄ ẹnụhọ ẹnọ mmọ, ẹnyụn̄ ẹyat Jehovah esịt.+ 13  Ntem ke mmọ ẹkpọn̄ Jehovah ẹnyụn̄ ẹnam n̄kpọ ẹnọ Baal ye mme mbiet Ashtoreth.+ 14  Ndien Jehovah enen̄ede ayat esịt ye Israel,+ tutu enye ayak mmọ esịn ke ubọk mme andibụme, ndien mmọ ẹbụme mmọ;+ enye onyụn̄ anyam mmọ esịn ke ubọk mme asua oro ẹkande mmọ ẹkụk,+ tutu mmọ ikemeke aba ndida ke iso mme asua mmọ.+ 15  Ebiet ekededi eke mmọ ẹkade, ubọk Jehovah odoro mmọ ke idem idiọk idiọk,+ kpa nte Jehovah ọkọdọhọde, kpa nte Jehovah okonyụn̄ ọn̄wọn̄ọde ọnọ mmọ;+ ndien mmọ ẹdu ke ata nnanenyịn.+ 16  Ekem Jehovah anam mme ebiereikpe+ ẹdaha ẹda, ndien mmọ ẹnyan̄a mmọ ẹsion̄o ke ubọk mme andibụme+ mmọ. 17  Ndien mmọ ikakam ikopke uyo mme ebiereikpe mmọ, edi ẹnyene oburobụt ebuana+ ye mme abasi+ efen, ẹnyụn̄ ẹnụhọ ẹnọ mmọ. Mmọ ẹma ẹwara ẹwaha ẹkpọn̄ usụn̄ oro mme ete ete mmọ ẹkesan̄ade ke ndinịm mme ewụhọ Jehovah.+ Edi mmọ ikanamke ntre. 18  Ndien ke ini Jehovah anamde mme ebiereikpe+ ẹdaha ẹda ẹnọ mmọ, Jehovah odu ye mme ebiereikpe oro kiet kiet, onyụn̄ anyan̄a nditọ Israel osion̄o ke ubọk mme asua mmọ ke ofụri usen emi mme ebiereikpe oro ẹkedude uwem; koro mbọm+ akanamde Jehovah* aban̄a ofụri mmụm oro mmọ ẹkemụmde ke ntak mbon oro ẹkefịkde+ mmọ ye mbon oro ẹkefiomode mmọ. 19  Ndien ke ini ebiereikpe akpade, mmọ ẹtọn̄ọ ntak ẹnam se idade nsobo idi ẹkan mme ete mmọ ke nditiene mme abasi efen nnyụn̄ nnam n̄kpọ mmọ nnyụn̄ nnụhọ nnọ mmọ.+ Mmọ iketreke mme edinam mmọ ye edu nsọn̄ibuot mmọ.+ 20  Ke akpatre, Jehovah ama enen̄ede ayat esịt+ ye Israel, ndien enye ọdọhọ ete: “Koro idụt emi abiatde ediomi+ mi oro n̄kanamde ye mme ete ete mmọ mînyụn̄ ikopke uyo mi,+ 21  ami n̄ko ndibịnke aba baba idụt kiet mfep ke otu mme idụt oro Joshua akakpade ọkpọn̄,+ 22  man nda mmọ ndomo+ Israel nse m̀mê mmọ ẹyesan̄a ke usụn̄ Jehovah kpa nte mme ete mmọ ẹkesan̄ade m̀mê idisan̄ake.” 23  Ntem ke Jehovah akayak mme idụt oro ẹsụhọ inyụn̄ iwarake+ ibịn mmọ ifep, ikonyụn̄ iyakke mmọ isịn Joshua ke ubọk.

Mme Ikọ Idakisọn̄

At. Ed., “koro Jehovah akatuade n̄kpọfiọk.”